 |
الألعاب الفلاشية |
أضواء سوفت |
دليل المواقع |
توبيكات الماسنجر |
مطبخ الأضواء |
سرعة الانترنت |
وطني الكويت |
| روابط مفيدة: استرجاع كلمة المرور | طلب كود تفعيل العضوية | تفعيل العضوية | قوانين المنتدى | ابحث في المنتدى: |
|
 |
 |
|
|
|
||
|
|||||||||||||||||||
|
|
|
LinkBack | أدوات الموضوع | طرق مشاهدة الموضوع |
07-11-2008, 07:31 صباحا
|
#21 (permalink) |
|
ضوء سوبر ماسي
 |
بعد مرور يومين,,,
في بيت ابوخالد,, البيت كله متحمس لاستقبال الضيوف ,, ام خالد مشاءالله ضبطت كل شي لاستقبالهم..ونواف ونايف ..اهتمو بتجهيز الذبايح مع ابوهم,,الكل بأنتظارهم,,,,,, في الشقه,, 4العصر’’ توه راجع من الدوام في باله ينام وبس ,,دخل للصاله شاف لامار نايمه كالعاده من التلفزيون,,وراح للغرفه ,, ,, نوف كانت تحوس بالغرفه واقفه بنص الغرفه وتكلمت بصوت مسموع::ياربي وين اغيره,,السرير مافيه امل التفتت على الدولاب وابتسمت,, خالد كان واقف برى عند الباب اول شي انصدم من شكل الغرفه ,,بس ماسرع مابتسم,,على شكلها وهي تتكلم ,,ولا بعد رافعه الغميص على جنب,,ماتصلح للعربجه ابد (نوف لابسه غميص قطني ابيض وعليه قلوب حمراء),, توها بتحرك بالكومدينه بس حست بيدين تلف عليها من ورى رفعت راسها و ابتسمت خالد وهو يبتسم::وش تسوين هاه..؟؟ نوف بدلع غير مصطنع::طفشت من الغرفه وقلت اغير اماكنها شوي؟؟ خالد وهو يقرب ويهمس باذنها::على كيفك هي غرفتك لحالك ولامشتركه بينا ها نوف تحس نفسها صغيره طفله بين يدين خالد::ليش ماتبيني اغيرها؟؟ خالد بنفس الهمس::الا ياقلبي بس ثقيله مايصير تسحبينها لحالك.. نوف ياقلبي ا الكلمه رنت باذنها بعدت يدينه وهي تقول::يوه خالد نسيت اقولك؟؟ خالد وهو يشمر بيدينه ::خلينا من الي بتقولينه وتعالي نسوي الي عفستيه؟؟ ضحكت يوم شافته متوهق::لاخالد اسحب الكومدينه اول؟؟ خالد بمزحه::تعفس عفستها وتضحك.. ضحكت نوف وراحت له,,وتحمسو اثنيهم على تغير الغرفه,,,,......................... في نفس الوقت في بيت ابو فهد,, ام فهد:: بتروح اللحين ماكأنه بدري؟؟ فهد::لايمه علشن اساعدهم خبرك المعازيم كثير ولازم نجهز بدري؟؟... ام فهد وهي تضحك""ولا عشانهم بيصرون نسايبك؟؟ فهد بمزح::تهقين يمه,,خلاص وش ؤايك اجلس عندهم من اليوم؟؟؟ ام فهد::والله ماهي بعيده عليك!! فهد وهو يضحك::يالله يمه انا بمشي مدام ان الي اهم مني جاء ولاشرايك يمه غلطان انا....؟؟ ابو فهد وهو يجلس::لامو غلطان جاوبت عنها.. ضحك فهد وطلع::ابو فهد وهويناظرها ويبي يحرجها::غلطان فهد بكلامه ؟ ام فهد بخاطرها كبر وخرف::كبرنا على هالسوالف؟؟ ابو فهد::مين قال انا اشوف نوف واشوفك كانكم خوات,, ام فهد استحت وتبين عادي وقالت تصرف::متى بنروح للعشاء؟؟ ابو فهد::عارف انك تصرفين,,ولايهمك بعد المغرب اجهزي ................. نرجع لشقة نوف وخالد بعد ماخلصو من الغرفه,,بعد عناء وتعب,,خالد وهو قاط نفسه على السرير وفاتح يده من التعب لان الولاب كان ثقيل مررره,,نوف تناظره وبخاطرها,,الله يرجني مالقيت اغير الا على طلعته من الوام,,, جلست على السرير وهي تلعب بشعره::اسفه خالد تعبتك؟؟؟ خالد::هو من ناحية تعبتيني ,,,تعبتيني بس فدوه نوف كانت فرحانه بداخلها من خالد::وكمل خالد وهو يمسك يدها ويقربها لفمه ويبوسها::ابي هاليدين الحلوه تجيبيلي مويه؟؟ نوف::انشاءالله,,,,,,,,,,,, رجعت للغرفه بس حصلته نايم,,يالله نام ولاقلتله على العزيمه,,يالله ساعه وبصحيه,,,,,,,,حطت الصحن على الطاوله,,وتقدمت له ,,وفصخت جزمته وحطت المخده تحته وغطته وطلعت,,,,,,,,,,,,,,,,,, نوف طلعت للصاله ,,جلست على الكنب,,وهي مبسووووطه,,على طول تذكرت كلمته وتحسه للحين صداها بأذنها,,ولاول مره من تزوجنا يقول كلمه احس اني اعني له شي فيها’’,,يمكن قالها وهو مايقصدها,,بس وربي خالد تغير معي الفتره الاخيره,,رفعت بصرها ,,ياربي صخر قلب خالد لي ,,,,,,,,,,, في بيت ابوخالد,, رهف بكامل نعومتها,,كامنت لابسه فستان جداا هادي قصير ليموني,,وفيه شجر اخضر خفيف موزع بطريقه حلوه ,,ومسويه شعرها ظفيره بحركه حلوه على جنب,,وتاركه الي تحت مفتوح,,والغره حاطتها سيده مطلعها من جد((بيبي))وبدون ميك اب ,,اكتفت بكحل ومرطب,, تحوس بالمطبخ وتاكل وامها تهاوش فيها بس هي مافيه فايده .. رهف وهي تاخذ من المعجنات::يمه اخواني تأخروا من الظهر طالعين؟؟ ::نواف يقول زحمه... ::اها’وكملت,,’تاخرت نوف مدري متى بيجون بكلمها...؟؟ ام خالد تعكر مزاجها شوي::خليهم على راحتهم؟؟؟ رهف تذكرت ريم وشلون كان خالد يحبها قالت::يمه تهقين خالد نسى ريم؟؟ ام خالد وهي تتنهدت::مدري عنه؟؟؟ رهف::يوه يمه لو تدري نوف ان ريم كان يحب ريم وكان بيتزوجها كيف بتكون ردة فعلها,, ام خالد عصبت والتفتت عليها الانها هي خلقه متوتره من هالموضوع ماتدري ليه::انتي وش تبين عندي روحي هناك..... رهف راحت لامها وهي تبوسها::اسفه يالغاليه ماقصدي اخليك تعصبين ,,خلاص بطلع هاه شوفي ,,,,,,,,,,,,,,,وطلعت لبرى البيت طلعت للملحق قالت لنفسها بروح استنى ابوي واخواني لحد مايجون,,وفتحت الباب ودخلت ملحق الرجال ,,اسحبت نفس,,واوا ريحة العود روعه,,جلست على الكنب ,وطلعت جوالها ,,تحوس فيه,,,,,,,,,,,,,,,,,,,,,,,,,,,,,,,, بهالوقت دخل فهد بيت عمه ,,كان متكشخ على الاخر,,ثوب وشماغ مطلعه هيبه,,دخل الملحق,,وشاف وحده ةتحوس ومنزله راسها ,,منشغله بشي بيدها,,قلبه يعرفها عدل,,لانه زادت دقات قلبه,,ابتسم يوم شافها رفعت راسها وجت عينها بعينه,,,بعدسكوت ثواني,,وقفت رهف وفهد ,,فهد انتبه على نفسه وصد عنها وهو يقول::شخبارك رهف؟؟ رهف توترت:_________ فهد بجرائه::شخبارك يالغاليه ليش ماتردين؟؟ رهف وهي متوتره للحين::ممكن اطلع؟؟ فهد وهو ناسي هو وين وده يطول معها::ماراح تطلعين الا اذا رديتي علي؟؟ رهف زاد توترها ارتكبكت وانصدمت من جرائته::انا بخير فهد بسرعه ابي اطلع لاحد يشوف ويفهم غلط؟.... فهد وده يلتفت ويشوفها::ياحلو اسمي من لسانك وكمل تدرين توني اعرف قيمة اسمي,, رهف عصبت زودها::فهد لو سمحت احنا مخطوبين مايجوز كذا؟؟ فهد حس انه فعلا زودها::طيب ولايهمك بطلع,,بس صدقيني الكلام الي قلته طلع غصب عني وطلع وتركها..........طلع وهو مبسوط بالي سواه على الاقل يبين لها شي من الي في قلبه لــــها’’’’’’’’ اما رهف على طول دخحلت للبيت وهي معتفسه,,دخلت غرفتها,,يوه الحمدالله محد شافنا,,وتكلمت بصوت مسموع,,ياويلي جري,,هذي البدايه شلون بعدين,,ابتسمت,,يوم تذتكرت كلامه الاخير,,معقوله هو يحبني,,وهو الي ىاختارني,,جايز ليش لا..,,,,,,,,,,,,,,,,,,,,,,,,,,,,,, في شقة نوف وخالد,, نوف دخلت للغرفه وفتحت الانوار وصحت خالد بس ماصحى,, قالت لنفسها خلني استعد للعشاء,,على مايصحى’ خذت لامار وروشتهاولبستها,,وخلصتها وطلعت ملابس لها للعزيمه,,ودخلت للحمام وخت لها دش وجففت شعرها ,,وطلعت ولبست ملابسها,,وخالد ولا على باله في سابع نومه,,ورجعت نوف تصحي خالد حاولت تصحيه بس ماصحى عصبت نوف,,حاولت معه بالطيب..