 |
الألعاب الفلاشية |
أضواء سوفت |
دليل المواقع |
توبيكات الماسنجر |
مطبخ الأضواء |
سرعة الانترنت |
وطني الكويت |
| روابط مفيدة: استرجاع كلمة المرور | طلب كود تفعيل العضوية | تفعيل العضوية | قوانين المنتدى | ابحث في المنتدى: |
|
 |
 |
|
|
|
||
|
|||||||||||||||||||
|
|
|
LinkBack | أدوات الموضوع | طرق مشاهدة الموضوع |
22-01-2006, 10:59 مساء
|
#1 (permalink) |
|
][©][ألوان الفَرح][©][
 |
قصة عائلة الاضواء...
حياكم أخواني هذي القصه الي اعلنت عنها فجوووور
 وأن شاء اله تعيبكم الصراحه هذي أول محاوله لي وأن الصراحه ميته من الخوف بس أن شاء لله تعيبكم والحين بحط الجزء الاول واذا عيبتكم بنزل الجزء الثاني  عائلة ابو وسيم الاب الاستاذ الام العنقود الجده: لسون الاخ الاكبر: الوسيم >>>هاندسوم الاخت الوسطى: فجر الاخ الاصغر: الحبوب الساعه 8 العائله مجتمعه في الصاله الأبو: هايعيال وين قررتو انسير هذا الصيف الام : والله يا بو وسيم العيال ماتفقو وانا من رأيي نيلس في البيت وايد احسن سعد : يعني شوفيها لو غيرنا السنه و سرنا اسبانيا كل سنه انسير السعوديه كل مره تمشونا على راي فجر فجر: عدال عدال يالاسباني سعد: فجروه انتي اسكتي احسلج فجر: شمعنا قوم عمي صلاح وعمي خالد يسيرون السعوديه اذاسرتو اسبانيا انا بسير وياهم سعد : اصلا تبينها من الله عسب تلصقين في قرموشه وحلوم وبنت عمهم الخبيل زلوخ الجده لسون : وهي تخبط بعصاتها سعيدان اسكت احسلك هب اتسمي بنت عمك خبيل سعد: مب خبيل وهي دوم راكبه فوق السطح ولاتلعب كوره القايله ويا اليهال لسون : وهي تضرب سعد عراسه بالقب >>>>طرباخ على راسك الوسيم: وهو داش البيت السلام عليكم يدو شو مسو سعيدان تظربينه على راسه الام : شو نسوي بيدتك ماترضى في بنت عمك زلوخ لسون : ولدي بو وسيم ترا انا مب سايره غير العمره وذا سرتو مكا ن ثاني بسير ويا وليدي صلاح الابو : خلاص امايه مب سايرين غير السعوديه كلا ولا زعلج يالغاليه فجر : هيييييييييييييييييييييييييي حره فيك سعيدا ن بنسير السعوديه سعد: حره فيه نجحي قبل بعدين فكري وين بسيرين يالله انشالله ترسبين وماسيرين مكان فجر : امايه شوفيه يدعي عليه الام : هب هباك الله فال الله ولا فالك انشالله محد يرسب فيكم وتنجحون شرات كل سنه الوسيم : يعني خلاص اتفقتو الاب : انشالله اذا الله احيانا لين هذاك اليوم بنسير بس باقي اشوف عمك صلاح وعمك خالد اذا بيسيرون ويانا فجر: ابويه اكيد اكيد بسيرون قرموشه وزلوخ قالولي بيت العم صلاح الاب : صلاح الام:سوسه الاخ الاكبر :سنــــد الاخت :زلوخ >>>>> بنت الريح زلوخ: وهي اصيح اماااااايه شوفي سنيدوه ماطاع يوديني السوق من شهر وهو يقولي باجر سند: زلوووخ هذا اخر طلب يبيلي الجلكسي مالج الي فالثلاجه زلوووخ: لا لا لا الاا الجلكسي لو مره ماسير السوق ولا اعطيك اياه سند: عيل خلاص ماشي سوق زلوووخ: خلاص سير ول يعني اتحرامحد غيرك بسير ويا فجر باجر بسير ويا اخوه وسيم سنـد: تهبين اسيرين وياهم والله لحش اريولج حش زلوووخ: فجت حلجها اصيح حرااام عليك يعني ماترحم ولا تخلي رحمة الله تنزل الابو