 |
الألعاب الفلاشية |
أضواء سوفت |
دليل المواقع |
توبيكات الماسنجر |
مطبخ الأضواء |
سرعة الانترنت |
وطني الكويت |
| روابط مفيدة: استرجاع كلمة المرور | طلب كود تفعيل العضوية | تفعيل العضوية | قوانين المنتدى | ابحث في المنتدى: |
|
 |
 |
|
|
|
||
|
|||||||||||||||||||
|
|
|
LinkBack | أدوات الموضوع | طرق مشاهدة الموضوع |
02-11-2008, 07:30 مساء
|
#11 (permalink) |
|
ضوء مبتديء
|
البــــــ التاسع ـــــارت
رغد : بنات ما تحسون إننا صرنا بعاد عن بعض من زمان ما جلسنا مع بعض ولا استهبلنا ولا سولفنا جلنار : ايه من جد نبغى نستهبل من زمان عن هالحركات فريال : والله من صرتوا حريم وكل وحده حابة لي واحد من جهه وانا غاسلة ايدي منكم لجين : امحق حب المهم فكروا لنا بشي يوسع الصدر فريال : انا عندي فكرة إنما ايه من العصر الحجري دعد : لا واللي يعافيك لا تقولين كل افكارك جاتنا وراها مصايب سوري بس جد ما نبغى نتعبك فريال : مالت عليكم بس انتوا الخسرانين جلنار : يالله قولي خلنا نستانس شبيضرنا يعني ؟؟ فريال : يله اللي موافقة اني اقول تهز راسها واللي مو موافقة تهز راسها هي كمان لأنها بالأخير راح تجي أغلب البنات هزووا روسهم فريال : بما انه كالعادة الأغلبية وافقت خلاص بقول اممممم احم احم شرايكم نغسل العمارة ؟؟ لجين : شف الحين هذي الفكرة اللي ذابحتنا بها وبعدين احد قالك ان العمارة وسخة ؟؟ فريال : تراني قايلة انها من العصر الحجري وبعدين انا ما قلت ان العمارة وسخة بس ترى الغسيل سعة صدر وموية و صابون وناس تتزحلق وفلة دعد : تصدقين فريال الفكرة جازت لي احس حدها وناسة البنات طالعوا بعض وبعدين صدرت منهم ردود افعال مختلفة اللي تصفق واللي تصفر واللي تقط كم كلمة مثل ( ( أحللللى ،، عشتتتتووووووا )) دعد : شفيكم شصاير انهبلتوا ؟؟ فريال : لا ما انهبلنا ولا شي بس اول مرة توافقي ع فكرة من افكارنا النيرة بدون جدال دعد : الحين هذي جزاتي اني احاول انصحكم دايم رانية : ككككككككك اسمعوا من يتكلم عن النصايح ،، بس تصدقين فريال فكرتك مره روعة متى نبدأ فريال سوت نفسها ما سمعت رانية وطنشتها وشموخ عشان ترقع الموضوع قالت : ايه صح متى نبدأ ؟؟ لميس : انا اقول بكره بما إنه خميس وبعدين لو خلصنا عازمتكم عندي جايبة حتة فيلم إنما ايه شموخ : ايا الخاينة رايحة المحل بدوني ؟؟ لميس : ايه رحت عندك شي ؟؟ شموخ : اوريك يالدبة اوريك عصر الخميس البنات كل وحده لبست عبايتها وتلثموا ( خايفين يمر احد من الشباب ) ورفعوا العبايات وربطوها على وسطهم وجابوا عدة الغسيل اللي هي صابون وفيري وديتول وسطول الموية والواير ( لي المويه ) واسفنجات والفرش اللي يغسلون فيها الارض ومساحات وتقاسموا الأغراض جلنار خذت الواير وفريال ولميس وشموخ ولجين خذوا السطول مع الفرش ودعد ورانية ورغد خذووا الماساحات وبددوا الغسيل من الدرج اللي جنب السطح وعلى تحت وقبل ما يبدوا اي شي والأرض ناشفة رانية رشت الفيري على الأرض ودعد صرخت : شتسوين انتي ؟؟ رانية : ولا شي احط الصاابون دعد : بلا استهبال احد يحطه كذا رانية : خلينا نستهبل هي السالفة كلها استهبال جلنار : نعم نعم هيا بنا نستهبل ... ورشت المويه على الأرض وبللت كل شي وجلسوا البنات يدعكوا الأرض وتوهم ما خلصوا نص المكان إلا جاتهم رشة موية باردة وكانت من جلنار اللي بللتهم كاملهم لجين : ياهبلة ايش سويتي ؟؟ .. وشالت لجين سطل المويه اللي مخلوط معاها صابون وكبته على جلنار جلنار وهي تشهق : وااي ليش كذا لكن هين بتشوفين ؟ .. وقطت الواير وخذت سطل الموية الثاني وكبته على لجين لجين صرخت : ياخايسة شوفي شلون صرت والله لا اوريك وبد ت المعركة بين لجين وجلنار وكل البنات اشتركوا فيها اللي سووا المساحات سيوف واللي صاروا يكبوا المويه على بعض وكل شوي وحده طايحة ولا متزحلقة ويفقعون عليها ضحك والعبايات تفتحت والشيل طاحت وصارت حبال وطبعا الموية كانت تنزل من فوق لتحت وتبللت كل العمارة ومن اضرار المعركة الطاحنة ان ابو رغد كان داخل وانكت عليه سطل مويه من فوق واخو فريال الصغير تزحلق وتعور والرجال ما قدرووا يروحوا صلاة المغرب إلا بمظلات وبدل ما يهاوشوهم كل واحد يقول بنات خلهم يستانسون بحياتهم << ابو الفلة واكيد خلصوا نص علب الفيري والتايد اللي بالبيت وبعد المغرب خلصت المعركة وكل البنات واصلين حدهم من التعب شموخ وهي تضحك وتتنفس بصعوبة من التعب : هههههههه شوفوا شلون عباياتنا صارت وخذت نفس وكملت تضحك هههههههههه لميس : الصراحة توني ادري ان الغسيل وناسة كذا لجين : من جد انا عن نفسي احس طلعت طاقاتي اللي كانت مدفونة جواي رانية : وانا اشهد صراحة ما قصرتي بضميير غسلتي جلنار : هههههههه ترانا ما غسلنا شي فريال : ما يحتاج المكان تغسل بروحه لميس : اوووووه بس تعب المهم يلا بنات بسرعة بدلوا وتعالوا عندي فريال : ايه صح ذكرتيني خلني ادق على رائد يجيب لنا فشار وهو جاي لجين : مره نايس عشا نحس اننا بجو السينما بس مصغر وشوي الا سمعوا صوت احد يصرخ : آآآآآآآآآآآآآآآآي .. وجع ان شاء الله شصاير هنا نزلوا البنات يشوفوا مين الا لقوا عبد المجيد ( اخو لجين ) طايح عبد المجيد : شمسويين انتوا هنا آآآآآآي البنات فقعوا ضحك عليه رغد قلبها حنون فبدون شعورها قالت : سلامتك بعد عمري تعورت عبد المجيد استانس : لا تسلمين قلبي لجين اطلعت عيونها ولفت على رغد : وشو وشو بعد عمري وقلبي يالخايسة تحبين اخوي من وراي تعالي يبي لك تحقيق موسع وسحبت رغد من يدها بتوديها الشقة اللي كانت اقرب لهم وهي شقة اهل رغد ولفوا البنات بيروحوا عبد المجيد صرخ : لحظة بلا خبال زايد لجين : نعم شتبي ؟؟ عبد المجيد : ما تشوفيني طايح مو قادر اقوم تعالي ساعديني لجين : اوف ياخي لا تأخرنا شايفني يعني اقدر اشيلك عبد المجيد : مالت عليك من اخت .. ونادى دعد : دعد دعد : هلا عبد المجيد : بالمهلي دعد : اقول تلايط بس واخلص علي شتبي عبد المجيد : صدق انكم مو وجه كلام حلو المهم كاظم بالسيارة دقي عليه خل يجيني دعد : ياربي ما تدري انت قد ايش ممل ودقت دعد على كاظم كاظم : هلا بأغلى الحبايب دعد : اخلص انت وصديقك وتعال شوفه طايح هنا ويلا سلام وسكرت الخط دعد تكلم عبد المجيد : ارتحت كلمته عبد المجيد : مشكورة يالغلا دعد : حدك تراني مخطوبة عبد المجيد ضرب راسه : ايه صح نسيت إلا شخبار فصيل دعد : طايح ويسأل عن اخبار الناس والله انك فاصل يلا سي يو وراحت وخلته وشوي دخل كاظم كاظم يضحك : ههههههههه اقول يالحبيب هو تسونامي مار من هنا عبد المجيد : هيهيهي يا ثقل طينتك تعال ساعدني وانت ساكت كاظم : ليه وين البنات ما ساعدوك ؟ عبد المجيد : يالخايس الحين انت تدري انهم مبللين المكان وشايفني داخل ركض ولا تتكلم كاظم : هههههههههه حبيت اشوفك وانت طايح ووين البنات ما ساعدوك عبد المجيد قاله السالفة اللي صارت مع رغد كاظم : هههههههه اجل خلوك وراحوا مع حبيبة القلب عبد المجيد : بلا حبيبة قلب بلا بطيخ صدق انك مثل البنات كاظم : طيب يا بطيخ انت قوم لا نتأخر على الشباب عبد المجيد : وانت شايفني اقدر اقوم كاظم : اعوذ بالله شايفني امك اقومك وراح له وساعده كاظم : هذا انت ما فيك شي ،، عبد المجيد : ادري بس حاب استهبل كاظم : ياسخفك استهبالك بصل على قلبي عبد المجيد : هيهيهيهي يله سرينا وفي الشقة عند البنات اول ما دخلوا رغد رمت نفسها ع الكنبة ومدت رجولها ع الطاولة وشالت الريموت وجلست تفرفر بالتلفزيون رانية : هي انتي تراك مبلله رغد : كيفي بيتنا ولفت على البنات وكملت : حياكم بنات اجلسوا لجين : لاتضيعي السالفة يلا قولي رغد : اي سالفة واقول ايش اصلا انا ما اذكر انه صارت سالفة لجين : يوووووووه رغود قولي ترانا مبللين نبغى نبدل والدنيا برد رغد ببرود : يؤ روحوا بدلوا تدلون طريق بيوتكم لجين بدت تعصب : بلا سخافة رغد تكلمي رغد : صدق شتبيني اقول ؟؟ لجين : ايش اللي بينك وبين عبد المجيد ؟؟ رغد : ولا شي لجين ولا شي !! رغد : يس ولا شي يعني انا اطلعت مني الكلمة بدون قصد عارفة طبيعتي لساني حلو واخوك ما يصدق ع الكلمة واقف لجين : ايه صح بذي صدقتي لميس : خلاص ارتحتي يله نروح نبدل انا ميتة برد وراحوا البنات يبدلوا ودقت فريال على رائد وقالت له يجيب الفشار وبعد ساعة تجمعوا البنات بشقة اهل لميس لميس: يا حيا الله من جانا شموخ : تونا شايفينك يلا حطي الفيلم خلنا نشوفه لميس : طيب ع الأقل ردي على ترحيبي والله انك ولا مانيب قايلة شموخ : أحسن وراحت لميس المطبخ وجابت صينية مليانة عصيرات وجالكسيات وحطتها على الطاولة وبعدين دخلت الفيلم بالدي في دي وجلسوا البنات رغد وجلنار ولميس على الكنبة ودعد ورانية متربعين على الأرض لكن رانية حاضنة المخدة ولجين منسدحة على بطنها وفريال وشموخ جالسين على الأرض و مسنديين ظهرهم على الكنبة وماديين رجولهم وطبعا كل البنات كانو لابسين بجايم وقبل ما يبدا الفيلم رن جوال فريال لجين : وناسه البوب كورن وصل وردت فريال : هلا رائد : اهلين انتوا وين ؟ فريال : بشقة لميس رائد : اوك اطلعي عشان تأخذي الفشار فريال : اوك وطلعت فريال عند الباب وخذت الفشار من رائد وكان جايب لهم واحد بالزبدة وواحد بالكراميل وواحد بالجبن وكل الثلاثة اكبر حجم جلنار : واااااااو الحين القعدة بتحلى عدل لجين : انا عطوني اللي بالكراميل لي لوحدي دعد : بلا شفاحة كلنا بناكل لميس طفت اللمبات وبدأ الفيلم وجلسوا يأكلوا ويشربوا ومره كانوا مندمجين بالفيلم والجو ولا أروع وخاصة كل وحدة وجلستها وردات فعلهم ع الأحداث مره خطيرة ولميس استغلت اللحظة وراحت جابت كميرا الفيديو وجلست تصور البنات بدون ما يحسوا وهي بداخلها ميتة ضحك وفجأة والبنات بقمة الإندماج نطت رغد وركضت عند الجدار وهي تصرخ كل البنات ارتاعوا ورغد جالسة تنطنط بالصاله وتصرخ: وااااااااااي واااااااااااي بعديه يممممممممه خلااااااااااااااااااص وخري مابي بروح بيتنا قامت دعد وافتحت اللمبات وشافوا لجين جايبة هامستر وجالسة تركض ورا رغد و رغد عندها خوف غير طبيعي من الحيوانات طبعا البنات ماتوا ضحك ع الموقف ويوم رغد قامت تصيح رجعت لجين الهامستر وجات رانية تمسح دموعها من الضحك : ههههه ياربيه مو قادرة اسكت عن الضحك ورجعوا البنات يضحكوا ولمن خلصت موجة الضحك قالت رغد : صدق سخيفات فريال : ما عليه ما عليه تحصل في احسن العائلات رغد : ايه تطنزي شوراك دعد : بس مره خطيرة حركتك لجين اصلا متى قمتي وجبتيه لجين : شفناكم انا ولميس مندمجين مره فقلنا نسوي لكم حركة انا اجيب الهامستر ولميس تصور الموقف شموخ : احلفي صورته ؟؟ لجين : يس شموخ : يلا ورينا بسرعة وقعدوا البنات يشوفوا تعابيرهم وهم يشوفوا الفيلم وكمان شافوا وقت ما رغد تضحك ورجعوا يضحكوا مره ثانية جلنار بقمة البرود : بنات متى بتسكتون خربتوا علي الفيلم وماتوا البنات ضحك على جلنار اللي كانت تتابع الفيلم ولا هي معاهم وعلى قولتها تشوف الفيلم ابرك من التفاهه اللي يسوونها ومرت الليلة ولا اروع ×××××××××××××××××××××××××× عصر الجمعة البنات كالعادة قاعدين باللوبي وواصبين حدهم من الطفش فريال : اللي يشوفنا الحين ما يصدق اننا احنا اللي امس كنا بنموت من الوناسة شموخ : من جد امس كان حده فللللللللللللللللللة لجين : ياربيت لو ينعاد مره مره مره استانست امس وجلسوا البنات يسولفوا وهم يتكلموا سمعوا صوت مسج وكان جوال رانية فتحت رانية المسج وكان من قصي : (( قلبي مع الإرسال وعيني على الجوال مدري انا على البال أو تغيرت الأحوال )) ابتسمت رانيه ع المسج رغد : الله يدوم هالأبتسامة بس من مين المسج رانية : يؤ اكيد من وحده اعرفها فريال : طبعا وحده ليش شفتي احد قال واحد طنشتها رانية ورجعت للجوال ترد ع المسج بس قبل ما ترد حطته ع السايلنت عشان لو رسل قصي محد يدري والبنات كملوا سوالفهم رانية رسلت مسج مكتوب فيه (( ملكت القلب لو تدري أخذت الروح من صدري ولا غيرك شغل فكري عساك بخير يا عمري )) رد قصي : (( أكيد انا بخير دام اني شاغل فكر تفاحتي ... أخبارك يا قلبي )) رانية ردت ( أنا بخير دامك بخير .. يله قولي شسويت بالكويز )) قصي رد ( تصدقين احس اني مزفت )) رانية ردت : (( وليش ؟!!!)) صي رد (( لأني الله يسلمك تميت افكر فيك ولا درست )) رانية ردت (( خلاص دامني اشغلك عن الدراسة لا تكلمني مرة ثانية إلا بالويكند )) قصي رد (( ويصير زود على شغلة البال شوق بالقلب )) رانية ردت (( قصي يكفي ترى والله استحي )) قصي رد (( وانا ايش اللي مجنني غير هالحيا )) رانية ردت (( والله زين انها رسايل مو مكالمة ولا كان ذبت )) قصي رد (( طيب عادي ادق الحين )) رانية ردت (( لالالالالا ولا تفكر كل العالم جالسين معي )) قصي رد (( يا كبرها كل العالم مرة وحده .. سؤال من وين جمعتيهم )) رانية ردت (( ههههههههههههههه يا حبي لك )) قصي رد (( شوف الظلم هي تتغزل فيني بس انا اتغزل فيها لا )) رانية ردت (( انت رجال بس انا بنت )) قصي رد (( وشو الفرق ؟؟)) رانية ردت (( انا استحي بس انت لا وبعدين لو عطيتك مجال ما راح تسكت بس انا كلها كلمات عفوية )) قصي رد (( اموت ع العفوي انا )) وكملوا قصي ورانية رسايل وباقي البنات جالسين سوالف ويتفرجون ع التلفزيون ورانية كل شوي تقط تعليق وترجع للجوال وتموا على هالحال فترة وقبل المغرب بشوي سمعوا صوت وحده داخلة للعمارة وكعبها مسوي إزعاج طاخ طيخ وباين انها تمشي بسرعة ودخلت البنت على البنات مشاعل : السلام عليكم اخباركم بنات وسلمت على كل وحده برجة وكملت : وينها بنت عمي دعد : بنت عمك راحت شوي وراجعة مشاعل جلست : اها اجل بنتظرها وترى ما يحتاج تجيبون لي ضيافة ما ودي اتعبكم جاية بس شوي رغد : براحتك وجلست مشاعل تهز رجولها دليل على انها متوترة وفي بالها شي جلنار : اقول مشاعل ريلاكس شفيك كذا متوترة مشاعل : انا متوترة لاني لو شفت لميس ممكن اذبحها آآآآآآخ يا انها قاهرتني لجين : الله بتذبحينها تراني ما اسمح لك مشاعل : بعدين بعدين برد عليك حقي ترى ما يروح بس الحين ما تشوفيني متوترة وافكر لجين رفعت حواجبها ولا علقت شوي وجات لميس واول ما شافت مشاعل حضنتها وقالت : هلا والله بشعوول اخبارك واحشاني مره مشاعل دزتها : بعدي عني يا خاينة بس بوريك تعالي وسحبت لجين من يدها وبعدين لفت على البنات وقالت : بنات شوي بكلم بنت عمي بموضوع يتوقف عليه مصير الامة واجيالها وصارت مشاعل تمشي بسرعة وكعبها مسوي ازعاج بالسيراميك وهي ساحبة لميس وراها وشكلهم مرة يضحك شموخ تهز راسها : الله لا يبلانا هالبنت حدها مرجوجة دعد : من جد مهي صاحية مدري شهالرجة اللي عليها فريال : بس لو جيتوا من ناحية الفلة فهي فلة وانا صراحة تعجبني جلنار : لازم مو نفس الطينة والخبال .. وقبل ما تكمل جملتها رن جوالها وشافت المتصل وبعدين قامت وقالت : عن اذنكم عندي مكالمة وراحت رغد : الحين هذي جلنار للآن تقص على البنات ما تابت فريال : ولا راح تتوب رغد : اقول فيفي شرايك نعلمها شلون البنات يحسون ؟؟ فريال : كإن عندك فكرة ببالك رغد : أكيد بس بعدين بقولك وغمزت ع البنات قصدها ما تبيهم يسمعون فريال : أوك رغد : وانتي بعد يا رانية للآن تطقطقين بالجوال رانية : مضايقتك بشي انا رغد : لا والله بس سولفي معنا رانية تسكتها : طيب بسولف ورجعت للجوال وعند لميس ومشاعل وكانوا في غرفة لميس لميس حاطة يدينها على خصرها : نعم شتبين ليش جاية ؟ مشاعل : يؤ ليش زعلانة ؟ ايه صح لازم تزعلي عشاني ساحبتك لهنا مثل التيس لميس بصدمة : انا تيس قسم بالله انك ما تستحين مشاعل : اقوول انتبهي على عيونك لا تطيح ولا تسوي لي انك مصدومة ومدري وشو وخلينا بالمهم لميس : هاتي المهم يا بنت عمي مشاعل : الحين يا خاينة انا بنت عمك ومستودع اسرارك تقومين وبكل وقاحة تتعديني وتروحين حق مشيعيل الخايس وتقولين له انك تحبينه وانا مدري ولا وبعد ما تقولي لي عن اللي صار << مشاعل اخت مشعل لميس : وانت شدراك حشى وكالة انباء مو آدمية مشاعل : وجع إن شاء الله قولي ما شاءالله لا تحسديني ولا تضيعي الموضوع لميس : ما شاء الله بس صدق شدراك ؟ مشاعل : ابد قبل شوي سمعته يكلم صديقه ويتهزا فيك وجيتك على هنا طيران لميس بان على وجهها انها متضايقة من الكلام نزلت كم دمعة ويوم شافتها مشاعل حست انها غلطت يوم قالت جملتها مشاعل : يوووه قد ايش انا هبله المفروض ما اقول هالكلام سوري لموس لميس : لا عادي انتي مو غلطانة بس انا قهرانة من عمري اني خليت نفسي ماده للتهزيئ مشاعل : خخخخ اهم شي مادة قالوا لك اننا بحصة كيميا ابتسمت لميس ع التعليق مشاعل : ايوه كذا ورينا الضحكة ويلا مسحي دموعك ووعطتها منديل خذت لميس المنديل ومسحت مشاعل : طيب سؤال ؟؟ لميس : اسألي ؟؟ |