مانفع,,قالت مافيه الاوحده ,,ونادت على لامار ,,لامار على طول راحت لامها,,نوف خذتها وحطتها على ظهر خالد وقالت لامار::يالله قوميه ,, عاد لامار ابتدى الشغل حقها::يالله حلودي دوم(خلودي قوم) خالد فتح عيونه::خلودي هاه والله هذي من قعدتك مع رهف خربتك؟؟ نوف وهي تضحك::ماينفع معك الا هي.. لف وجهه لها وانتبه لشكلها ,,كانت لابسه برموده رملي,,ولابسه قطعه لونها ذهبي ماسك على جسمها لتحت الخصر وفيها وقصه مايله قال وهو يبعد لامار ويعدل جلسته::وش هالكشخه؟؟ نوف ابتسمت::مو بس انا حتى لامار كاشخه شوف .. خالد استغرب::غريبه ليش وش عندكم؟؟ نوف::فيه عشاء اليوم عند عني... خالد وهو متعود على عزايم اهله::ليش ماقلتيلي؟؟؟ نوف::كنت بقولك بس شفتك نايم وماحبيت اصحيك,,, خالد نزل من السرير وهو يقول يالله خلينا نعجل,,,,, طلع بعد ماخذ له شور سريع وكانت نوف مجهزه ثوبه ,,وشماغه ولامار قاعده تحوس باغراض امها,, واخذ ثوبه ولبسه, ونوف كانت جالسه على السرير وبيدها عبايتها وتستناه يخلص,,وتشوفه يحوس بالزرار حق ثوبه قال::نوف تعالي سكريه مدري شفيه مو راضي يتسكر,.؟؟؟؟ قامت نوف لعنده ورفعت يدها لها تسكره يرجع ينفتح ,, خالد مكتف يده ومستانس على شكلها وهي متحمسه::يالله نوف سكريه بسرعه؟؟ نوف وهي تطلع لسانه يمين ويسار من الحماس:::خالد كل ماسكره ينفتح؟؟ خالد بخبث حط يده على خصرها وقربها::طيب شرايك بما انه مو راضي يتسكر نجلس مولازم نروح,, نوف على طول التفتت على لامار::خالد شفيك لامار هنا؟؟ خالد يموت على حياها قرب منهابعدت عنه ::لامار هنا؟؟ واخذت لامار وطلعت,, خالد هو يضحك وبالاخص انه يشوف البراءه بعيون لامار قال بصوت عالي::شفيك خليها تشوف عشان لاكبرت ماتطلع مثل امها تستحي,,,,,,,,,,,,,,,,,,,,,,,,,,,,,,,,,,,, في السياره,, خالد::الاصحيح من الي جاي عندنا؟؟؟ نوف وهي تلعب بشعر بنتها::خالتك جايه من حايل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟ نهاية الجزء الثالث العشر,, |
|
|
|
08-11-2008, 10:06 صباحا
|
#23 (permalink) |
|
ضوء سوبر ماسي
|
الجزء الرابع عشر,,
في السياره,, خالد::الاصحيح من الي جاي عندنا؟؟؟ نوف وهي تلعب بشعر بنتها::خالتك جايه من حايل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟ خالد وبثانيه وحده دخلت الفرحه في قلبه وبانت على ملامح وجهه غصب عنه نسى نوف ونسى انه بينسى ريم,, كل الي في باله ريم هنا ريم بالرياض ,,وزاد من سرعته للسياره,, نوف لاحظت الفرحه بعيون خالد,,لهدرجه يحب خالته ,, بهالوقت وصلوا اهل حايل,, ام خالد وام راكان متضامين وكل وحده دموعها على خدها مشتاقين لبعض..من زواج خالد ماشافوا بعض وكلها ليله ورجعوا لحايل ,,ماشبعوا من بعض,,ونفس الشي البنات كانت شعورهم مواقل منهم,.,,,بعد ماجلسوا,, ::والله تو مانور البيت فيكم,, ام راكان::ياعمري منور باهله.. ريم::شخبارك خاله اشتقنالكم,,؟؟ ام خالد::والله حنا اكثر,, رهف::مايصير كذا لازم كل شهر تزرونا؟؟ نوره::قولي لهم انا لوعلي كل يوم اجي عندكم ؟؟ رهف وهي تعرف نوره تموت على اسواق الرياض::تجين الرياض ولا تجين اسواقنا هاه؟؟ نوره وهي تضحك::هههههه و كملت وهي تأشر باصابعها::الاثنين سوى؟؟,,,,,,,,,,,,,,,,,,,,,,,,,,,,,,,,,,,,,,,,,,,,, ,,,د وصلوا نوف وخالد.... فرح خالد من كل قلبه يوم شاف سيارتهم يحس الارض مو شايلته من كثر الفرحه بهالوقت نسى انه متزوج نوف ,,يحس رجع لايام اول يوم يكونون جاين من حايل وهو يكون باستقبالهم نفس الفرحه بالضبط الحين هوجالس يحس فيه,,من كثر ماهو مرتبك يمكن عشرين مره فتح الشماغ وعدله,, دخل للقسم الرجال وبيده لامار الي رفضت تدخل مع امها,,سلم عليهم,,وسلم على كل الموجدين..للحين فرحان بس فيه شي خرب فرحته شوي اوكدرها,,اول مادخلوا اخوان لامار كانوا موجدين يوم شافتهم,,فكت يده وركضت لهم,,خالد هنا حس بشي ينغز بصدره او بطعنه بس الاكيد انه تضايق,,سأل نفسه شفيني انايعني بنت وشافت اخوانها,, مايدري وش هالشعور,,(لامار حركه طبيعيه مثل أي طفل يشوف ناس مهتمين فيها ويزرونه بكثره ويطلعونه ويلعبونه فكانت حركتها جداااا طبيعيه))مسرع ماطنش هالشعور يوم حاكه راكان ,,,,,,,,,,,,,,,,,,,,,, دخلت نوف بعد ماشافت شكلها بالمرايه ماكان فيه عزيمة حريم كبيره خلوها عائليه بس الرجال الي كانت كبيره ,,دخلت وسلمت على ام خالد وعلى ام ركان وعلى نوره ,,يوم وصلت عند ريم وشافتها قالت بنفسها,,مشاءالله تبارك الله وش هالجمال ,,خطر في بالها,,معقوله شافها خالد,,حست بالغيره تاكلها,,ضحكت على نفسها وعلى افكارها,, وبعد ماسلمت وخلصت وجلسوا ودخلوا بالحكي,, نوف::جد ريم ماخلصه الثانويه مبينه اصغر ريم::ايه لي سنتين اللحين عمري 20 نوف::تقريبا بعمري انا مابقى لي شي وادخل 21 رهف قاطعتهم::اقول خلونا من اعماركم يالعجايز.. ضحكوا نوف وريم وضربوها مع كتفها وكملت رهف:: يالله قوموا خلونا نروح نرقص فوق,,,,,,,,,,, طلعوا البنات فوق وبدا استهبال البنات شغلت رهف الاستريوا وعلت على اغنية ادواك عندي وتحمسوا عليها,,كل وحده دخلت جو وهي ترقص ,, نوف وهي تجلس ::اوه خلاص تعبت,, ريم وهي تجلس::حتى انا ,, وجلسوا نوف وريم يسولفون ,,ريم بخاطرها وربي هالبنت تنحط على الجرح يبرى,,ليه خالد فكر يتزوج ماتستاهل ,,الحمدالله شكلها ماتدري انه خطبني,,,,,,,,,,,,,,,,,,,, بعد ماراحوا المعازيم,, الى اللحين خالد ماسلم على خالته,دخل وهو يقول ,,ياولد,,طلعت له رهف::هلا خالد.. خالد وهو يحاول يخفي ابتسامته::رهف وين خالتي والبنات بسلم عليهم؟ بهالوقت طلعت ريم فوق ودخلت رهف وقالتهم ,,,,, نوف يوم سمعت رهف وهي تقول خالد بيسلم,,حمدت ربها ان ريم طلعت لغرفتها,, عليها عيون تلفت مشاءالله بدون كحل ولاشي وحلوه,, دخل خالد وهو يسلم على خالته عيونه تدورانسانه تمنى شوفتها ,,جت عينه على وحده جالسه بعبايتهاقال بخيبة امل ::شخبارك نوره؟؟ ::بخير الحمدالله بخير انت كيفك؟؟ ::ممبسوطين بجيتكم.. نوف استغربت شلون عرف نوره يعني يميز بينهم,,طنشت تفكيرها الي حسته ماله داعي,,,,,,,, خالد طلع وهو متكدر كان وده يشوفها ,, يعني معقوله تكون متعمده ماتجلس,,,قطع تفكيره صوت رهف::خالد اقعد الليله لاتروحون ولله مشتاقه اصحى القاك قدامي مثل اول,, خالد قال لنفسه ليش لا وبدون تفكير::ولايهمك بس غرفتي على ماهي؟؟ رهف وهي فرحانه ::اكيد ومين يقدر يقربها وانا موجوده؟؟ خالد:: شكللك مو ناويه تروحين للمدرسه بكره؟؟؟ رهف وهي تكشر::خبله انا اروح وافوت الوناسه؟؟ ضحك خالد على اخته لانه عارف انها تكره المدرسه,,,,, بهالوقت نوف لبست عبايتها على اساس بيرحون لان خالد عنده دوام بكره ولازم ينام بدري,, طلعت نوف وشافت خالد ورهف عند الباب الي يطلع لبرى الحوش,,راحت لعندهم وهي شايله بين يدها لامار نايمه.. خالد كان يناظر نوف وهي جايه له ..انعصر قلبه عليها,,بس بعد هالاحساس عنه يوم سمع خالته تنادي ريم قال بسرعه::نوف الليله بنام هنا؟؟؟؟ رهف::ايه حبيبتي ترى مافيه روحه اليوم ورانا سهره يعني بتنامون عندنا,,,؟ نوف تحس انها تعبانه ومافيها حيل وتبغى سريرها علشان تنام قالت وهي توجه نظرها لخالد:: اوكيه اذا خالد ماعنده مانع ,, رهف::المهم ترى انا قلت لكم روحه نو مافيه يالله انا اخليكم,,ودخلت داخل خالد وهو يرفع حاجب حس انها ماتبي تنام ::وش عندك شكلك ماتبين تنامين؟؟ نوف::لابس كيف ننام و ملابسك لبكره الدوام ماعندك؟؟ خالد وهو ياخذ لامار منها::عادي بلس الثوب هذا !! نوف وهي تفصخ عبايتها::طيب وانا؟؟؟؟ خالد الي قلبه داخل::دبري نفسك من رهف وكمل كلامه::سوي لي درب باخذ لامار للغرفه,, نوف انشاءالله,,,,,,,,,,,,,,,,,,,,,,,,,,,,,,,, دخلت نوف وسوت له طريق ودخل خالد وطلع فوق لغرفته,,فتحها وحط لامار على السرير وغطاها وابتسم وهو يتذكر كلام رهف له من شوي,, فعلا نفس الشي ماتغيرت,, دخلت نوف للغرفه وشافته واقف عند السرير ويبتسم ,,قربت لعنده ولفت يدينها حول رقبته وقالت بصوت حلو::اشتقت لغرفتك؟؟؟؟ خالد حس ماعنده كلام يرد عليها اكتفى بنظر,, نوف طنشت سكوته ولفت يدها حوله وهي تقول::خالد خالتك والبنات عسل دخلت معهم بسرعه,,؟ خالدحس انه خاين كره نفسه وكره قلبه قال بدون شعور::اذا هم عسل مأظن يتقارنون بالعسل الي عندي؟؟!!!!!! نوف بفرحه وهي تضحك بخفيف وترفع كتوفها مثل الصغار بحركه عفويه منها::مين قصدك؟؟ قرر انه يتجاهل ريم او يحاول ينسى انها موجوده قال هو يبعدها::وحده يقولون اسمها نوف؟؟ نوف ابتسمت وهي تبعد عنه::ياقلب نوف انت ,,يالله انا بطلع للبنات ,,وانت نام علشان اصحيك بدري؟؟ خالد وهو يفصخ ثوبه ::شلون يعني بنام لحالي ؟؟ ::شرايك ..هذي رهف راسله لي راسله تقول وينك تاخرتي؟؟ ::ايه تفكرين برضى غيري وانا ولافكرتي فيني هاه؟؟!! نوف صدقته::خالد حرام عليك احنا اللحين ليش نايمين ,,شوف رهف تتصل ’’ ضحك على برائتها::طيب عطيني شي قبل لاتطلعين؟ فهمت عليه نوف وراحت له وباسته مع خده وطلعت تركض ,,لان خالد كان بيمسك يده بس هي فلتت منه,,,,,,,,,,,,,,,,,,,,,,,,,, خالد حط راسه على المخده وغمض عيونه ,,حاس بنوف من الايام الي راحت انها مبسوطه وباين من عيونها بعكس اول مهما تحاول تبين انها مبسوطه يبين ,الحزن بعيونها,,من تغيرت معها ,,والفرحه باينه فيها,, ,,خلاص ماعد ابي اكدر عليها,,اكره اشوف الدوع بعيونها,,ابيها تكون دايم مبسوطه مابي الضحكه تفارقها,, وريم صحيح للحين مو راضيه تطلع من قلبي بس خلاص ,,ريم مو لي ,,لازم انسى وجود ريم,, انقلب للجهه الثانيه وطاحت عينه على لامار ,,رجع له نفس الشعور يوم فكت يده وراحت لاخوانها,,,عقد حواجبه وغمض عيونه لعل وعسى يخف الاحساس الي بجوفه ويروح منه ,,الي حركته لامار بحركتها,,,,,,,,,,,,,,,,,,,,,,,,,,,,,,,,,,,,,,,,, نهاية الجز الربع عشر,,,,,,,,,,,,,,,,, |
|
|
|
|
08-11-2008, 10:24 صباحا
|
#24 (permalink) |
|
ضوء سوبر ماسي
|
الجزء الخامس عشرماقبل الاخير,,,
صحت نوف ناظرت مكان خالد استغربت,,مو موجود صحى قبلها,,غريبه,,خالد يصحى قبلي,, تحركت من مكانها,,حست بالدوخه رجعت لها,,لا اليوم لازم اروح للمستشفى وتأكد,,دخلت للحمام وطلعت ,,معقوله خالد راح لدوام بدري ,,قربت من الدريشه تناظر بالسيارات ,, شافت سيارته ,, ,,وخذت لها جلال صلاه يمكن نايف و لا نواف بطريقي,,نزلت تحت دخلت المطبخ ماكان فيه احد كلهم نايمين,,مافيه الا الخدمات..دخلت للمخزن الي داخل المطبخ,,عشان تاخد اغراض وتجهز فطور ,,,,ابتسمت يوم سمعت صوت ريــم وهي داخله للمطبخ,, دخلت ريم للمطبخ حست انها جوعانه ةونزلت تاكل ,, خالد صحى بدري وماحب يزعج نوف نزل وطلع للملحق عند الشباب وجلس مهم شوي وحس بالجوع,,وبعدها دخل للمطبخ يبي يقول للخدمات يسون فطور ,,بس توقف لسانه ,,وتجمد جسمه عند البــــــــاب ,,شاف الي حبها طول عمره وتمناها,,هذي ريم حلم حياته طول السنين الي راحت ,,عينه مو راضيه لاتروح يمين ولا يسار,,نظره عليها وبس ,,يحس اللحين كأن مافيه بالدنيا كلها الا هو وريم ,,برقت عيونه وابتسم ابتسامه شوق او عذاب نسى كل شي ونسى انه فكر يتجاهلها::ريــــــم؟؟ ريم تحس كأنها حجر من ثقلها ماقدرت تتحرك رجلينها بالذات ماعليها شي وفكرة ان الكل نايم تخوف::_________؟؟ خالد بشوق::شخبارك ريم؟؟ ريم للحين ماتحركت بس حطت يدينها على كتوفها::خالد شفيك ماعلي شي تكفى اطلع؟؟ خالد صد عنها وقال بحزن::ليش ليش ماوافقتي يوم خطبتك ليش ياريم بس عشاني متزوج ؟؟ ريم تحس كأن مويه بارده انكبت عليها:: وش قاعد تقول انت وخر عن طريقي ابي اطلع؟؟ خالد بألم وهو يقول كلامه وناسي هوو ين فيه ::لا ياريم انتي عارفه وش قاعده اقول ,,تدرين ياريم اني احبــــك ,,والكل عارف بهالشي ,,وماظن يخفى عليك..وربي ياريم انك للحين بقلبي ومانسيتك لحظه,,وغلاتك عندي مثل قبل ماتغيرت ..وكمل بحده::بس ابوي الله يهديه قال تزوج نوف وماحبيت ازعله ,,بس انا ماحبيت نوف لانك انتي في قلبي ,, ريم عصبت وخافت لاحد يجي وماهتمت ابد بكلامه::خالد لو سمحت شيليني من راسك انا مخطوووووووبه و بعدين مامداها تكمل الا وتسمع صوت صرخه من المخزن,,,,,,,,,,,,,,,, خالد التفت على الصوت وهو عارف صاحبته,,دخل داخل المطبخ ومر من جنب ريم,,,,شاف نوف جالسه على ركبها وحاطه يدها على أذنها وتصيح بصوت مسموع,,قرب لها وجلس على مستواها..حط يده على كتفها,,بس نوف بعدته ورفعت وجهها الي مغطى بالدموع وهي تصيح وتصرخ::وش تبي هاه,,مدام انك تحبها ليش تزوجتني ؟ خالد ::نوف افهميني انا,, نوف وعلى نفس الوضعيه::وش تبي تقول انك ماتحبني وتحب ريم خلاص عارفه,,وعرفت انك رجال وماتبي تزعل ابوك وتزوجتني ,, خالد عصب وقال من بين اسنانه::نوف احترمي نفسك ..!! نوف وهي تقوم تحس الدنيا قدامها تدور::طيب طيب ابعد عني ,,مامداها تكمل كلمتها طاحت بين يده,, خالد خاف عليها وصرخ وهو يضرب خدها::نوف نوف كل مايوقفها تطيح بين يده كانها ورقه,,خالد توتروصرخ للشغاله ::بسرعه هاتي عبايه,,واخذ العبايه ولفها وشالها وعلى طول على السياره,, اما ريم من سمعت صوت نوف ,,على طول طلعت لغرفتها وهي تبكي,, خافت تسبب بينهم مشكله,,ولاتفهمها غلط..لامت نفسها انها نزلت ,,انا اساسا غلطانه انزل,,وربي خالد واحد اناني الله يعينك عليه يانوف,,ياربي وش صار عليها اللحين,,,,,,,,,,,,,, خالد كان مسرع,,وكان كل شوي يلتفت يشوفها,,كل الي باله تقوم بالسلامه وبس,, وصلوا المستشفى وعلى طول قربوا العربانه,,ودخلوها,,وهو جلس بالممر ,,وتفكيره مشوش ,,متوتر من شكلها وهي تطيح بين يده ,,كانت تخوف,,لونها انقلب فجاءه,,وصارت مثل الريشه بيدي,,سحب نفس,,اخر شي توقعته,,ان نوف تعرف بالهشي,,انا انا السبب انا الي نسيت نفسي ,,ماتوقعت ان هذا يصير ,,حتى اني تجرات وطالعت ريم,,استفغر ربه,,وبهالوقت طلع الدكتوروقام خالد::بشر دكتور ان شاءالله بخير؟؟ ::زوجتك معها فقر دم حاد وهذا الي سسبب لها الاغماء وجسمها مرهق من سوء التغذيه وبذات انها حامل ولازم تتغذاء كويس؟؟ خالد انصدم ولامره فكر بهالشي مايدري ليه::حامل؟؟ الدكتور::اه ماتعرفش هي حامل من شهر واسبوع؟؟ خالد مايدري يفرح ولايحزن ماهو عارف شعوره كيف::طيب اللحين اقدر اشوفها؟؟ الدكتور ::اه بس الافضل تتركها ترتاح ساعه اوساعتين وتشوفها؟؟ خالد::اوكيه مشكور دكتور,, طلع وراح للدوام واستاذن منهم يومين ,,ورجع للمستشفى,, فتح الباب بهدوء,,وشافها سرحانه ,,ماحست فيه يوم دخل ,,وقف عند السرير ,,وهي للحين ماللتفت ,, نوف حست فيه يوم قرب للسرير,,لفت وجهها مالها خلق تشوفه تضايقت وشيبي بعد جاي ,,شكله باقي كلام ماخلصه ,,وده يكمله علي,, خالد عرف انها ماتبي تشوفه ::الحمدالله على السلامه,, نوف ماتدري ليه تحس الكلام كثير عليه::________ خالد تنرفز بداخله لانها ماردت ::مبروك يأم سعد!!!! نوف وهي متوقعه انها حامل وبخاطرها بعد سمى وخلص::انا ام لامار مو ام سعد؟؟ خالد انقهر من ردها::اوكيه براحتك ام سعد ام لامار كلهم واحد,,؟؟ نوف غرقت عيونها كلمته اما ماحبها لاني ابيك للحين بأذنها وقالت وهي معزمه ومقرره وتحس ودها تنهي الموضوع بسرعه تخاف تضعف::لو سمحت خالد كلم فهد قوله يجي ياخذني؟؟ خالد هو يرفع حاجب::ليش؟؟؟ نوف::الي سمعته وياليتك تقوله يمر لامار يجيبها معه؟؟ خالد سحب نفس ::نوف ممكن نتفاهم؟؟ نوف انقهرت منه كل مره يقول كذا وش مفكر لهنا وخلاص ماعاد تتقدر اكثرقالت ::مابي اتفاهم ولاشي مشكور وفهمت كل شي وانتهى الموضوع سو الي قلتلك عليه وبس وكملت بعد ماشافت منه رد بصوت فيه عبره::كلم فهد بسرعه ابيه خله يجي ياخذني؟؟ خـــالد::نوف ماله داعي خلينا نتفاهم بهدوء افضل لك ؟؟ نوف بنبرة استهزاء::هاها ضحكتني قال نتفاهم قال,,طيب طيب بنتفاهم بس دق على فهد ؟؟ خالد وهو يعد بنفسه من واحد للعشر ه قال وهو يضبط اعصابه::نوف عدلي كلامك معي ولا ما قاطعته وهي تبكي و تصرخ::وشتبي فيني هاه تبي تعذبني زياده ,ابشرك تعذبت كثير مشكور ياخالد ,,وكملت بنبرة استهزاء,,ولا خلصت من ريم وانا احتياط وهامش لك وكملت وهي للحين تبكي ::مدام انك تحبها ليش تزوجتني مو حرام عليك انت واحد اناني سامع انــــــاني وانا مو مضطره اعيش مع واحد مايفكر الابنفسه حتى انا مابيك ولااحبك اكرهك طيب ,,روح تزوجها ,,مابيك اطلع قالتها وهي ترجع راسها للسرير وتغطي وجهها,, اما خالد كان مصدوم اول مره يشوف نوف كذا عارف انها مجروحه ,, بعد سكوت دقايق وقف خالد وقال بصوت امر:: انا طالع ساعتين وتطلعين من المستشفى انا بروح البيت باخذ لامار لبيت عمي وانا الي بوصلك عندهم طلع وتركها,,,,,,,,,,,,,,, رجع خالد للبيت ,,الى اللحين محد صحى فيهم,,طلع لغرفته ,,التفت على غرفة خالته,,تذكرت كلمته الاخيره..انا مخطوبه سحب نفس ,,كره تفكيره الي مووقته..دخل الغرفه واخذ لامار وطلع فيها لبيت عمه ,, دخل وبيده لامار الي صحت من النوم بالسياره ::يالله روحي لجده.. ام فهد توها صاحيه واستغربت::هلا خالد وتقدم وسلم عليها,, وكملت ام فهد::وين نوف؟؟ خالد::ابد نوف عندها موعد واختها للمستشفى ,,يالله تبين شي ؟؟ ام فهد ماصدقت وسايرته::لا الله معك.. رجع خالد للمستشفى ودخل غرفة نوف وشاف السستر تساعدها تقدم وهو يأشر للستر تطلع,,استغربت نوف يوم تركتها ,التفتت وشافت خالد يناظرها ومبتسم,,صدت عنه بخاطرها ممثل شاطر قطع تفكيرها صوته:::يالله نوف عجلي ؟؟ نوف كانت تحس نفسها كانها تترنح من التعب تحس جسمها ثقيل مره ماهي قادره تلبسه عدل ,,تقدم لها خالد وحست بيده تلبسها العبايه ,تحاول تبعد يده وهي تقول::انا اعرف البس مايحتاج تلبسني؟؟ خالد طنشها::ماعليه انا بساعدك عندك مانع.. نوف وهي معصبه مشت لقدام ::ايه عندي مانع وخر عني,,, خالد عصب منها وطلع وقبل لايطلع قالها::انا بالسياره... نوف ,,تحس من كثر الصدمه ,,مشاعرها له تبخرت,,ماقد خطر في بالها انه يحب وحده ثانيه ,,كرهت كل المشاعر الي اعطتها لواحد مايستاهلها,,كرهت نفسها لانها بيوم حبته ولامت نفسها الي تضعف قدامه,,طيب ليش تزوجني ,,كان قالي من البدايه,,انه يحب غيري,,,ندمت على كل نبضه نبضها قلبها له ,, ,,................................................ .......... بهالوقت بالسياره ,,خالد وهو معصب ويهز برجله..والله الاخت صارت ماتتحمل مني شي بكيفها بالطقاق ,,موانا ماحبها وش يهمني ,خله تسوي الي تبيه ,, بهالوقت شاف نوف واقفه عند البوابه وحرك سيارته وركبت نوف السياره بدون ولا أي كلمه,حرك السياره هدؤء مالي المكان,,نوف ودها تنام تحس نفسها تعبانه نفسيا وجسديا,, خالد ويبي يعرف نوف وش ناويه عليه::نوف مصممه تروحين لبيت عمي الحين؟؟ نوف هزت براسها بأيه,, خالد::ماعلق,,, وصلوا ونزلت نوف وعلى طول دخلت ولقت امها كان ودها تضم امها وتبكي ودها تطلع كل الي فيها وكل الي كابتته طول الايام تريح نفسها شوي,,بس ماحبت انها تضايق امها بعد ماسلمت على امها وارتاحت ان لامار موجوده::يمه بروح انام مابغى أي احد يصحيني؟؟ ودخلت لغرفتها الي كانت فيها اول ,,غرفتها الي ياما بكت فيها ,,ويما ضحكت فيها,,وياما شكت لها ,,تذكرت رجعتها يوم مات زوجها ابو محمد,,رجعت لذاكرتها لورى,, ::يابنتي كلنا بنموت نوف وهي تبكي::يمه بنتي شلون بربيها لحالي شلون كيف,, ::كلنا موجودين يانوف,, ..رجعت لواقعها.. ابتسمت بألم وهي تناظر الغرفه هذا انا رجعتلك بس بظروف ثانيه,, ياليتك ياخالد بطيبة ابو لامار,, فكرت يالله الحب شي من الله ,,اولا واخيرا خالد ماحبني وهذا شي غصبا عنه,,وانا ماقدر اعيش مع واحد مايحبني,,ابتسمت تذكرت نفسها وهي تقول باكسبه ,,يامسيكينه يانوف الرجال ماكان يفكر فيك ابد,,عايش معك بس تفكيره مع غيرك ,,تفكيره عندها,,انسدحت على السرير ’’غمضت عيونه,,ومر الشريط حياتها مع خالد.. تذكرت اول يوم زواجها,,يوم تركها ونام وهي مستغربه منه شلون معرس ينام ويترك زوجته,, ,,تذكرت ايام اسبوع عسلها,,وضحكت على نفسها ,,عسل,,نزلت دمعه,,تذكرت شلون مايتكلم معها ولايرد عليها ,,ولايناظر فيها ,,ويعاملها برووود يذبح ,,ويعصب على اتفه الاسباب تذكرت شلون يصدها لتقربت منه ,, جاها صوته بأذنها انا مومقتنع فيك ,, تنهدت بضيق اللحين عرفت السبب ,, الله يسامحك ياقلبي علقتني فيهز. صحيح اوقات يكون فيها حنون غمضت عيونها وابتسمت,, ,,تذكرت اخر ايامها معه,,ودي اشكره عليها على الاقل اذكر ايام حلوه معه,.............................................. ........................... في بيت ابو خالد,, رهف صحت وماحصلت نوف موجوده عصبت قالت اكيد راحوا ,, اتصلت عليها وماترد بعدها اتصلت على خالد وهي معصبه وبدون مقدمات:: ليش رحتوا!!!! خالد وهو يضحك"::وش فيها عمة ولدي معصبه؟؟ رهف مانتبهت لكلامه::وين نوف ليش خذتها كان جلستوا لحد ماتطلع من الدوام.. خالد ابتسم::طيب ماتبين تباركلي؟؟ رهف استغربت:على ايش؟؟ خالد::اقولك بتصرين عمه؟؟ رهف نطت من مكانها:::صحيح نوف حامل؟؟ خالد::ايه حامل,, رهف::طيب امي تدري.. خالد::لا ماتدري... رهف بفرحه::اوكيه بروح ابشرها,,مع السلامه........................................... ... انتشر الخبر في العايله عن نوف وحملها ,,اما من جهة ريم حست السالفه فيها ان ,,قالت لنفسها لازم اقابلها واكلمها ,,,,,............................................. ....................... بعد مرور يومين,, في بيت ابو فهد كانو الكل جاي عندهم ام خالد ورهف وام راكان وبناتها,, نوف سلمت عليهم وحست بشي يحرق قلبها يوم جت عند ريم تسلم,,رجع صوته باذنها وكانه جنبها,,سلمت بسرعه وصدت,,بس صوت ريم كان اسرع::نوف ممكن شوي؟؟ نوف خافت تقول شي يجرحها زياده قالت بصوت واطي::فيه شي بعد ماعرفه؟ ريم مسكت يد نوف وطلعتها عن المكان الي هم فيه بدون لاحد يحس فيها::نوف انتي فاهمتني غلط والله يشهد علي مافكرت اوافق على خالد نوف برود::ليش ماوافقتي تبينه يطلقني ولايهمك ابشري,, ريم برجى::نوف واقسم بالله اني ماحبه ولايهمني,, نوف بنفس البرود::ماعاد يهمني واذا تبينه اخذيه تهني فيه!!!! ريم عصبت::لو سمحتي يانوف انا اساسا مخطوبه طيب وانا راح افهمك اذا تبين,, نوف ::وش تفهمني وش تبغين تقولين..؟؟ ريم ::الي بقوله لك لاتخسرين خالد,,ترى خالد انسان طيب,,ويعلم الله اني احبك يانوف من كل قلبي ومابي تاخذين عني فكره غلط او تكرهيني وربي وربي خالد مابيني وبينه شي ,,وتركتها وطلعت,,,.......................................... .................. بعد ماراحت ريم,,نوف صدقت كلامها حست انها ماتكذب ,,بس ماغيرت رايها ..يكفي سمعت كل شي باذني,,حالد يحب ريم مايحبني.. يمكن ريم مالهاذنب,, بس خلاص خالد انتهى من حياتي محطه وقفت,............................................. ..................... في بيت ابوخالد.. ام خالد::والله مدري وش اقولك كلم ابوك ؟؟ ::يمه اخاف ابوي مايوافق ابيك انتي تكلمينه؟؟؟ ::بصراحه بهالشي مالي شغل بينك وبين ابوك تفاهم معه.. ::يمه ضروري ارد على الولد قلتله اسبوع وارد لك.. ::طيب توكل على الله وقول لابوك ؟؟؟؟؟ نايف هو يمسك شعره يفكر شلون يكلم ابوه ,,لازم اكلمه انا حلمي يكون عندي معرض سيارات ,,قام وطلع وهو حازم انه يكلم ابوه بأقرب وقت.... |
|
|
|
|
08-11-2008, 10:25 صباحا
|
#25 (permalink) |
|
ضوء سوبر ماسي
|
بعد مرور اسبوع....
دخل عليهم شهر رمضان ..خالد اشتاق لامار اسبوع ماشافها ,,قرر يروح يشوف اخرتها معها,, ام فهد كانت مستغربه من جلست نوف اسبوع..بس نوف تصرف قايله لها ابي ارتاح عندكم ,, ولامار تسأل عنه على طول ةتبكي تصرفها مرات ومرات تصرخ عليها............................................. ................... في بيت ابوفهد,, يرن الجرس الساعه 11,, استغربت نوف مين جاي هالحزه ولابذات ا الناس رمضان,,طلعت تفتح الباب تشوف مين,, وتنحت يوم شافت الي دخل قبل لاتوصل للباب خالد وهو مبتسم::عارف مافيه احد اللحين يفتح الباب الا انتي,, نوف هنا لفت ومشت ماتنكر يوم شافته حست بفرحه شي بداخلها غصب عنها تكره مشاعرها الضعيفه قدامه ,,صرخ خالد::نوف لما اكلمك لاتلفين وتعطيني ظهرك ,, نوف لفت عليه وقالت::اوه سوري خالد تفضل حياك.. خالد بخاطره لازم امسك اعصابي عشان اقدر اتفاهم معها::طيب ماودك ندخل المجلس ترى الشمس احرقتنا,, نوف وهي تدخل::حياك وبخاطرها احسن خليني انهي كل شي واقوله قراري.. بعد مادخلوا ,, خالد بشوق::وين لامار؟؟ نوف برود::نايمه,, خالد:: اها طيب نوف انا خليتك اسبوع عشان تهدين واكلمك ونتفاهم؟؟!!!!! نوف بنظره بارده مصطنعه::وش تكلمني فيه؟؟ خالد ملاحظ برودها ::ابيك تنسين هذاك اليوم؟؟؟؟؟؟؟؟؟؟؟؟؟!!!!!!!!!!!!!!!!!!!!! نوف وقفت وهي تقاوم دموعها وبنبره حاده::انت وش شايفني لعبه عندك ,,ولاوحده ممسوحه كارمتها,,متى مابغيت قلت لي انسي ,,كلمه تقولها سهله ,,بس لاياخالد الي مايبيني مابيه,, خالد وهو جالس على الكنب وكتف يده ::يعني والحل؟؟ نوف وتحس لسانه ثقل::طلقني؟!!!!!!!!!! خالد وهو يفتح عيونه على الاخر::نعم وش قلتي؟؟؟؟؟ نوف بأصرار::ياخالد انا مابيك طلقني؟؟؟؟؟ خالد وهو يريح نفسه على الكنب ::دوري غيره لاني ماراح اطلق؟!!!!! نوف بعصبيه ينرفزها متناقض مزاجي بس خلاص الى هنا وبس::وشتبي بوحده انت ماتحبها ولاتبيها وكملت من ورى قلبها طبعا,,وهي بعد صارت ماتحبك ولاتبي قربك يعني الشعور متبادل انا صرت اكرهك عفتك فاهم,,, خالد حس كلامها جاه بالصميم حس شعر جسمه وقف::طيب انتي تكرهيني براحتك انا ماكرهتك وارجع واقولك طلاق مافيه,, نوف وهي تحس ماتقدر تكمل معه ::ياخالد اذا خايف على رجولتك انك طلقت بنت عمك ويزعلون فلا تخاف بقولهم انا الي ابي الطلاق ولا راح اقولهم وش السبب,,,,, خالد هنا نط الشرر من عينه وقف قدامها::رجال غصبا عنك تفهمين؟؟؟؟ نوف هنا خافت يوم شافته يمسك ذراعها بقوه::طيب فك يدي كمل خالد وهو للحين ضاغط عليها وعيونه احمرت من العصبيه::ولا الي في بطنك ماثبتلك هالشي؟؟؟؟؟؟؟؟؟ نوف وندمت على كلامها ودموعها خانتها::خالد تبي تعذيبي زياده ياخالد انا وانت مانصلح نعيش مع بعض انت ماتحبني طلقني وارتاح وريحني.. حالد فكها وصد عنها وده يمسح دموعها بيده ::نوف اسمعيني,,صحيح انا كنت ناوي اتزوج ريم ,,وكنت احبها,بس عطيني فرصه و اثبتلك اني بتغير؟؟ نوف وهي تحط عينها بعينه بنظرة عتب:: الحين اعطيك فرصه يوم شلت الامل من ريم.. خالد وفعلا مايبي يخسر نوف قال برجى::نوف عطيني فرصه وماراح تندمين عشان لامار وعشان الي بطنك؟؟؟ نوف وخايفه تنجرح اكثر::خالد اسفه ماقدر طلقني ؟؟ خالد عصب ::نوف انا بطلع وفكري على اقل من مهلك وطلاق مستحيل لو تعيشين بجحيم طلاق مافيه سامعه ,,وطلع وتركها............................. طلع خالد وهو معصب ماقد عصب كثر هاليوم ,,من جدها تبي الطلاق ,,والله لوايش ماطلقك يانوف ,,انا مابي اطلقها............................................ .................... نوف اول ماطلع جلست على الكنب ,, تحس بشعور حلو ودها تشيله,,لان خالد اصر مايطلقها..بس هو مايحبك...بس عشان عمي وابوي مايبي يطلقني,,ولاهو مافكر فيك ابد..اقنعت نفسها ,,وقراري لوايش ماغيرته........................................... .......... في بيت ابو خالد.. دخل نايف عند ابوه بالغرفه,,كان توه مخلص قرايه من القران ,,وهو يبوس راسه::تقبل الله طاعتك.. ::اجمعين.. نايف وهو يجلس بالكرسي قابل ابوه ::يبه بغيت اكلمك بموضوع ؟؟ ابوخالد حس ان ولده جادلانه حك راسه وهو مايحك راسه الي يبي شي::خير وش موضوعك؟؟ ::يبه اتفقنا انا وصديقي نسوي لنا مشروع؟؟؟ ::مشروووع؟؟ نايف مارتاح لتعابير وجه ابوه::ايه مشروع ان شاءلله مضمون وناجح,, ابو خالد::وان شاءالله وش مشروعه؟؟ نايف عصب بداخله حس ان ابوه مو عاجبه كلامه::معرض سيارات!!! ابو خالدوهو واثق بولده وعقله تجاري وذكي بس قال//بدري عليك تسوي لك مشروع وماعندك خبره كافيه لهاالشي؟؟ نايف برجى::يبه انا مو لحالي بيكون معي محمد وهم عندهم خبره وانا بكون شريك معهم ,, ابو خالد مرتاح ومطمن لكلامه بس فيه شي بداخله يرفض::ولو توك على المشاريع عظامك طريه؟؟ نايف::ليش يا يبه؟؟ ابو خالد::خلاص يانايف انسى الموضوع مشروع مافيه.. قام نايف وطلع وهو مقهور يحس تحطم كل احلامه الي بناها,,يعشق الشغل والمشاريع من هو صغير دايم مع ابوه,,يحس انه ادمن ويبي يكون له مشروع لحاله,,وحلمه يكون معرض لسيارات....................................... طلع وبوجه رهف وحست انه متضايق لحقته وقفته::نايف شفيك.. مامداها تكمل صرخ عليها::وخري عني مو فايق لك ولاابي اجرح صيامي,, تركته وهي مستغربه,,مو بالعاده نايف يعصب ,,دايما ياخذ كل شي بمزح,,بس اكيد فيه شي قوي خلاه يعصب.... ::يايمه اقولك رافض يقول توك مو قد المشاريع,, ::خلاص مولازم نايف للحين حاط امل ::يمه والله ودي يكون لي معرض سيارات وبعدين مضمون بكون ناجح يمه اقنعيه وخليه يعطيني راس لمال........... ام خالد اقتنعت كسر خاطرها::خلاص بكلمه لك ::يمه وش تنتظرين كلميه اللحين,, ::خلاص وعد اكلمه اليوم ....................................... ____________________________ بعد ماطلعت نوف من المجلس انصدمت من امها الي سمعت كل شي,,, ::نوف طلاق مافيه شيليه من راسك؟؟؟ نوف وبدت تبكي::يمه هو كان عايش معي بس تفكيره عندها يمه هو مايحبني من بداية زواجنا مايتكلم معي وعلى اتفه شي يعصب ومعاملته بارده لي وانا حاولت معه بالطيب بس مانفع كملت بقهر تدرين ليه؟؟لانه يحبها ,,ليش ارجع له هو مايحبني ارجع اعيد الي فات ,, ام فهد مو عاجبها حال بنتها مارتاحت لا بالاول ولابالثاني::يابنتي كل زوجين بينهم مشاكل وصدقيني الرجال يجي بالكلمه الطيبه.. نوف وهي للحين تصيح رمت نفسها على امها تبي ترتاح ::يمه والله حاولت معه ولا اكثر من مره خلا ص ماقدر اعيش مع واحد يحب غيري,, ام فهمت وهي تضم بنتها::يابنتي محد بيرضى بطلاقك واولهم ابوك.. نوف وهي ماتتخيل ترجع ::يمه مستحيل ارجع له خلاص هذي حياتي انا مابي احد يدخل تكفوووون وطلعت .................................................. ..................... في بيت ابو خالد :نايف وهو طالع من البيت وهو متضايق ومتكدربعد ماعرف من امه ان ابوه رافض وقفه صوته وهويناديه::هلا يبه,, ::خلاص فكرت وانا موافق على المشروع.. نايف بفرحه::الله يطولنا بعمرك يبه ,,ان شاءالله اعوضك باذن الله ::انا ماهمني كثر مايهمني انك تنجح وتتوفق..وانا واثق فيك يانايف نايف ويحس انه بيطير من الفرحه::تسلم يبه وربي يخليك لنا,, ابو خالد فرح لفرحة ولده::بس اهم شي تتفقون مع واحد ثقه,,, ::اكيد يبه محمد مضبط كل شي مع اخوانه وبنتفق مع واحد من المانيا .................................................. .......................... __________________________________________________ ___________ انتشر خبر زعل نوف وخالد بين عايلتهم.. بس بدون ما يعرفون السبب ,,الا ام فهد,, وحاولوا يتدخلون,,بس خالد قال اتركوني انا بحل مشكلتي ولا ابي احد يتدخل فيني..خلكم بعيد عنها,, _________________________________________ بعد مرور شهرين,, نوف للحين عند بيت اهلها,,ابو فهد مو عاجبه وضع بنته ,,وكان دايم يكلمها ابوها,,تصرف ابوها تقول اتركوني ارتاح عندكم اللحين وبعدين يصير خير,, خالد كان تقريبا شبه يومي يزورهم عشان لامار,,ونوف ماتطلع له,,,,... في بيت ابو خالد.. يوم الخميس صحت ام خالد من نومها وتحس صدرها ضايق ,,تعوذت من ابليس وصلت ركعتين ,,واستغفرت ربها وارتاحت شوي ,,بس ماسرع مارجعت لها الضيقه,,,,,,,,,,, نزلت رهف وسلمت على امها وجلست لاحظت امها سارحه::يمه وشفيك ؟؟ ام خالد ::سلامتك مافيني شي,, رهف::اكيد يالغاليه.. ام خالد وتحس شي كاتم عليها::انتي وش عندك صاحيه بدري.. رهف::والله مدري كيف صحيت بدري مع اني مانمت الامتاخره.. ام خالد بخاطرها الله يستر من هاليوم::اخوانك ماصحو؟؟ رهف:خالد نايم,,ونايف مو بسريره ونواف موجود؟؟ ام خالد تذكرت فرحة نايف::ايه نايف طالع من الصبح عنده شغل ومبسووط قربوا يخلصوا اتفاقهم بالمشروع ويبدون فيه؟؟ رهف::الله يوفقه,,وكملت::يمه نوف وخالد الى متى بيبقون على كذا؟؟ ::والله مدري هذي نتيجة الزواج بغير قناعه,, رهف::بس تتوقعين و ش السبب؟؟ ام خالد وهي تتذكريوم كانوا نايمين عندهم وبعدها صحت ومالقتها ومن بعدها وهي عند اهلها حست ان السالفه فيها ريم::الله العالم شي بينها وبين خالد وان شاءالله بتحل,, رهف::يارب يحلون مشكلتهم احس شي نلقص مهما نجتمع............................................. .. في بيت ابو فهد.. كلهم مجتمعين بعد ماتغدوا وخلصوا ,,ابو فهد بحزم::نوف شيلي اغراضك بوديك للبيتك !!!!!! نوف ناظرت ابوها بخوف:________ ابو فهد::بسرعه يانوف جهزي نفسك؟؟ نو ف ودموعها نزلت لانه تعرف ابوها لاحط شي براسه قربت لعنده ومسكت يده برجى::لايبه تكفى الا هالمره خلني على راحتي ,,, ابو فهد كسرت خاطرها حس ان بنته مجروحه::يابنتي عاجبك حالك صارلك شهرين هنا خلاص مايصيركذ,, نوف برجى::يبه الله يخليك ,,تزوجت ابو محمد باختيارك وماعارضت,,وخالد نفس الشي ,,هالمره لاتحرمني من راي انا الله يخليك يبه,,,, ابو فهد وهو يهديها بيده""طيب وش الي ريحك يابنتي؟؟ نوف بحزم وهي تمسح دموعها::الطلاق يبه ابي اتطلق!!! ابوفهد بهدؤء::نوف طلاق ماراح ارضى لو انا ماحبك ومابيك كان قلتلك تطلقي,وطلع وتركها,,,,, نوف شايله من راسها انها ترجع له مهما يصير ,,وقامت وهي تقول الحمدالله عدت على خير............................................... ............... _________________________________________ في نفس الوقت في بيت ابو خالد,, نزل خالد من الدرج وهو يركض برى طالع وماعليه لاشماغ طالع بقميص النوم ,,ولاحتى سلم على امه ولونه منخطف,, خافت ام خالد ورهفا وناظروا بعض............................................... .................................................. ..... نهاية الجزء الخامس عشر’’ |
|
|
|
|
08-11-2008, 10:27 صباحا
|
#26 (permalink) |
|
ضوء سوبر ماسي
|
الفصل السادس عشر والاخير..