صلاح :يدخل الصاله شو هذا انتو دومكم تضاربون زلووخ: ابويه من شهر وانا اقوله وادني السوق ولين اليوم ماوداني يعني انا مالي حد في هالدنيا سند: عدال اتمسكن الاخت الابو: خلاص بنتي انا الي بوديج السوق زلوووخ: فديتك ابويه يعلني ما خلا منك فكيتني من مذلة سند سنــــــد: والله انا الي فتكيت من حشرج يالدبه صلاح: بس يعيال على الاقل احترمو وجودي ولا خلاص الام : تدخل الصاله ها يعيال شو بلاكم على شو اتفقتو الابو : العصر انا وزللوخ بنسير السوق تامرين على شي ام سند لاسلامتك ابو سند والله انك سويت خير في زلوووخ من شهر وهي تحاول ويا اخوها سنــد: اشوفكم كلكم وقفتو في صف زلووخ الد به وطلعتوني انا الشرير زلووخ: هيييي حره من يظحك اخيرا يضحك كثيرا بيت العم خالد الاب : الدميرال جحا >>خالد الام: همسات الاخ الاكبر هزاع >>فور زايد الاخت الوسطى حلوم>>>>الحالمه الاخت الصغرى :قرموشه الساعه 10مساءً في حجرة حلوم وقرموشه قرموشه: منسدحه على السريروسرحانه الحالمه: يالسه على مكتبها وذاكر ياربي شو اسوي بها الفيزيا والله اني مادانيه في عيشة الله وباجر علينا امتحان وانا مب فاهمه شي حلوم وقرموشه في نفس الصف بس حلوم اكبر من قرموشه بسنه بس دخلو المدرسه في نفس السنه الحالمه: قرموشه قومي ذاكري ويايه يمكن افهم قرموشه: اووووووه حلوم دوم انتي جيه تقطعين عليه حبل افكاري حلوم: ليش قرموشه انتي بعد هامنج الامتحان قرموشه: أي امتحان الله يخليج انا يالسه افكر ابمقلب حق فجررروه الساحره حلوم: والله انج فاضيه عيل هذا وقته قرموشه: عيل متا وقته هذا بدال ماساعديني ولا نسيتي المقالب الي سوتها فينا وفي هالوقت دخل هزاع وهويظحك يالس يرمس ويا وسوم ولد عمه على الموبايل هزاع : لحظه وسوم قرموشه قومي حطيلي عشا قرموشه : وهي معصبه شمعنا انا احطلك ليش ماتقول حق البشكاره ولا انا بشكارتكم في هالبيت هزاع: قرموشه قومي احسلج تراني مب فاضلج الحين اشوفيني مشغول قرموشه: هيه ماشالله وايد مشغول حليلك هزاع: يعني مابتقومين ولا شو تراني سرت المطبخ ومالقيت البشكاره قرموشه: لا يكون شردة حلوم:لا ماشردة سارة ترقد حليله خلاص هزاع انا بقوم هزاع: انا اقول ماعندي غير اخت وحده قرموشه: تراها ماقامت جيه نسيت شوكانت طالبه منك الظهر هزاع: شوطلبت والله نسيت قرموشه: تباك توديه باجر بيت عمي ابو وسوم عند فجروه الساحره هزع: خيييييبه نسيتيني وسوم كان على الخط حرام عليج كله منج هكو سكر قرموشه: يعني مشكله اتصله مره ثانبه هزاع: قولي حق حلوم تحطلي العشا في الصاله بغير ثيابي وبيي صح وقوليلها باجر بوديه عند فجر قرموشه: وانا هزاع: انتي يلسي في البيت عشا ماطعتي تحطيلي بعد تبيني اوديج ويانا قرموشه: اصلا انا امبوني ماب اسير وفي نفس الوقت الاب خالد والام هموس يالسين في الصاله يتابعون فلم عربي وتنزل قرموشه من حجرته وتيلس وياهم الابو خالد: قرموشه الساعه كم الحين قرموشه: اممممم الساعه 11 الام هموس: يوم تدرين انها الساعه 11ليش يالسه لين الحين ليش ماترقدين قرموشه شو امييه ديايه انا ارقد الحين الابو : قرموشه وراج مدرسه باجر وانتي دوم مأ خره