|
|
|
02-11-2008, 07:31 مساء
|
#12 (permalink) |
|
ضوء مبتديء
|
مشاعل : للآن تحبينه
لميس : والله هذا شي مو بيدي حاولت اكرهه بعد الموقف بس ما قدرت لكن مع الوقت بقدر مشاعل صرخت : لالالالالالالالالالالالالا ارتاعت لميس : وشو شصاير ؟؟ مشاعل : مو بكيفك اصلا لا تفكري تكرهيه انتي مرت اخوي فاهمة يعني انتي اللي بتتزوجينه لميس : هو ما يبيني بتغصبونه يعني مشاعل قامت : لو وصلت ممكن نغصبه و اقول بلا كلام فاضي قومي البسي عباتك وتعالي معي لميس بإستغراب : وين بنروح مشاعل : بيتنا لميس : وليش ؟ مشاعل : ابغى اوديك غرفة اخوي مشيعيل عشان تتأملي فيها ولا تكرهيه لميس : سلامات عن الخبال الزايد انا عمري ما دخلتها ولا بدخلها الحين مشاعل ما عطتها فرصة لبستها عباتها وسحبتها بتطلعها ماعندها وقت مرجوجة البنت لميس : يا مشاعل حرام عليك لا وتبيني اصير مرة اخوك مهبولة انا مشاعل : ششششششش ولا كلمة يلا بسرعة لا نتأخر ويرجع للبيت لميس : لحظة مشاعل : وشو بعد ؟؟ لميس : ما استأذنت من امي مشاعل تجرها : اووووووووه مطولتها وهي قصيرة تراك رايحة بيتنا ما راح تقول شي ولو تكلمت انا بقول لها وصارت مشاعل تمشي بسرعة وتسحب وراها لميس نفس ما ودتها لغرفتها ومروا على البنات وكلهم هزووا روسهم بمعنى الله يعينك يالميس على هالمرجوجة وفي بيت عم لميس مشاعل تركت لميس عند الباب وقالت : يلا عدلي عباتك بندخل لميس : شفيك تركتيني ولا خلاص رجعت آدمية مو تيس ؟ مشاعل : اخلصي لا يداهمنا الوقت لميس تعدل عباتها اللي تعفصت من كثر السحب : وشو يداهمنا الوقت شايفتنا بمعركة مشاعل : شي اهم من المعركة لميس : الله يشفيك ودخلوا البيت وكان فاضي لميس : وين اهلك شفيه البيت فاضي مافيه احد ؟ مشاعل : ايه كلهم راحوا البحرين ماعدا مشعل مدرين وين راح لميس : وانتي ليه مارحتي معهم اخبرك تموتين ع البحرين مشاعل : كنت رايحة ما تشوفيني لابسة لميس : اجل وشو اللي غير رايك مشاعل : كنت بروح غرفتي عشان اجيب شنطتي ومريت بغرفة مشعل وسمعته يتكلم بصوت عالي وشدني الموضوع فوقفت اسمع ويوم سمعت السالفة بغيت انجن وقلت البحرين ماهي بطايرة اروح مرة ثانية واول ما رواحو جيت لك علطول لميس : اها مشاعل : يله نروح الغرفة بسرعة قبل لا يجي مشعل لميس : لا انا رضيت اجي لين هنا بس اروح غرفة احد بدون ما استئذن اسمحيلي مو رايحة مشاعل : اووووووووف احد قالك من قبل انك إنسانة مملة واصلا انا من البداية ليش اسألك الفروض اسحبك وخلاص لميس : ياربيه ياذي النشبة خلاص بجي مشاعل : اوك يله وراحوا بغرفة مشعل ولميس اول ما دخلتها انبهرت الغرفة كانت مره جنان وتنسيقها حلو مشاعل : ها شرايك بالغرفة ؟ لميس : صراحة مره روعة اول مره ادري ان اخوك ذوق كذا مشاعل بغرور وهي ترمش بعيونها بسرعة : مشكورة و يسلمو ع الإطراء لميس : حمدالله والشكر اللي قول مادحتك انتي مشاعل : ماراح ارد عشان مافي وقت يله تعالي ندور لميس : ندور على ايش ؟؟ مشاعل : ندور قي اوراقه واغراضه يمكن نلقى شي يبين لنا مين هي اللي يحبها غيرك لميس : متأكدة انك مو مهبولة الحين جايبتني لين غرفة الرجال عشان افتش بأغراضه كان من الاصل ما ضربتي مشوار للعمارة وفتشتي بروحك مشاعل : لا انتي مو فاهمة انا جايبتك عشان لو اكتشفت شي ننصدم سوا واكيد انتي عارفة كيف هي صدمة الإكتشاف الأولى لميس : احلفي انتي بس صراحة انا ما راح افتش بشي فتشي بروحك وانا بجلس بالصالة مشاعل : اوك روحي حتفوتي على عمرك بس لحظة انتي مو تخافي تجلسي بمكان بروحك لميس برطمت : ايه صح خلاص اجل بجلس على السرير هنا لين تخلصين لكن ماراح اسوي شي معك مشاعل : طيب وبدت مشاعل تحوس بالغرفة وتفتح الادراج وتقلب بالورق ولميس تراقبها لميس : شوي شوي عفستي الغرفة وبعدين رتبي الورق قبل ما تدخلينه الدرج مشاعل : مو مهم لميس : اجل مشعل بيعرف انه في احد حاس بالغرفة مشاعل : بعد مو مهم لميس : مشاعل بليييز اسمعي الكلام ترى اليوم سببتي لي احراجات كثير مشاعل ما كانت منتبهه مع لميس وفجأة صرخت : لميس لميس شوفي ايش لقيت الخايس راسب بمادة السنة الماضية لا ويقول انه ناجح بمرتبة الشرف ابو النصب لميس عصبت : مشاااااااااااااعل ووجع لحد هنا وخلاص انتي الشي اللي ما ترضينه لروحك لا ترضيه لغيرك ويله نطلع الحين مشاعل : شفيك معصبة بس شوي بنجلس باقي كم درج لميس : قلت الحين يعني الحين مشاعل تتخدع في لميس : لموسه قلبي شوي ... وقبل ما تكمل جملتها سمعوا خطوات تمشي بالممر لميس بخوف : شوشه تهقين هلك ارجعوا مشاعل : مستحيل توهم ما صار لهم 3 ساعات لميس : اجل مين اللي يمشي بالممر مشاعل : اكيد مشعل ياويلي رحت وطي لميس : انتي ولا انا الحين شنسوي ؟ مشاعل تفكر : امممممممممم تعالي خل نتخبى ورا الباب لميس : من كبر المساحة الحين مشاعل : اجل ادعي انه يروح ع المطبخ عشان يمدينا نطلع وبره الغرفة مشعل سمع اصوات بغرفته وقعد يفكر : عسى ما شر البيت فاضي بس اسمع اصوات بغرفتي لا اكون ناسي التلفزيون مفتوح خلني اروح اشوف لميس ومشاعل سمعوا صوت الخطوات تقرب من الغرفة وكانوا حاضنين بعض وواقفين ورى الباب لميس بدت ترجف : اسمعي الصوت قرب كنه يبغى يدخل للغرفة مشاعل : جاتني فكرة لميس: ايش هي بسرعة مشاعل : مشعل عنده حساسية من القطاوه ولو سمع صوت قطوة بالغرفة ماراح يدخل لميس : طيب وشدخل ذا بذا ؟ مشاعل : يا دلخة خلينا نسوي صوت قطوة وهو موبداخل للغرفة لميس : انتي مليون بالميه مو صاحية قولي لي ناسية مخك وين ؟ وقبل ماترد مشاعل سمعوا صوت الخطوات توقف عند الباب ويد تحاول تفتح الباب ومشاعل بدون شعورها صارت تقلد صوت القطو مشاعل : مياااااااااو .. ميااااااااااااو مشعل رفع حواجبه بصدمة : اهم شي قطو بغرفتي من وين جاي ؟؟ خلني اشوف شسالفة وجا بيفتح الباب وصارت مشاعل تقلد الصوت بس بصوت اعلى : ميااااااااااااااااو .. مياااااااااااااااااو وهي ولميس حاطين ثقلهم ع الباب مشعل : شكله ذا القطو مريض بس شفيه الباب مو راضي يفتح ؟؟ وقعد يدز الباب من بره ولميس ومشاعل يدزوه من جوه على امل انه يروح يجيب شي يحاول يفتح فيه الباب عشان يقدروا ينحاشوا لكن اكيد بما ان مشعل رجال قدر يفتح الباب واول ما نفتح الباب مشعل انصدم باللي شافه ××××××××××××××× يتبع |
|
|
|
|
02-11-2008, 07:35 مساء
|
#13 (permalink) |
|
ضوء مبتديء
|
تابع البارت التاسع :