خالد كان بالسياره والخوف والقلق شل مخه ,,يارب يكون بخير,,الله يستر حادث ,,حادث يارب تجي سليمه,,نزلت دمعه غصب عنه,,شلون ماتنزل ,,هذا اخوه ,,اخوه نايف,, نزل للمستشفى هو مايدري وين وقف سيارته توقيفته صح ولاغلط,,دخل للمستشفى وهو يركض ,,وسأل عن الحادث ,,حس من وجه صاحب الاستقبال مايبشر بخير ,,دخل داخل شوي ,,انقبض قلبه يوم شاف سرير مليان مغطى دم ,ومايبان من هذا الشخص شي,,مر السرير من عنده بس طنشه ولافكر يسأل هذا مين؟؟.,مشى خطوتين عنهم وهو مثل الانسان الضايع,, بس وقفه صوت الدكتور الي عرف ان هذا الي سأل عن صاحب الحادث,,تكلم الدكتور وهو يأشر على السرير الي شافه:::انت اخو نايف ال,, خالد هنا تمنى يموت بمكانه ولايسمع الي قاله الكتور::انت مومن وهذا شي ربي كاتبه لناو كلنا على هالطريق,,بدون شعور مسكه وهزه بكتوفه وهو يصرخ ::مين تقصد اكيد غلطان,,!! :اذكر الله وهدي صرخ عليه خالد ::قول مين,, ::نايف سعد ال,,,,رنت الكلمه باذن خالد كم مرهو معها صورت اخوه ..اخوي نايف ماصدق , نايف اخوي مات شلون ,,سمع الدكتور يقول حادث ومادري ايش ,,مشى تارك كلام الدكتور وراه وقف عند السرير وقف شعر جسمه,,من شكل الشرشف هو مليان دم,,معقوله هذا اخوي ,مايبي يصدق ,, مد يده بصعوبه وهي ترجف فتح الغطاء عنه شاف الحقيقه المره الحقيقه الي لازم يرضى فيها شي مو بيده شي بيد الخالق سبحانه شي كلنا خاطين دربه ,,شاف نايف نفس ماهو كأنه نايم بس مغطى بدم,,نزل له وباس جبهته ,,ورجع غطى وجهه ,, (يأيتها النفس ارجعي الى ربك راضية مرضيه) طلع من المستشفى وهو مايدري وين يروح وقف يمكن ساعه عند باب المستشفى ,جواله كان يدق ,,بس مو معه ,,من قوة صدمته بأخوه ,,مانزلت منه دمعه ,,يحس جوفه محفور وجع ,,يبي اخوه............................................. ام خالدتروح وتجي في مكانها ,,خايفه من صحت اليوم الصباح وهي حاسه بيصير شي ضايق صدرها,,رهف تحاول تهدي بأمها::يمه اذكري الله ان شاءالله مافي شي؟؟؟ ام خالد وهي تفرك بيدنها من خوفها::خالد طلعته مو طبيعيه ونايف تأخر وجواله مقفل!! رهف وحست فعلا فيه شي من كثر خوفها يأست وبكت وهي تقول::يمه لاتخافين ان شاءالله اخواني مافيهم شي.. ام خالد دايم احساسها مايخونها ضمت بنتها ماتدري تهديها ولاتهدي نفسها,, ابو خالد يحس كل شي بداخله يرجف::اذكر وا الله انا طلع اصلي وبروح اشوف وينهم,,, طلع ابو خالد من هنا ,,وماصارت دقيقتين ,,الا خالد داخل من هنا والحزن مالي عيونه ::خالد وينك وشفيك طالع كذا فيه شي,, خالد جلس على ركبه بقلة حيله على طول جلست امه على مستواه والخوف اكل قلبها زود::يمه انتي مومنه بقضاء ربك و مامداه يكمل قلبها انكمش وصرخت وهي حاطه يدها على اذنها :: لاتقول نايف ولدي مات,, خالد ضم امه بقوه::مات يمه مات بحادث ,, ام خالد صارت تصرخ ::لا ولدي نايف مامات ابي اشوفه ماشفته اليوم ..انت تكذب علي ياخالد ,البارح كان يضحك ومبسوط ,,كيف تقولي مات كيف,,رهف في مكانها صارت ترجف ودموعها تنزل بدون وقوف وعلى لسانها نايف اخوي ,,اخوي ,, خالد اشر بيده لرهف الي واقفه جنبهم ترجف ضمها وضم امه وبدون دموع::ادعوا له بالرحمه هو يبي دعائكم ,,............................................... انتشر الخبر بالعايله الي كان خبر مثل الصاعقه عليهم خبر مفجع..الا شخص واحد الى الان مايدري ,,نزل توه صاحي من النوم من بعد ساعتين ,,شاف امه منسدح على الكنب ومغطيه وجهها مو باين منها شي,,وجنبها بالكنب الثاني ام فهد,,قرب وسلم على ام فهد بعد ماتغطت,,,, استغرب شلون امه نايمه وعندها ام فهد ::يمه شفتي ولدك الخاين من صار عنده مشروع نساني اتصل عليه مقفل جواله,, ام فهد هنا ترحمت لحاله لانه مايعرف نزلت دمعتها؟,,,,,, ام خالد على وضعيتهاقالت بحزن ودموعها تنزل ::نايف راح يانواف ؟؟ نواف خاف من شكل امه قال وهو يضحك ومايبي يحط الي جاء في باله::الله يهديك يمه ادري رايح؟؟ ام خالد هنا على صوتها ببكى::لا راح يعني خلاص ماعد نشوفه خلاص راح نايف ماعد يرجع,,ام فهد وهي تضمها::تعوذي من ابليس واذكري الله ,, نواف عيونه مره تجي على خالته ومر على امه وكل الي في ر اسه وش يقولون وش يعيني راح بلع ريقه:يمه كيف يعني ماشوفه؟؟ ام خالد بصوت واطي::يعني مات؟!! نواف حس الكلمه قويه بس ماستوعبها تركها وطلع............... ام فهد وهي تمسح دموعها لحال ام خالد::يأم خالد اللحين يبي منك الرضا والدعاء,, ام خالد وصوت نايف وضحكته وصورته بين عيونها وباذنها وبجوارحها ,,ولدها ضناها وهي تبكي بكى يقطع القلب::كان مبسوط البارح ,,البارح بالليل جالس عندي هنا وفرحان لان مشروعه بيبدا ,,راح ولاتهنى فرحته ,,وعلى صوتها:راح ولدي راح نور البيت,,,,, ام فهد ماكان منها ردة فعل الاانها ضمتها لعل وعسى تخفف منها ,,مع انه صعب التخفيف شلون تقدر تخفف لها عن موت ولدها........................ في غرفة رهف,, ::رهف حبيبتي الله يخليك خلاص الدموع ماتنفع,, رهف وهي تشاهق من البكى::نوف ابي نايف الله يخليك خليه يرجع راضيه يقول الي يبي عني بس يرجع والله احبه,,هو دايم يقول ادري انك تموتين فيني ,,ابي اقوله ايه انا اموت فيك انت اخوي وتاج راسي.. نوف ماقدرت تكتم عبرتها شهقت تبكي من كلام رهف الي يقطع القلب ومن فقدان عزيز لهم::استغفري ربك وهذا يومه ,, رهف للحين تبكي دخلت نفسها بهدوء بالفراش وغطت نفسها,, لامار وهي تناظر وتشوفهم يبكون كلهم وبكت ::ليس تسهون(تصيحون) نوف ::اص حبيبتي رهف تعبانه و نامت ,, لامار على طول سكتت, جلست نوف تقرا قران عليها لانها خافت تنام وهي متضايقه مو زين لصحه النوم على زعل اوضيقه....................................... اليوم الثاني,, بعد ماصلو عليه كان المسجد مليان رجال,,من كبار وصغار وشباب,,نايف كان محبوب من الكل معروف,,بروحه الحلوه,,كانوا كلهم متفاءجين بموته,,وحزنوا عليه وحزنوا على حال ابوخالد الاصوت بكاءه مالي المكان,,, من بعد ماطلع من عند امه طلع يمشي ولايدري هو بأي شارع ولاهو وين,,,وكأن عقله مو معه,,كل الي يقوله وهو يضحك ,,امي تبكي وتقول نايف مات ..