اختج قومي ارقدي احسلج قرموشه: لا ابويه بيلس اشويه والله مافيه رقاد الابو: عندج لين الساعه 11ونص بس قرموشه: خلاص بقوم ارقد احسن عاد من زين الفلم الي حاطينه من سنة سكتو الام: احسن يوم ماعيبج يلا سيري ارقدي قرموشه: اصلا انتو مااتابعونه بس حاطينه عشان امل وسير ارقد اعرف حركاتكم انا الابو: وهوو معصب بسج من الهذره يلا سيري رقدي اليوم السبت الساعه التاسعه صباحاً في المدرسه الحصه الاولى تدخل الالماسه ابلة الفيزيا الالماسه: ها بنات انشالله ذاكرتو عدل حق الامتحان زلووووخ: اتصد صوب فجر أي امتحان فجر: اشدراني انا بروحي توني اسمع الالماسه: نعم منو تكلم زلوووخ : لا ابله ماشي سلامتج الالماسه: خلاص عيل رتبو الادراج عسب اوزع الاوراق قرموشه: لاابله تخيلج اجليه ابله انا امس طول اليوم كنت مريضه وماذاكرت شي حتى اسئلي حلوم الالماسه: وهي معصبه قرموشه خلاص تعودت على حركاتج بتمتحنون اليوم يعني بتمتحنون الالماسه: وزعت الاوراق وبدو البنات يحلون حلوم: ترفع الورقه حق فجر وتأشر على السؤال الثاني فجر: ترفع ورقتها حق حلوم وما فيها ولا اجابه حلوم : بصوت واطي امحق بنات عم ولا وحده فينا شاطره قرموشه: تفر قلمها في نص القاعه ابله بسير اييب قلمي طاح الالماسه: خليج انتي انا بيبه قرموشه: اوووووف زلووخ: تأ شر على البنات بيده الالماسه: زلوووخ شو اسوين زلووخ : ماشي ابله بس ماجنه حر وفي هالوقت يدق الجرس الالماسه: يلا بنات عطوني الاوراق خلص الوقت فجر: لا ابله صبري شوي ماحلينا شي الالماسه: انا قلت يلا يعني يلا لو كنتو مذاكرين جان حليتو من زمان تطلع الابله من الصف زلوووخ : فجرروه جان قلتيلي انه عندنا امتحا والله ولا ادري بالدنيا فجر: يعني انا الي ادري حلوم: ليش وين كنتو يوم الابله تقول فجر: ليش حلوم يعني انتي تدرين حلوم: هيه ادري بس ماحليت شي تدرون اني اكره ماده عندي الفيزيا قرموشه: الله يعينا على الدرجات الي بنيبها بنات عم ولا وحده فالحه فينا فجر: ماعليه هذي الدرجات مب محسوبه نسيتو انها اخرسنه زلووخ: يلا فكونا من هالطاري طلعونا من جو الامتحان فجر: هيه تدرون عن اخر التطورات ابويه وافق انسير وياكم السعوديه قرموشه: صدق والله زلووخ: الله جيه بتكون سفرتنا السنه احلى شيء ومرهذا اليوم وخلص الدوام ودق الجرس وطلعو البنات سايرين على البيوت زلووخ: فجر وينو دريولكم ماشوفه فجر: مادري والله احيده بييي قرموشه: هكوه يا وقف الدريول وركبو البنات وهم في السياره زلووخ وقرموشه يتصا صرون فجر: ها شعندكن تصاصرن قرموشه: لا ماشي ماشي نرمس عن الامتحان فجر: هيه الامتحان زلووخ: ترمس الدريول مجيب هات تيلفون مالك شو بيكلم ماما مجيب: انزين بيعطي بس مافي سوي قرقر واجد ما في رصيد زلوخ: انزين انته عطني الحين وبصوت واطي قحط مجيب : شويقول زلوخ: لا ماشي جيب تيلفون مجيب: ها يود تيلفون زلووخ: وع شو هالتيلفون الخايس من متا عندك الله يعافينا حلوم: زلوخ شو هذا طراره وتشرط زلوخ : الوه امييه تراني بسير بيت عمي خالد بتغدا عندهم لا تريوني على الغدا الام سوسه: خلاص بنتي برايج سلمي على عمج وام هزاع زلووخ: انشالله