البنات بعد ما طلعت لميس من العمارة جلسوا شوي مع بعض وبعدين تفرقوا كل وحده راحت تسوي شي خاص فيها وما بقى أحد جالس باللوبي غير رانية اللي رسلت لقصي مسج عشان يدق عليها ودق قصي رانية بنعومة : آلووو قصي : آآآه يا قلبي خلاص انا ذبت رانية : ههههههههههه تبغى اجي اجمدك قصي : ياليت والله ضحكت رانية بعدين قالت : اجل ثواني واجيك اممم اسمع قصي بسكر وارجع ادق عليك لأني ابغى اطلع للسطح لأني هنا بصراحة ما أضمن ان احد ما يمر او احد يتسمع لي قصي : أوكيك يا قلبي انتظرك انا وسكر قصي ورانية راحت للسطح بسرعة وجلست بزاوية ودقت على قصي وتوه ما رن إلا رد قصي : وحشتيينيييييييي رانية : بسم الله خله يرن اول قصي : ما قدرت اصبر وااااااي ما تدري قد ايش اشتقت لك لين توصلي للسطح رانية : ايه يالنصاب قص علي اللي يسمعك ما يقول انك ما كلمتني خمس أيام قصي : لا ياشيخة واللي يسمعك انتي ما يقول اني كنت ادق وانتي صافطتني رانية : طيب مو كان عندك اختبار وكان لازم تذاكر والمصيبة انك ما ذاكرت قصي : كككككككككك يعني انك خايفة علي الحين رانية : أكيد اهم ما علي مستقبلك قصي : والله والله لو انك عندي الحين كان علوم رانية استحت : قصييييي ترى وربي بسكر قصي : خلاص خلاص ما راح اقول شي ثاني انا ما صدقت تردين رانية : امممم قصي قاطعها قصي : يا حلو اسم قصي على لسانك رانية : ياربيه قصي اسمعني ولا تقاطعني بلييييييييييييز قصي : اوك اسمع رانية : في خاطري سؤال من زمان كان ودي أسألك إياه قصي : وليه قعد بخاطرك طول هالفترة كان سألتيه من زمان ،،، يلا إسألي رانية : انت للحين تكلم بنات وتغازل ولا خلاص بطلت ؟ قصي : أفاااااااا وتشكي فيني يا روحي شكلك ما تدري انتي ايش بالنسبة لي رانية : لا تفهمني غلط بس كان سؤال وسألته قصي : كذا أحس إن نبرتك فيها شك صح ؟ رانية : تبغى الصدق صح قصي بزعل : رانية تراني زعلت يعني انتي ما تدري انك انتي الهوا اللي اتنفسه ولا ما تدري انه لو يقولوا لي اشيل قلبي واحطك مكانه عادي عندي ولو خيروني بينك وبين حياتي والله لا اختارك انتي رانية انتي بالنسبة لي صرتي من ضرورات حياتي صدقيني ما عدت أقدر أعيش بدونك ولا أتخيل يومي بدون صوتك ما تدرين شقد تعذبت الأسبوع الماضي يوم ما كلمتيني بس كان عزاي انك كنتي ترسلين لي مسجات شفتي قلبي اللي بصدري ما صار يدق إلا باسمك كل دقة انتي فيها رانية انا اعشقك اهواك واللي خلقني أعشقك اعشقك قاطعته رانية : خلاص قصي يكفي قصي : لا ما يكفي كل هذا ولساتك تشكي فيني انا كنت اكلم اول عشان اتسلى بس من عرفتك ما قدرت اكلم ولا وحده لأني احس اني لو كلمت فانا أخونك انتي اعطيتيني اللي ولا بنت بحياتي قدرت تعطيني اياه اعطيتيني الإحساس بإني شخص مهم وبعد لساتك متوقعة اني اكلم بنات غيرك ولا انتي مو واثقة من نفسك وربي وربي قهرتيني آآآآآخ يارانية بعض الكلام يجرح يألم بس دامه منك فأنا عاذرك رانية : قصي قصي : نعم رانية : أحببببببببببببببببببببببببببببببببك وقطعت الخط ××××××××××××××××××××× مشعل اول ما فتح الباب انصدم باللي شافه شاف بنتين طايحين ع الأرض ووحده منهم ورا الثانية ومتمسكة فيها بقوة ويتنافضون كنهم دجاج حاطينهم بماي واللي ورا اول ما شافته غطت وجهها مشعل كان قاعد يحاول يستوعب ولمن شافته مشاعل لساته مصدوم قالت بخاطرها خير وسيلة للدفاع الهجوم وقامت تصارخ وهي مغمضة عيونها : يممممممممممه جنييييييي بسم الله بسم الله تكفى وتكفى تهز الرجاجيل عاد مدري انت مثل رجاجيل الانس ينهزون ولا لا المهم تكفى لا تدخل فينا وعصرت لها دمعتين وكملت : الله يخليك انا توني بعز شبابي لكن والله لا اعلم ابوي على مشيعيل الخايس شكله يمارس السحر الأسود وحاط جن يحرسون غرفته وقالت تكلم روحها بصوت عالي : ايا الخسيس يا مشيعيل لميس فهمت حركة مشاعل وصارت تهز راسها بسرعة وتقول : ايه ايه ايه كل كلامها صح بس يعني لو كنت ناوي إلا تدخل ادخل فيها هي ترى هي اللي جرجرتني من بيتنا كني تيس يسحبونه للمصلخة وشكلي لو كنت تيس بعد كان صلختني مشاعل شهقت و لفت على لميس وطقتها مع كتفها وقالت : تضحين فيني يامال السوسه لميس : لا تطقين وبعدين وشو مال السوسه ذي بعد مشاعل : ما عليك توني مخترعتها المهم ليش تبيعيني كذا كني صندوق طماطم معفن طالعه فيه هذي هذيك الأشياء البيضا لميس : يوم اني تيس اكيد لازم اضحي فيك ولا عمرك شفتي تيس وفي مشعل هنا ما استحمل وقام يضحك لين ادمعت عيونه من الضحك على الموقف و الحوار الغبي مشاعل بهمس : قومي نتسحب من الغرفة بهدوء شكله مو داري عنا من كثر الضحك وصاروا لميس ومشاعل يحبوا على الأرض ويوم قربوا من الباب وقفوا ومشوا بسرعة للباب بس قبل ما يطلعوا مشعل تسند ع الباب وحط يده مشعل يمسح دموع الضحك : وين ما بعد تفاهمنا مشاعل : نتفاهم على ايش وخر خل البنت تطلع وحاولت تنزل يده مشعل : لا تحولين ماراح اوخر لين اعرف شكنتوا تسوون في غرفتي مشاعل تتصنع البراءة : ولاشي ندور كاكاو مشعل : عن الإستهبال يا ام شوشة وجاوبي ولا ترى بنقعد واقفين هنا لين يجووا هلي ويشوفوا المنظر الحلو مشاعل : انا ام شوشه يا قاطعتها لميس : خلاااص عاد مشاعل ترى وصلت معي منك وكلمت مشعل : سوري مشعل ترى انا مالي دخل بس اختك هي اللي سحبتني لهنا من بيتنا بالغصب وقعدت تحوس بأغراضك حاولت امنعها بس هي مو راضية توقف مشعل : اها وانتي يا ست مشاعل ايش اللي ساحبة بنت عمك عشانه وجايبتها لغرفتي تدورونه مشاعل : امممممممم تبي الصدق مشعل : ياليت لأني عارف انك شاطرة بالكذب مشاعل : اصبر بفكر وبعد ثانيتين قالت : شوف انا بقولك الصراحة للمصلحة العامة والصراحة هي اني اليوم كنت مارة بغرفتك وسمعتك تكلم هذاك صاحبك اللي اخته كانت العام معي بالمدرسة وصبغت شعرها ذهبي وبني قاطعها مشعل : اقول كملي السالفة ولا تروحي يمين ويسار مشاعل : طيب اكمل المهم سمعتك تكلمه وتتهزأ في لميس يوم انها قالت لك انها تحبك بهاللحظة لميس وجهها انصفق وحمدت ربها انها متغطية ومشعل حتى هو حس بإحراج ومشاعل كملت ولا عليها بالشحنات اللي ملت الجو : عاد انا ما صدقت انها تعدتني جات وقالت لك وهي اللي سنين قاعده تقولي انها تحبك بس انا اقول لها انك مو وجه حب بس هي ما صدقت وقالت لك ،، لميس حاولت تسكت مشاعل لانها قامت تنشر كل الغسيل وتقول كل شي وقامت تقبصها بس مشاعل طقت يدها وكملت : لا تقبصيني خليني اقوله كل شي هذا الدلخ يا انه قاهرني طول عمرك تحبينه وبالأخير يتهزا فيك لميس كان ودها الارض تنشق وتبلعها يوم مشاعل كانت تتكلم و مشعل حس بإحراج لميس ونزل يده واول ما نزلها لميس طارت على بره وجات مشاعل بتلحقها مشعل : روحي وصليها وتعالي لي لان الموضوع ما خلص مشاعل : كركركر ضحكتني هين هذا وجهي لو جيتك ومو لازم ينتهي الموضوع وراحت ورى لميس مشعل يكلم روحها : والله شكلها البنت من جدها ميته علي بس على شو يا حسرة لكن على ما يقولون عش مع اللي يحبك ولا تعيش مع اللي تحبه خلني اجرب واحبها انا بعد ولا راح اخسر شي لو جربت وعند لميس ومشاعل كانوا بالسيارة عشان مشاعل توصل لميس للعمارة وطول الطريق ومشاعل تحاول تعتذر من لميس بس لميس مطنشتها و هي تغلي من داخلها ويوم وصلوا للعمارة فتحت لميس الباب وقالت : ريحي عمرك ولا تنزلي وترى حركتك وكلامك مره كان سخيف وحطي ببالك اني من اليوم ورايح ما ابغى لساني يخاطب لسانك ونزلت وصفقت الباب وراها ××××××××××××××××××××××××××××× اليوم اللي وراه في الصباح كانوا البنات في المدرسة وكان عندهم حصتين فراغ ورى بعض لان ابلة الكيميا كانت عليهم حصتين وغابت << ترى كل الشله علمي فريال : زين والله ان ابلة الكيمو رحمتنا وغابت شموخ : من جد الله يجزاها الجنة صراحة ليتها كل يوم تغيب دعد : ليه حلا هو لميس : بنات بقول لكم السالفة اللي صارت امس يوم رحت مع اللي ما تتسمى مشاعل وقالت لهم كل السالفة ووالبنات فقعوا ضحك رغد : اما هذي مشاعل رهيييييييييبة لجين : احلى شي يوم انه جني والطماطم المعفن رانية : ولا يوم يدورون كا كاو صراحة هالبنت عليها تشبيهات وتصريفات فللللللللللة ورجعوا البنات يضحكوا ثاني جلنار : يلا لميس اوصفي لنا شعورك في تلك اللحظات لميس : لا تذكريني احراج على فشلة وحسيت ان الجو صار حااااااار وامنيتي في هذاك الوقت كانت اني اذبح مشاعل قسم بالله رفعت ضغطي دعد : صراحة يحق لك مرررره مالها داعي يوم تقول انك كنتي تحبينه ويوم خرت كل السالفة وكملوا البنات نقاشهم في الموضوع ويوم شافتهم فريال مندمجين لفت على رغد وكانت وراها فريال : يلا قولي ايش الفكرة اللي قلت لي عنها تراني من امس متحمسه لها رغد : ايه اسمعي شرايك انا او انتي وحده مننا تكلم جلنار على انها تبغى تتعرف عليها وتخاويها وعاد انتي عارفة ان جلنار ما تقصر في ذي السوالف وعاد احنا نعرف الأشياء اللي تحبها جلنار ولمن تصير تحب البنت نسحب عليها ها شرايك ؟ فريال : والله الفكرة مو شينة بس اخاف تزعل جلنار رغد : خليها تزعل كم يوم وترضى ولكن بعد هي لازم تعرف البنات اللي تسحب عليهم شلون يحسون وبعدين حتى لو طول زعلها حيجي يوم وتشكرنا فريال قعدت تفكر فترة وبعدين قالت : اوك بس انا اقترح انتي تكلميها لأن انا صوتي تعرفه لو استهبلت رغد : خلاص طيب ×××××××××××××××××××××× في بيت اهل عبادي (اهل عبادي كانوا من اغنى العوائل في المنطقة وبيتهم اقل ما ينقال عنه انه قصر وكانت امهم مررره برستيج وثقل وكمان متسلطة وكل عيالها طايعين شورها وما يقولون لها لا إلا عبادي اللي كان ما يحب احد يتسلط عليه وهذا اللي رافع ضغط امه منه والله زايد قهرها منه عربجته وحركات الغنم والبعارين اللي عنده واللي ما تناسب برستيجها ) عبادي كان نازل من الدرج ولابس كوفيه وحاط الشماغ على كتوفه ولابس الزبيرية وحالته حاله مبهدل من فوق لتحت وكان طالع وهو نازل سمع صوت امه : بدررر تعال لهنا طبعا امه كانت تشوفه من الصالة اللي لاصقة بالدرج وكانت هي وبناتها سماح وسلوى جالسين فيها عبادي راح لأمه وقال : سمي يا أم وائل أم وائل : استح على وجهك وناديني عدل مثل اخوانك تراني امك عبادي : وش تبيني اناديك ؟ أم وائل : قل يمه ،، ميمتي ،، امي ،، عبادي : يوم انتي تناديني عبادي راح اقولك يمه |
|
|
|
|
02-11-2008, 07:36 مساء
|
#14 (permalink) |
|
ضوء مبتديء
|
أم وائل : والله انا ماراح اناديك إلا بالاسم اللي سميتك اياه
عبادي : من زينه الاسم كذا يوم تقولونه تجيني قشعريرة وقام يمثل انه يتقشعر خواته ماتوا ضحك عليه أم وائل : بديييييييييير تستهبل علي عبادي : لا مين يقوله ووجه الكلام لخواته : احد شافني استهبل وخواته زاد ضحكهم أم وائل : وجع ياللي ما تستحي قاطعها عبادي : له له له لا تقولين ذي الألفاظ ولا بيتخرب برستيجك أم وائل قعدت تهدي نفسها لا تقوم تذبحه وبعدين قالت : وين رايح عبادي : العزبة عند بعاريني أم وائل : والنهاية معك انت مع هالخرابيط حقتك عبادي : الحين غنمي وبعاريني خرابيط والله يوم انهم خرابيط كان ما اشتطيتي بعزايمك تبين ذبايح أم وائل : يارب ارحمني برحمتك المهم وعشان انت ما تنعطى وجه بقولك اياها كذا كاش ابيك تتزوج على نهاية السنة فاهمني عبادي : لا بالله توني ادري الزواج بالغصب أم وائل : انت بحالتك بالغصب عبادي : طيب ما عندي مشكلة أم وائل : غريبة وافقت شالطاري عليك عبادي : لأني ادري انك ما راح تلاقي العروس اللي تناسب برستيجك قبل عشر سنين فقلت اوافق من الحين عشان لا اعنس أم وائل : يا قليل التربية صدقني انت ما تستحي عبادي : ادري من زمااااااااااااااااااااااااااااااااان أم وائل قعدت تستغفر وقالت : شف انا اصلا ما ابغاك تتزوج إلا من بنات العيلة فاختار لك وحده عبادي : ليه قالوا لك اني اعرفهم أم وائل : ايه انا وخواتك فكرنا بذا الشي ولقينا حل عبادي : وشو ؟ أم وائل : بنسوي حفلة ونعزم كل بنات العايلة وما شاء الله هم حول العشرين قاطعها عبادي : حشى تفرخون انتو ولا شلون اجل عشرين بنت بسني او حوله أم وائل : ياللي ما تستحي على وجهك بتخليني اكمل ولا شلون عبادي هز راسه بمعنى ايه كملي أم وائل : المهم وبنحطهم بالصالة الخارجية عاد انت عارف بابها عاكس ابيك توقف بره وتشوفهم وتختار وتراه نظرة شرعية يعني لا تقولي حرام ها شرايك ؟؟؟ عبادي بخاطره : والله غير هالشموخ ما راح اختار بس يالله خلني اتمقل واشوف البعارين قصدي البنات الحمر والزرق والخضر والإنسان وين يلقى الوجه الحسن يشوفه كل يوم عبادي : بل انا بكون جيش مو اتزوج نظرة شرعية لعشرين بنت بس يله موافق سووا اللي تبونه ويوم الحفلة نادوني وقام طلع وخواته وامه مستغربين انه كذا وافق بسهولة وقالت امه بخاطرها : اكيد براسه شي ولدي واعرفه ×××××××××××××××××××××××× وعند أهل فيصل كانوا قاعديين يتقهوون قهوة المغرب أم فيصل : نايف ياولدي دق على اخوك يمكن يرد قام نايف وراح عند التلفون ودق بس عطاه ان الجاهز مغلق نايف : يمه جهازه مغلق أم فيصل بحزن : يا ويل حالي على وليدي مدري وش صار فيه والله ان قلبي ماكلني عليه لكن كله من ذي الخايسة بنت عمتكم من يوم ملك عليها وهو مختفي حسبي الله عليها دامها هي السبب ورود : يمه حرام عليك لا تتحسبين ترى حتى هي مسكينة حالتها حالة امس يوم أكلمها اكسرت خاطري ياسمين : من جد وبصراحة هي اللي متضررة يعني هي الحين على ذمة اخوي لا هو اللي مخليها يمكن يخطبها واحد ثاني ولا هو اللي يعاملها زي العالم والناس أم فيصل : الحين حطيتوا الغلط على ولدي ياسمين : هذا الحق يمه ولا ينزعل منه ورود : انا اخاطري اعرف هالإنسان وين راح وليش راح مسكينة دعد ملكة مثل العالم ما سوى لها حتى جلسه ما جلس معاها وبنت بسنها اكيد بيحز بخاطرها هالشي شوفي حنا المتزوجات لو صار لنا مثلها كان حنا طالبين الطلاق واحمدوا ربكم انها ما طلبته للآن أم فيصل : الله يهيدك يا وليدي ويصلحك ويردك لي سالم الكل : آمين ×××××××××××××××××××× لجين كانت قاعدة بغرفتها تذاكر ورن جوالها وشافت المتصل لقته رقم عبدالله لجين : ياربيه مره مو وقته هالإنسان وطنشت الجوال لكن عبدالله قعد يتصل يتصل وبالأخير قفلت الجوال نجوى : مين المزعج اللي قاعد يتصل عليك ما خلانا نعرف ندرس أشك انها وحده من صاحباتك هذول الفاصلين لجين : اقول مالك دخل وادرسي وكملت لجين دراستها ونست االجوال وراحت جلست مع اهلها وتفرجت ع التلفزيون وتعشت وسولفت وتجمعت مع البنات عند جلنار وما تذكرت جوالها إلا يوم جاء وقت النوم وكانت منسدحة تبغى تنام لجين تضرب راسها : اووووه نسيت جوالي من العصر مقفل كله بسبة ذا الخايس عبدالله خلني افتحه اشوف يمكن احد داق ولا احد مرسل مسج << عندها خدمة موجود وفتحت جوالها ولقت ان بنت خالتها داقة مرتين وشوي إلا جاتها خمس رسايل كلها من عبدالله وفتحتهم تقراهم الرسالة الأولى : ( ( ردي الحين انا مو قايل لك لو دقيت تردين )) الرسالة الثانية : (( ليش مقفلة جوالك ؟؟؟ تتهربين يالخايسة )) الرسالة الثالثة : (( عندك للمغرب تفتحي الجوال يا بنت ال ............. )) الرسالة الرابعة :: (( يا ............ ليش ما فتحتي جوالك )) الرسالة الخامسة : (( يا ......... و يا .......... و يا ............. ما فتحت الجوال بعدك والله لا اعلمك من هو عبدالله بس اصبري علي )) لجين جاتها روعة من الكلام اللي قرته والسب الوقح والبذيء لدرجة غير طبيعية زين ما جاتها سكته ع الكلام لجين : ياربيه والله اني غبية ليتني قايلة لسعود من زمان الحين هو مسافر عند جدتي وبيقعد شهر والله يعلم شبيصير بذا الشهر لأن ذا العبدلله ابد مو طبيعي على هالكلام اللي يكتبه انا وانا بروحي ما افكر بذا الكلام هو شلون يرسله ياربي ليتني متكلمة من قبل لكن انا بعد غلطانة يوم اني فاتشة وراده عليه الله يستر لين يرجع سعود الله يستر ×××××××××××××××××××××× بعد كم يوم البنات كانوا متجمعين بالسطح كلهم ما عدا جلنار وكلهم جالسين يسولفوا في احوال المجتمع إلا فريال كانت جالسة بزاوية وتقرأ رواية وشوي إلا جات جلنار ترررركض جلنار : بنات بنات عندي لكم خبر بمليوووووووووووووووووون رغد : وشو الخبر اللي مخليك طايرة كذا ترى الركادة حلوة جلنار :يوووووووووووه منك المهم بنات اسمعوا تصدقون إن فريال كان عندها اخت بس ماتت من يومها صغيرة توني سامعه امي تسولف ويا امها بالسالفة،، طبعا جلنار ما شافت فريال لأنها كانت قاعدة بزاوية ما تبين للي يدخل إلا لو ركز وجلنار اتكلمت لأنها ما شافت فريال والبنات نسوا انها موجودة دعد : إييييييييه ندري قديمة جلنار : ليه من متى انتي تدري وليه ما قلتي لنا ؟ دعد : انا ادري يمكن من حول السنتين وصراحة ما كان فيه مناسبة تخليني اقول رغد : حتى انا ادري شموخ : عاد انا ادري من يوم صارت السالفة جلنار : احلفوووووووووا شف الخيانة طيب احنا ليش ما ندري المفروض يعني نكون ندري دامنا طول حياتنا مع بعض بهالعمارة وليش محد ابد جاب لنا طاري ؟؟ شموخ : اول شي احنا في العمارة من 18 سنة يعني من احنا انولدنا وتلقين كل اللي قبلنا يدروون بالسالفة وتقريبا من احنا بدينا نوعى والبنت في المستشفى مريضة ولا قد جات للعمارة دايم تروح بيت جدتها زيارة وترجع فعشان كذا ما قد شفناها وبعدين قولي لي شالطاري اللي يخلي اي احد يجي ويقول لنا لجين : صراحة هالسالفة ابد ما تركب الراس يعني حتى لو اننا ما ندري يعني معقول يصير عزا بالعمارة ولا ندري او حتى امهاتنا ما يجيبوه طاري للعزا شموخ : اول شي العزا صار ببيت جدتهم وبالمناسبة ترى فريال هي اللي قايلة لأمهاتكم ما يقولون لكم لجين : عجيب وليش انتي تدري ولا قلتي شموخ : حتى انا قالت لي لا اقول وانا دريت لاني يوم كنا صغار كنت اروح معها بيت جدتها ومرة شفت اختها لميس : احس السالفة كنها فيلم هندي مدري ليش ؟ لجين : من جد وبعدين الحين حنا مثل الخوات ليش فريال ما تبغى تقول لنا فريال كانت طول ما البنات يتكلموا تبتسم بسخرية وترجع تكمل تقرا الرواية ولا كنها موجودة بس يوم لجين قالت ليش فريال ما تبغى تقول لنا فريال اتكلمت وهي جالسة بمكانها وعينها ع الكتاب اللي بيدها فريال : يحليلكم تتكلمون عني كني مو موجودة والله حاله وبعدين ترى الموضوع ما يخصكم لين انتوا مسويه قضية شي خاص فيني وما حبيت اقول كذا لحاجة في نفسي وهزت راسها وقالت : والله حاله وسكرت الكتاب و وقفت وقالت : يلا بنات تعبانة ابغى انام سي يو ونزلت لشقتهم البنات من تكلمت فريال كلهم سكتوا واول نزلت جلنار قالت : والله لو ادري انها موموجودة ما كان فتحت الموضوع دعد : اصلا حتى احنا نسينا انها موجودة وجودها كان مثل عدمها من جات وهي ساكتة رغد : بنات ما تحسون انا فريال فيها شي صار لها فترة متغيرة حتى يوم نستهبل او نتكلم صح تستهبل معنا بس تحسوا فيها شي لميس : حتى انا صار لي فترة ملاحظة لجين : لا والمشكلة لو سالناها تقول ما فيها شي شموخ : هالبنت صدق عجيبة لميس : يلا مصيرنا يوم بنعرف ×××××××××××××××××××××××××× |
|
|
|
|
02-11-2008, 07:38 مساء
|
#15 (permalink) |
|
ضوء مبتديء
|
البارت العاشر
هناك في إحدى البلدان الأوروبية الباردة استقرت عائلة مايا وكانت عائلة مايا من العائلات المحافظة بس انهم معطين بناتهم الحرية الشخصية في الحجاب لكن الحشمة مفروضة عليهم ومو متروكة لهم يعني بكيفهم يلبسون حجاب ولا لا بس الملابس لازم تكون ساترة وما تكون ضيقة ( ملحوظة : الحوارات اللي بين قوسين هي بالإنجلش واللي بدون اقواس بالعربي ) الفترة اللي وصلوا فيها عائلة مايا للبلد كانت فترة إجازة مافي مدارس ولا جامعات وبالتالي جلسوا حول الشهر ما اختلطوا بأحد وهذا كان مسبب لمايا طفش غير طبيعي أم مايا كانت تجهز الفطور في المطبخ ودخلت عليها مايا مايا : يممممممممه زهق وربي حدي ملانة لو اننا قاعدين بالسعودية مو احسن لنا ؟؟ أم مايا : هذي ظروف شغل ابوك شنسوي يعني وبعدين تقدري تتخلصي الطفش بأي طريقة وماشاءالله الوسائل هالايام شكثرها من نت وتلفزيون واشياء شكثر مايا : ادري بس انا ابغى ناس ابغى اشوف ناس اكلم ناس ما تعودت اعيش كذا بالبيت علطول أم مايا : اللي يسمعك يقول إننا هناك كنا علطول طالعين مايا : بس هناك غيييييييير أم مايا : طيب يا غير انتي تعالي خذي هذي الورقة وروحي للسوبر ماركت جيبي الاغراض مايا : ليه انا اللي اروح ليه ما تقولي لعادل ؟؟ أم مايا : عشان عادل نايم وكمان انتي مو تبغي تشوفي ناس خلاص روحي السوبر ماركت وحتشوفي الناس مايا بطفش : طيب بروح اجيب حجابي واجي وطلعت مايا لفوق ولبست حجابها وغيرت ملابسها ونزلت خذت الورقة من امها وخذت الفلوس وراحت للسوبرماركت وهو ما كان سوبر ماركت بمعنى اصح كان عبارة عن محل صغير يبيع مستلزمات للبيت وكان يملكه عجوز متقاعد خذت مايا الأغراض اللي تبيها ويوم جات تحاسب طلعت ناقصتها فلوس مايا تكلم روحها : اففففففف هذا اللي ناقص الحين لازم اروح للبيت واجيب فلوس وارجع مرة ثانية وهي تتحلطم مع روحها سمعت صوت بنت تتكلم وتقول : (( أاستطيع مساعدتك بشيء )) لفت مايا ع البنت وشافت وحده آية في الجمال شعرها كان كستنائي على بني طووويل وكثيف وفيه تموجات بسيطة ولونها كان ابيض مشرب بحمرة وخدودها حمرة كنها تفاحة وعيونها عسلية ووسيعة وشفايفها صغيرة ووردية وجسمها طويل و مربرب شوي يعني مهي عصلا ولا دبة بين وبين وكانت البنت لابسه شورت فوشي وتوب اصفر ورابطة شعرها ذيل حصان مايا اول ما شافت البنت فهت وعلطول قالت بخاطرها : ماشاء الله تجنن البنت يوم شافت مايا ساكتة ومفهيه عادت كلامها : (( أأستطيع مساعدتك بشيء ؟؟)) مايا حست على عمرها وقالت: (( ينقصني بعض المال )) لفت البنت ع البايع وسألته كم ناقص وعطته الباقي وطلعوا من المحل مايا : (( شكرا لك لكني سأعتبره قرضا )) ضحكت البنت وقالت : (( حسنا ـ ومدت يدها وقالت ـ اسمي جوليا )) مايا مدت يدها وصافحوا بعض وقالت : (( انا مايا )) وبدوا يمشوا جنب بعض وجوليا عشانها كانت جاييه بدراجة صارت تمشي جنب مايا وهي تدف دراجتها جوليا : (( سررت بمعرفتك يبدو انكم قد اتيتم إلى هنا منذ وقت قصير فأنا لم ارك هنا من قبل )) مايا : (( اجل أبي لديه بعثة فانتقلنا معه إلى هنا منذ حوالي الشهر )) جوليا : (( من اين جئت ؟)) مايا : (( من السعودية )) جوليا : (( اوووه من السعودية كم هي بعيدة اتعلمين يسكن هذه المنطقة الكثير من العرب وبخاصة الخليجيين ولذلك لدي الكثير من الاصدقاء العرب ولكن يبدو انكم اول عائلة سعودية تأتي إلى هنا ويسرني ان اضم صديقة سعودية لقائمة صداقاتي )) وسكتت جوليا شوي تفكر وبعدين قالت : (( ما رأيك بأن تصبحي صديقتي )) مايا بسرعة : (( لا مانع لدي وخاصة انني مللت من الوحدة هنا )) جوليا : (( إذا نحن صديقتان من الآن )) وضحكوا بخفة ومشيوا مع بعض وهم يسولفوا لين وصلوا لبيت اهل مايا جوليا بصرخة خفيفة : (( اوووووه منزلكم هنا )) هزت مايا راسها بمعنى ايه جوليا بوناسه : (( اذا فنحن جيران انظري هذا هو منزلنا )) واشرت بيدها لبيت بعد بيت مايا ببيتين مايا مررره استانست انها اخيرا راح تلقى احد تقضي معاه الوقت وقالت : (( ما هذه الصدف السعيدة لا تعلمين مقدار فرحتي بهذا الخبر )) جوليا دزتها ع البيت بخفيف : (( حسنا اذهبي وضعي الأغراض وتعالي إلى منزلنا فانا في هذا الصباح بمفردي في المنزل )) مايا استغربت : (( لم ؟؟ أليست هذه فترة إجازة)) جوليا : (( سأخبرك لاحقا والآن اسرعي وسأذهب أنا للمنزل لأرتب غرفتي )) وغمزت لمايا وراحت ركض لبيتهم مايا ابتسمت ودخلت للبيت وراحت بالأغراض للمطبخ ام مايا : اشوفك مستانسة شالطاري ؟؟ مايا : تعرفت على وحده بنت بالسوبر وشكلها حبوبة ام مايا : اها وشوي شافت مايا رايحة للباب بتطلع من البيت ام مايا : على وين ؟؟ مايا : بروح لبيت البنت اللي اتعرفت عليها هم جيرانا بيتهم بعد بيتنا ببيتين ام مايا جاتها حالة إستنفار : خييييييييييير كذا من دون إستئذان ولا شي وبعدين منهي ذي البنت اللي تتعرفي عليها خلال نص ساعة ورايحة لها ومن هي بنته ومين عايلتها وكيف عاداتهم وشلون عايشين ؟؟ مايا : يووووووووه ترانا مو بالسعودية عشان تسوي لي هذا التحقيق والبنت اسمها جوليا وغير كذا ما اعرف عنها شي ام مايا : حلو والله وكذا من الباب للطاقة رايحة مايا : ليه انا وين رايحة كلها بيتين وبعدين لو تمينا كذا ما راح نتعرف على احد وانا الحين رايحة اتعرف عليها ام مايا : ارتاحي انا مو موافقة مايا بطولة بال : يا يمه يا حبيبتي حنا مو بالسعودية اتعرف على البنات بالمدرسة وبعدين لو جيت رايحة لهم تقعدون تسوون لي تحقيق ومدري وشو لا يمه احنا هنا ولازم نتأقلم على طريقة حياتهم ولا ماراح نقدر نعيش وخاصة اننا هنا مو سنة ولا سنتين حنا هنا 6 سنوات ام مايا : بس مو معناته اننا هنا نتخلى عن عاداتنا مايا : انا ما قلت نتخلى انا قلت نتأقلم ونوظف العادات بطريقة تناسبنا ام مايا اقتنعت : خلاص روحي بس لا تطولي مايا : طيب وراحت مايا لبيت جوليا ولقت الباب مفتوح ودقت الجرس كم مرة ولا احد رد فقامت طلت من الباب وقالت : (( أيوجد احد هنا ؟ )) وجاتها صرخة جوليا من فوق : (( ادخلي انا في الاعلى )) ودخلت مايا للبيت وكان ع الطراز الأمريكي وطلعت لفوق وسمعت اصوات بغرفة قريبة من الدرج راحت لها ودخلت وشافت نفسها بغرفة ديزاينها غجري والوانها متدرجة بين الاحمر والاصفر والاخضر والبرتقالي يعني بالعربي الوان غجرية ومليانة قطع سجاد صغيرة وخداديات وقطع قماش وكانت الغرفة بإختصار رهيييييييبة قعدت مايا تجول بنظرها في الغرفة وهي منبهرة وفجأة ارتفعت مثل الستارة وطلت جوليا وقالت : (( تعالي انني هنا )) وراحت مايا للمكان ولقته مثل الشرفة ( البلكونة ) بس كانت مسكرة ومسقفة وعشانها كانت ملحقة بغرفة جوليا قامت جوليا سوتها مثل الغرفة الصفيرة وحطت فيها خرابيطها وغطتها بستارة واللي ما يركز ماراح ينتبه انه فيه غرفة ملحقة مايا بإنبهار : (( أتعلمين غرفتك رائعة جدا )) جوليا : مشكورة يا قلبي هذا من ذوقك مايا عيونها طلعت من المفاجأة : تعرفي تتكلمي عربي ؟ جوليا : ايه اعرف مايا : بس ابد مهو باين جوليا : ادري بس حبيت افاجئك شرايك؟ مايا : مدري للآن مو قادرة اصدق بس شلون تعلمتي ؟؟ جوليا : ما يحتاج اتعلم لانها لغتي مايا مستغربة: لغتك ؟؟ جوليا : اييه عشان ابوي سعودي مايا بدون شعورها قالت : مستحيييييييييييييل تكذبين صح ؟؟ ضحكت جوليا وقالت : شفييييك كذا مره متفاجئة مايا : لأن شكلك ابد ما يبين جوليا : انا اقولك ليش عشان امي بريطانية وابوي سعودي واناطلعت مكس بينهم وإلا شلون بعيش بحي كله عرب مايا : اها يعني انتي حلوة لانك جمعتي الجمال العربي والأوروبي سوى جوليا : تقدري تقولي كذا مايا : بس عندي سؤال يعني لو محرج لا تجاوبي انتي ليش عايشه هنا مو بالسعودية و انا اعرف انو السعوديين ما يخلو عيالهم ابد اممممم يعني صراحة يعني مدري شلون اشرح لك جوليا كملت : قصدك على ملابسي وشكلي صح مايا هزت راسها بمعني ايه جوليا : شرايك أقول لك سالفتي من الأول وانتي بعد تقولي لي سوالفكم هناك ؟ مايا : اوك موافقة جوليا : طيب اسمعي ياطويلة العمر .. انا مثل ما قلت لك ابوي سعودي جا هنا يدرس وشاف أمي وعجبته وتزوجها واهله ما يدرون اتوقع انه كان حاط بباله ان الزواج بس لين يخلص دراسه وخلاص يطلق زوجته لكن حصل اللي ما اتوقعه لا هو ولا زوجته اللي هو الحمل وحاولوا يطيحوا الجنين بس الله كتب له يعيش المهم يوم وصلت امي للشهر السابع فجأة اختفى ابوي وطلقها طبعا امي جاتها صدمة وطاحت وودوها المستشفى واضطروا يولدوها وجيت انا للدنيا بالشهر السابع وحطوني بالحضانة لين كملت مدة الحمل وطلعوني بعد شهرين ومن يوم انولدت ماعاد شافات أمي ابوي بس انه كان يرسل لنا النفقة واشترى لنا ذا البيت ويوم كبرت وصار عمري خمس سنوات امي حرصت انها تعلمني عن لغتي وديني وبلدي فودتني لوحده عربية ما اذكر جنسيتها وهي كانت مهاجرة مع زوجها من بلدها وصارت كل يوم تعلمني عربي وقرآن والكتابة بالعربي يمكن لين صار عمري عشر سنين وخلاص وقفت اروح لها ويوم كبرت شوي كبر في داخلي شي وهو اني ابى اعرف اكثر عن الوطن اللي يفترض ان انا منه وعادات الناس هناك وتقاليدهم وصرت ابحث في النت واقرى عنه وادردش مع ناس سعوديين لين تقريبا اتقنت اللهجة السعوديية وصار عندي صديقات سعوديات للآن اتواصل معاهم بالنت و طبعا عشاني عايشه هنا وعشان امي بعد لازم اصير مثلهم وهذا انتي شايفة ملابسي وحياتنا كلها نمط غربي وتقدري تقولي اني البس كذا عشان سبب ثاني عشان يوم يسألني احد او حتى بدون ما يسألوني اقول ان ابوي سعودي يعني بالعربي حابة انتقم من ابوي واشوه صورة السعودية مايا : بس كذا ما يصير بكل مجتمع فيه الصالح والطالح جوليا : ادري بس اللي انتي ما تدريه انو تقريبا كثير هنا نفس حالتي حتى قبل فترة انتشرت عندكم في الجرايد قصة وحده على ما اذكر اسمها ليلى وقصتها انو ابوهم سعودي وتركهم ومالقت شي تنفق فيه على نفسها وامها غير انها تشتغل بالدعارة مايا : تصدقين اول مرة اسمع بهالقصة جوليا : شي طبيعي انتوا عايشين هناك ومو حاسين فينا احنا اللي هنا وشلون عايشين إلا قد سمعتي عن مشروع اسمه تواصل مدري اواصر او اسمه من هذا القبيل ما اذكره مره مايا هزت راسها بمعنى لا جوليا : هذا الله يسلمك مشروع سووه علشان يدوروا عيال السعوديين اللي بره ويرجعوهم للسعودية أو يتكفلوا فيهم أو يدوروا على آبائهم وعلى قولة المثل بعد ما شاب ودوه للكتاب يعني بعد ما كبرنا توهم بدووا يهتموا فينا وانا يوم دقوا علي يعني يتناقشوا معنا قعدت اضحك ضحك مو طبيعي وامي عصبت بس بالأخير قالت لهم ان احنا مو محتاجين ومشكورين ـ وتنهدت جوليا من قلب وكملت ـ المهم ما عليك مني احس سوالفي تجيب الكأبه يلا سولفي لي عنكم هناك ومايا طول ما كانت جوليا تتكلم كانت تقول بخاطرها : هذي البنت سالفتها كنها قصة مو حقيقة بس لو انا مكانها لو يعطوني مليون ما قلت هالكلام لأقرب الناس لي مو بعد وحده مثلي أول مره تقابلها صدق عجيبة هالبنت ويوم قالت جوليا لمايا تسولف بدت مايا تسولف لها عن حياتهم بالسعودية والبنات بالعمارة واستهبالهم ×××××××××××××××××××××××××××××× نرجع للسعودية شموخ كانت تكلم سلوى بنت عمتها سلوى : المهم وعشان لا اطول عليك حابة أقولك إنه عندنا حفلة بعد يومين ببيتنا وبليز تعالي لا تسوي مثل هذيك المرة شموخ : اممممممم شوفي بس عشانك ارضيتي غروري واترجيتيني راح أجي سلوى : ايه اشوفك إن شاء الله وتراها حفلة عادية يعني لاتقعدي تكشخي وتسوي زحمة خلاص ؟؟ شموخ : اوك سلوى : طيب يلا مع السلامة شموخ : مع السلامة وانتهت المكالمة وكانت سلوى هي اللي طلبت انها تدق ع البنات وتعزمهم لأنها كانت حاطه ببالها انها تقول لهم ما يكشخوا وبنفس الوقت تدق على بنت عمها ربى وتقول لها سبب العزيمة عشان تلبس وتكشخ لأنها كانت تبغى ربى تعجب عبادي ويتزوجها شموخ بخاطرها : وليه ما اكشخ إلا بكشخ وبتعدل عشان بخلي بدر يشوفني وبسوي إني بالغلط طلعت وبعد يومين بالحفلة كانوا البنات كلهم واصلين وجالسين بالصالة الخارجية ما عادا ربى ومثل ما قالت لهم سلوى ما اكشخوا كثير وملابسهم كانت جدا عادية اغلبهم لابسين جينزات وتشيرتات او تنانير وبلايز أو فساتين ناعمة يعني ملابس حلوة حق عزيمة عائلية وشموخ كانت لابسه بنطلون أبيض وبلوزة حمرا واكشخت شوي وتقريبا هي كانت اكشخ وحده بالموجودات وكانت الصالة إزعاج وهيصة والبنات فالينها رقص وسوالف وأول ما دخلت ربى علطول كل الأنظار اتوجهت لها لانها كانت توها جايه من المشغل وهي لابسه فستان كله شك وتطريز من فوق لتحت لونه اسود وضيق على جسمها وعاري وفتحاته كبيرة ومسويه تسريحة زحمةوحاطه فل ميك اب يعني شكلها يصلح حق عرس مو حفلة بسيطة خلود بنت عم ربى : خير انسه ربى لايكون غلطانه بالعنوان ترى هنا مو عرس ولا جاية تعرضي نفسك ضحكوا البنات على التعليق و سلوى قامت علطول وراحت عند ربى وقالت : اسفهيها ما عليك منها وتعالي اجلسي هنا جنبي وجلستها بمكان إلي بره يشوفه عدل جلست ربى مع سلوى وصاروا كل البنات يتغامزوا عليها ويضحكوا ربى : الحين ليه قلتي لي اكشخ كني رايحة عرس كان قلتي لي اكشخ شوي شوفي كيف شكلي شاذ بين البنات سلوى : ما عليك من أحد اهم شي تعجبي بدر وبس وشوي إلا دخلت ام وائل ونادت سلوى عندها بره أم وائل : وينه اخوك ذا اللي بيرفع ضغطي الحين بنحط العشا وهو لسه ما جا سلوى : مدري لكنه المفروض يكون واصل من وقت أم وائل : دقي عليه بسرعة لا نأخر البنات سلوى : طيب وطلعت جوالها ودقت على بدر سلوى : آللووووووووو بدور وينك عبادي : أول شي اسمي عبادي ثاني شي ترى اقلقتوني خلاص شوي وبوصل سلوى : كم يبيلك عشان توصل ؟؟ عبادي : خمس دقايق سلوى : خلاص اول ما توصل تعال عند الصاله الخارجية من بره انا وامي واقفين ننتظرك عبادي بدون ما يرد سكر الخط بوجهها سلوى : وش ذي الجلافة صدق ما عنده ذوق أم وائل : شفيك تتحلطمين سلوى : ولدك سكر الخط بوجهي أم وائل : تستاهلين بس هو وينه سلوى : الحين جاي خمس دقايق ويوصل وبعد خمس دقايق وصل عبادي وراح عند الصالة الخارجية ولقى امه وسلوى أم وائل : بدري كان ما جيت عبادي : تبيني ارجع ترى عادي جدا أم وائل : اسكت بس لا ترفع ضغطي اكثر من ما هو مرفوع ويلا هذا هم البنات قدامك تمقل فيهم عدل عبادي : انتي تأمرين امر وقعد عبادي يطالع البنات ويتمقل فيهم على قولة امه ويستهبل ويعلق ويستهزأ عليهم وفجاة فطس ضحك سلوى : شفيك تضحك كذا ؟؟ عبادي : لا بس من هي ذي ام الفستان الأسود سلوى استانست : هذي ربى بنت عمي ويلا قول اكيد عجبتك عبادي : ووووووووع تستهبلي انتي وش ذي الخلاقين اللي لابستها ينقال لها كشخة المسكينة ورجع يضحك أم وائل : صدق انك مو وجه احد يعطيك وجه عبادي : ههههههههه حلووووووووووة بس لا تعيدينها شلون مو وجه احد يعطيني وجه فسريها يله أم وائل وسلوى طنشوا عبادي وخلوه يكلم روحه وبعد عشر دقايق تثاءب عبادي بعد ما خلص تقزز في بنات خلق الله وشاف البنات او النوق على قوله عبادي : خلاص شفتهم كلهم وجاني نوووووووم غير شكل ام وائل بلهفه : ها فيه وحده عجبتك عبادي : لأ أم وائل بغت تموت : وليه ان شاء الله كل ذا ولا وحده عجبتك عبادي : الصراحة بناتكم حلوات وزينات لكن المشكلة انهم كلهم ياي ونعومات وهذول ما يصلحون لي أم وائل : احلف انت بس وبعدين ايش دراك انهم ياي ونعومات ؟ عبادي : اعرفهم انا لا قاموا يتدلعوا ع الواحد يحومون الكبد واكبر مثال بناتك سلوى عصبت : انا بروح داخل ابرك من حرة القلب مع ذا العربجي |
|
|
|
|
02-11-2008, 07:39 مساء
|
#16 (permalink) |
|
ضوء مبتديء
|
عبادي : يكون احسن عشان نستنشق هوى اكثر أم وائل : حدك على بناتي فاهم ؟؟ عبادي : من زينهم بناتك ويلا يا ام وائل فيني نوم تعبااااااااااان من المراكض ورى الغنم أم وائل بقلة حيلة : روح ناام نوم العرافي ان شاء الله عبادي : يعافيك ربي وراح عبادي لجناحه سلوى اول ما عرفت ان خطتها الاولى ما نفعت فكرت تخلي ربى تطلع بوجه بدر وتكلمه وعلطول سوت نفسها معصبة ودخلت عند ربى سلوى : ربى ربى ربى : شفيك كذا طايرة ؟؟ سلوى : قومي معي بدر بيروح لغرفته الحين ربى : خله يروح شسوي له انا ؟؟ سلوى : انتي عارفة انه قبل ما يوصل لجناحه لازم يمر بغرفتي فقومي بروح معك لفوق ونسوي عمرنا كننا كنا بغرفتي وطالعين الا هو بوجهنا وانتي سوي عمرك مستحية وبعدين كلميه واسأليه عن اخباره ربى : يوووه ما ابي اقط نفسي عليه سلوى : اوووووف منك انتي قومي وبس انا اعرفه اخوي ما يجي الا بذا الأسلوب قومي يله لا يوصل لغرفته ربى بتملل : طيب خلاص لا تقعدين تحنين وقامت ربى مع سلوى خلود : على وين يالحلوات ؟؟ سلوى : بنروح غرفتي عندك شي ؟ خلود : أكيد بتعطي ربى ملابس عشان تغير هالحفلة اللي عليها ضحكوا البنات وسلوى وربى سفهوهم وراحوا شموخ كانت قاعدة بمكان قريب من ربى وسلوى وسمعت كلامهم واشتغلت الغيرة وقالت بخاطرها : والله لا اخرب عليكم اجل بتأخذ ذي المفعوصة عبادي مني !! وقامت شموخ وقالت : بنات عن إذنكم شوي بروح للحمام وطلعت من الصالة وراحت فوق ووقفت بمكان ما احد يشوفها فيه وكانوا ربى وسلوى داخل غرفة سلوى وفاتحين الباب شوي ويطلون منه ع الممر وبعد فترة طلع عبادي وكان يغني اغنية عبدالمجيد عبدالله ياطيب القلب << مغبر الأخ ويدندن مع نفسه ومنطرب للآخر ويوم قرب من غرفة سلوى طلعت ربى وهي تضحك ووجهها لداخل الغرفة ربى : ههههههههه مرررره الموقف جونان ياسلوى عبادي بخاطره : الله يحوم كبدك وشو جونان ذي بعد ربى لفت وسوت نفسها منصدمة من شوفة عبادي ربى : اوووووه سوري بدر ما كنت ادري انك هنا عبادي : لاعادي خذي راحتك ربى بنعومة : شخبارك عبادي << اتعمدت تقول عبادي عبادي بخاطره : الحين بدل ما تستحي وتدخل تغطي جسمها واقفة لي وتسألني عن اخباري عبادي صد عنها وقال : انا بخير ويلا بروح لغرفتي وبدا يمشي ربى بصوت انعم : لحظة عبادي عنددي سؤال عبادي تأفف وقال وهو معطيها ظهره : اسألي ربى تمطط الكلام : الحيييين خااروف البربري هووو مخطط نفس ماركة البربري عشان كذا سموه بربري عبادي بدون شعوره لف عليها من كثرمالسؤال غبي وبايخ وتم يطالع فيها وهو مستغرب ربى : شفيك تطالعني كذا ما جاوبتني عبادي : اقول ربى ورى ما تروحين تجيبين غطى وتغطي شحومك مدري عصاقيلك ذي وتستحين على وجهك ترى مصختيها وانا مو محرم لك ربى وجهها طاااااااااح وعشان ترقع السالفة قالت بدون شعورها : يعني انا ما عجبتك يوم ربى قالت هالكلمة شموخ طلعت من مكانها وتخصرت وقالت : هي انتي تراك مصختيها روحي تغطي ما سمعتيه شقال الكل انصدموا بطلعة شموخ وربى قالت : وليه انتي ما تتغطي ولا هو محرم لك شموخ : اييييه محرم عندك مانع ربى : وبأي صفة ؟؟ شموخ بدلع : زووووووجي المستقبلي ربى عيونها طلعت : نعم نعم نعم على اي أساس تقطين نفسك على الرجال احد قالك ان الدنيا سايبة شموخ ببرود : لا مهي سايبة ولا انا قطيت عليه نفسي مثل بعض الناس بس هو يبيني وانا ابيه صح بدوري ؟؟ عبادي : صح يا عيون بدوري انتي وسكت شوي وكمل : تتزوجيني شموخي شموخ : بدون ما تسأل موافقة ربى عصبت : بتشوفين يا شموخ ما راح اخليك ولفت وراحت وكعبها مسوي ازعاج بالممر سلوى طلعت من غرفتها وهي رايحة ورى ربى قالت : الحين يا بدر ما في احد يناديك بدر وترد عليه لكن يوم شموخ قالت بدوري قلت ياعيون بدوري والله انك قليل الخاتمة عبادي : لازم مو هي حبيبتي ويوم لف لقى شموخ اختفت وكانت شموخ من طلعت سلوى لفت ع الدرج الخلفي ونزلت ورجعت للمجلس وكنها ما سوت شي عبادي دق على امه وردت وهي معصبة : شتبي الحين مو كنت بتنام عبادي : افا شفيها امي الحلوة زعلانة ام وائل بإستغراب وخوف : اقول بدر مسخن فيك حرارة فيك شي ؟؟ عبادي : لا يا سويداء قلب بدر انتي ام وائل : اكيد استخفيت وقعدت شالطاري عليك متأكد ما فيك شي عبادي : يمه قولي مبروووووووووك أم وائل : على وشو ؟ عبادي : انا خلاص خطبت البنت اللي ابيها من نفسها وبكره نروح نخطب البنت رسمي ام وائل بصدممممة قوية : وشو ؟ لكن عبادي مارد وسكر الخط ×××××××××××××××××××××××××××××××× على الكورنيش كانوا شلة شباب جالسين في جلسة سمر ولا اروع يلعبوا بلوت واللي جالسين يلعبوا كيرم او جالسين ياكلوا حب وبيسولفوا خالد معصب : عبدالله ياخي ركز هذي المرة المليون اللي تخسرنا من جلسنا بليز خلي مخك معك شوي عبدالله رمى الورق اللي بيده ع الأرض وقال : اصلا انا ما كنت ابغى العب انت اللي اصريت علي والحين خلاص هونت مابي العب خير شر خالد : شفيك كذا ع الكلمة خلاص انا اسحب كلامي وآسف ما كان قصدي وشيل الورق خلنا نكمل عبدالله وقف : لاعت كبدي من ذي اللعبة بتمشى شوي خالد وقف : اصبر بجي معك وراحوا خالد وعبدالله يتمشوا على الكورنيش وكان عبدالله قاعد يحوس بجواله خالد : ياخي عطنا وجه احس كني طرطور ماشي |
مركز التحميل 