امييه برايج عيل مع السلامه الام : هيه بس لاتبطين عندهم زلووخ:امييه لا انا ابغي ابات عندهم بعد بذاكر ويا قرموشه وحلوم الام : جانج بتباتين شاوري ابوج قبل زلووخ: انزين امييه انتي قوليله الام : لا انتي اتصليله وقوليله احسن مجيب: زلوووخ يلا خلاص بعدين رصيد مالي خلاص زلووخ: اسكت انته امييه خلاص انا بتصله العصر يلا مع السلامه ها يود تيلفونك مجيب: بعد شو الحين خلاص رصيد زلووخ : اووه يوصل الدريول عند بيت قوم فجر قرموشه: فجر تعالي ويانا ترا حلوه يمعتنا فجر: لا مافيه ايي الحين بس يمكن ايكم العصر الحالمه: فجر نسيت تراني بيج اليوم قلت حق هزاع ايبني فجر: زين والله ترا مالي خاطر اطلع من البيت الساعه 2 الظهر في بيت بو هزاع العايله متجمعه على الغدا خالد بوهزاع: شخبار ابوج زلووخ الحين من يومين ماشفته زلووخ: بخير الحمد الله ابويه في البيت ما شوفه يطلع وايد هالايام هزاع: ساده عنه الطلعه زلووخ زلووخ: حليلي الحين من كم يوم ماطلعت .هيه ام هزاع ترا اميه اسلم عليج هموس : الله يسلمها ويسلم من ياب السلام قرموشه : زلووخ بسرعه خلصي يلا بنسير انذاكر هزاع: قرموشه انتي من متا اذاكرين قرموشه: انا كل يوم اذاكر ليش اتحراني مثلك وعقب الغدا سارن قرموشه وحلوم وزلوخ الحجره قرموشه: يلا الحين بنفكر ابأحلا مقلب حق فجرروه الساحره حلوم: وانا اقول يمعتكن مب على خير زلوخ: حلوم والله الغظيم لو قلتيلها مارمس وياج طول عمري حلوم: ليش اقوله اصلا انا مايخصني فيكن قرموشه:هيه ادريبج بسيريله العصر وبتقوليله كل شي زلوخ: قرموشه تعالي انسير الصاله ونخطط هناك على راحتنا قرموشه: يلا الساعه 5 العصر حلوم ادق الباب على هزاع هزاع: ها منو عند الباب الحالمه: انا حلوم هزاع: ها حلوم شو تبين الحالمه : تراك قلت بتوديني بيت عمي عند فجر هزاع : هيه اوكي عشر دقايق وبيي بس خلصي انتي الحالمه: انا جاهزه بس اترياك هزاع : خلاص ياي ياي وبعد عشر دقايق ينزل هزاع وهو كاشخ هزاع: يلا حلوم قومي ركبي وسارو بيت عمهم الاستاذ وصلو البيت نزلت حلوم من السياره هزاع: زقريلي وسوم ترا بيطلع ويايه الحالمه: انشالله ودخلت البيت وحصلت اليد ه لسون شحالج اميه العوده اليده: بخير الحمد الله ها حلوم شحالج وين ابوج ماشوفه ولا يمر عليه الحالمه: اميه ترا البارحه كان عندكم اليده : هيه واله نسيت بنتي مادري شو بلاني اليوم الحالمه: ماعليه يدوه وين فجر اليده : مادري والله انا بروحي ماشوفهم يمكن في حجرتها وفي هالوقت ينزل وسوم من على الدري وسوم: هلا حلوم شحالج الحالمه: بخير الحمد الله اقولك وسوم ترا هزاع يترياك برع الوسيم: هيه سايرله الحين اليده: وهزاع شويسو برع ليش ماييي يسلم عليه الحالمه : لا يدو بس مستعيل شويه اليده: هيه هذا هم الشباب دومهم مستعيلين عاد الي يسمع من كثر الشغل الي عندهم الوسيم : يلا عيل فمان الله اليده: وسوم هالله هالله بطريج لا تسرعون الوسيم : لا يدوه ولا يهمج مابنسرع مع السلامه اليده: الله يحفظكم انشالله وراحت الحالمه عند فجر في حجرتها الحالمه:هلا فجوره شحالج فجر: بخير الحمد الله الحالمه : تعرفين فجر انا وايد مستانسه ان هاي اخرسنه النا في المدرسه فجر: وليش مستانسه نسيتي ان ورانا جامعه ودراسه وتعب الحالمه: هيه بس المدرسه شي والجامعه شي ثاني فجر: انا الي امفرحني الحفله الي بسويها النا ابويه بتكون حقي وحق وسوم عسب تخرجه من الجامعه الحالمه: اكيد بتكون حفله عوده فجر: هيه عاد انشالله ننجح والله اني ميته من الخوف يوم اذكر انه ماشي باقي عن الامتحانات شهر تقريباً الحالمه: هيه فجوره بنحاول انشد حيلنا ونيب نسب مشرفه فجر: كيف ونحن ماشدينا حيلنا من البدايه الحالمه: فجر بعده جدامنا شهر بنحاول انشد حيلنا فجر: هيه حلوم شو سون زلوخ وقرموشه اكيد يالسات يذاكرن الحالمه: أي يذاكرن لوتدرين شو يالسات يسون فجر: شو يسون الحالمه: سمعتهن يقولن يبن يسولج مقلب فجر: انزين شو بيسون الحالمه: مادري ماقاللي فجر : ماعليه حلوم ماتبين تقوليلي الحالمه: لا والله ما قاللي ولا انا من متا اخبي عليج فجر: شو يعني بيسون الا زلوخ وقرموشه مايقدرن يسون شي فجر: حلوم شورايج ترقدين عندنا اليوم الحالمه: لا فجر ماقدر مره ثانيه انشالله فجر: على راحتج الحالمه: يلا فجر انا بسير الحين فجر: منو بيوديج الحالمه : اكيد دريولكم يعني منو عندي غير فجر: خلاص بسير اقول حق البشكاره تخليه يشغل السياره وتنزل فجر وحلوم واليده لسون يالسه في الصاله الحالمه: فمان الله اميه العوده تراني بسير البيت اليده: جيه بنتي مايلستي الحالمه: لا اميه يلست وايد بعده ورايه مذاكره اليده: هيه بنتي الله يوفقج انشالله انتي وبنات عمج الحالمه: امين يارب يلا مع السلامه فجر: مع السلامه اليده: الله يحفطج  |
|
|
22-01-2006, 11:18 مساء
|
#5 (permalink) |
|
ضوء سوبر ماسي
|
قصة روووعة مره .. >>> ان شاء الله بكره بكمل القراءة ..
قرموووشه و زلووخ ( بنت الريح ) محراك الشر في العائلة >>> ودورهم في القصة صج فله والوفا سلمت يداج ع القصة المشوقه ..وننتظر الجزء الثاني >>> أنت خلص الباقي عقب اتكلم .. 
كُنـت هُـنـا فـي يـوم مـا ،،
|
|
|
22-01-2006, 11:19 مساء
|
#6 (permalink) |
|
][©][سندريلا الأضواء][©][
|
احم احم .. معاكم ام هزاع وخرو شوي عني وخرو
 جحجوووح << ادلعك هني ميخالف ابو عيالي مرة ثانية ما تحط لنا فلم من زمن يدة قرموش  قراميش .. اي نقص عليج نحط هالفلم لما تجين ولما تروحين نخليه على المباراة وناسة والله .. تحقق حلمي وصرت أم
: 
|
|
|
|
22-01-2006, 11:20 مساء
|
#7 (permalink) |
|
ضوء سوبر ماسي
|
ما يستوي وفوووي انا ابي اسير منو قال ما بسير
 بدايه حلوووه وفيها وااايد شخصيات ماشاء الله ..  الظاهر وايد اكشنات بتستوي ..  فديييت يدو لسووون حبيتها لووووووووووول مشكوره عزيزتي ونتريا الجزء الثاني دنيا ما بها زايد مريره نمشـي علـى دَربْ مـا تـوطـاه الاقـدامـي .. وِانْ وِعْرِتْ الأرض يعجبني المشي فيها |
|
|
|
22-01-2006, 11:21 مساء
|
#8 (permalink) | |||||||||||||||||||||||
|
مشرفة السوالف والترحيب
][©][ إبتسامة الفجر ][©][ |
أكيد أكيد أتابعون مبارات العين تر قرموشه بعد عمري ماتحب نادي العين
|
|||||||||||||||||||||||
|
|
مركز التحميل 
_(wince).jpg)