وضحك زياده يوم تذكر جارهم اول ماطلع وهو يقوله عظم الله اجرك,,نزلت دموعه وهو يضحك,,ليش يانايف ادق عليك مقفل جوالك انا اوريك لارجعت,, هذي حالته من امس الى اليوم ا لظهر ,,مافيه شارع بالرياض مادخله ,,وكل الي على لسانه,,نايف,,مايبي يصدق ,,الناس من حوله تشوفه وتهز راسها على حاله ,,يضحك ويبكي ويتكلم بنفس الوقت.......................... __________________________________________________ _________________ ام خالد بنفس وضعيتها من امس ونفس مكانها ,,موحاسه بالعالم الي يدخلون يعزون ,,ومعها ام فهد الي ماتركتها لحظه وحده,................. عند الرجال,, ابوخالد يستقبل الي يعزون ودموعه ماجفت ,,وحتى ابو فهد بهاللحظه صار مثل الطفل يبكي حزن على نايف وفهد مو اقل حال منهم,,,خالد كان هو الوحيد الي صامد كان وده يبكي فيه وجع رهييب بداخله وجع بجوفه ,,فيه الم قوي على فراق اخوه ... فهد عقد حواجبه وهمس بأذن خالد::وين نواف من امس ماشفته,,, انعصر قلب خالد وتذكر انه من توفى نايف ماشافه ,,صحيح احنا شلون نسيناه من امس مادري عنه ,,تذكر شلون نواف متعلق بنايف بشكل مو طبيعي ,,خاف شلون كانت ردة فعله يوم عرف.::خلاص فهد انا بروح اشوفه بغرفته وانت اتصل عليه................................. في احد احياء الرياض,, جالس على الرصيف على نفس حالته,, ::اخوي محتاج مساعده,, رفع راسه::ايه نايف اخوي مقفل جواله,, الرجال مشكك بحالة نواف::انت وين ساكن,, نواف ضحك::اقوله اكلم نايف يقول انت وين ساكن ,, الرجال::طيب جواللك رد عليه,, نواف ناظر الشاشه مايبي يرد مايبي يسمع يخاف يقوله عظم الله اجرك مثل جارهم::مابي ارد بيقول عظم الله اجرك,!!! الرجال وعرف ان الولد مصدوم من خبر وفاه سحب الجوال من يده الي كان يرن بشكل مزعج,, ::مرحبا اخوي,, فهد استغرب الصوت::هلا والله هذا مو جوال نواف ... ::ايه وسرد له الرجال سالفة نواف انه من امس جالس ويتكلم بأسم نايف,, فهد خاف واخذ العنوان منه وعلى طول طلع وحرك سيارته متوجه له................................................ ... بهالوقت دخل خالد من الباب الخلفي وطلع لفوق ,,طلع يشوف نواف ,,موجود بغرفته اولا,,وقف بمكانه يوم شافها,,شاف مصدر الحنان ,,بدون شعور رمى نفسه عليها وضمها بقوه,,كأنه يستنجد فيها,,كأن يقول ريحني,,وخري الوجع الي فيني ,,بكى ,,واخيرا نزلت دموعه تعب هو كابت من امس ,,وبكى وهوضامها ويقول::نوف نايف اخوي مات هو ماتهنى بشبابه يانوف,, نوف كانت مصدومه من شكل خالد اول مره تشوفه كذا ,,ماتحملت تشوفه كذا ,,صاير مثل الطفل الصغير وهو يبكي ضمته وهي تمسح على شعره ودموعها تنزل::خالد لاتبكي لازم تكون اقوى من كذا نايف اللحين يبي منك الدعاء والرحمه,, خالد وهو يبكي::اه يانوف انا محتاجك لاتتركيني قالها وهو يجلس على ركبه ,, نوف جلست على مستواه وهي عارفه قاله هالكلام لانه يبي صدر يضمه ناظرته وهي تشوفه شلون منزل راسه لركبته ويبكي,,صارت تسمي عليه وهي تمسح على شعره بدون شعور حط راسه على فخذها وغمض عيونه يبي يريحها ماغمض له جفن من قاله الدكتور نايف مات ,حس انه ارتاح غمضها وده مايفتحها ولايتحرك من مكانه,,نوف كملت وهي تقرا عليه وتسمي مع ان المكان مايسمح اوبألاحرى غلط بس ماحبت تقومه حست انه ارتاح............................................. ... وصل فهد بعد عناء الزحمه والعنوان بعيد عنهم,,عقد حواجبه وهو بالسياره ,,استغرب شاف شلون الناس متجمهره,,نزل وبعدهم وشاف شلون نواف يضحك ويتكلم بأسم نايف,,قرب له فهد ويحس وده الارض تبلعه ولايشوف نواف كذا::نوف وشفيك,, التفت له نواف::فهد انا اتصل على نايف جواله مقفل؟؟!!! قرب فهد له وهو يبيه يفوق ويرضى بالواقع::نواف نايف مات خلاص نواف ضحك وهو يقول::سمعتوا وش قال يقول نايف مات مجنون فهدههههههه,, ماحس الابكف قوي على وجهه::اصحى يانواف نايف مات.. نواف ونزلت دموعه::_____ فهد::يانواف مايصير تسوي كذا بنفسك لازم تكون قوي ,,,قرب له فهد وضمه نواف بعد ماستوعب وصار يبكي بحضن فهد............................................. ____________________________________ بعد مرور شهرين في بيت ابو خالد كانوا مجتمعين كالعاده,,اتفق خالد مع رهف انه يقابل نوف ,,وفعلا دخلتها لغرفتها,,واتصلت على خالد وقالت له يدخل ,, نوف كانت جالسه على كرسي رهف وبيدها الجوال وتقلب فيه ,,وبخاطرها اشتقتله ,,من وفاة نايف ماشفته,,الى متى بظل على هالحال ,,متى يطلقني واخلص,,واكيد اذا طلقني بنساه.......... ::وش فيه سرحانه.. فرح قلبها لصوته وقفت ودموعها حايره بعيونها::خالد,, بأبتسامه::وش تشوفين قدامك؟؟ انتبهت على نفسها ومرت من جنبه بتطلع..بس كان هو اسرع منها وسكر الباب واخذ المفتاح منه::وين تبين تهربين حرام عليك شهرين وماتبين اللحين تسأليني طيب ولا مو طيب,,, نوف تناظره ودها تقوله شلونك خالد ولله مشتاقتلك بس هي ماتبي تضعف هي تبي الطلاق::خالد متى نخلص من موضوعنا خلاص ابي اخلص طلقني؟؟ خالد سحب نفس ::نوف ليه موراضيه تشيلين الطلاق من راسك.. نوف وهي ماتبي تبكي::لاني عطيتك فرص تقولي اسف وترجع تجرح..بس انا عرفت السبب وانت ماتنلام لانك ماتحبني فاخلاص انا بريحك مني طلقني؟.؟!! خالد وده يذبحها لاقالت طلقني::نوف انا ابيك مابي اطلقك!!! نوف بحزن::انت ماتبيني انت تبي نوف الزوجه المطيعه للزوجها ماتبي نوف لنفسها..؟ خالد عصب::نوف انتي قاعده تفسرين الامور على كيفك!! نوف ابتسمت على جنب::اوه طيب ممكن تفسرلي انت ليش تبيني؟؟ خالد ماعرف وش يرد عليها ,لانه فعلا هو مو عارف ليش يبيها,,وهومايبي يخسرها وبس........... نوف برود جاها غصبا عه من تعابير وجهه::اشوفك مارديت ؟؟ خالد عصب من برودها وقرب لها وحط وجه بوجهها بالضبط::انا مابي اخسرك يانوف سمعتي انا ابيك وبس فهمتيني وطلع المفتاح وفتح الباب وطلع............... نوف خافت منه يوم قرب وجهه وبنفس الوقت ابتسمت للحين تحس بحرارة انفاسه باقيه بوجهها ماودها تروح ::مصر مايطلقني اناني ياخالد................ في غرفة نواف.. ::نواف لازم تشغل نفسك حتى دراستك صرت ماتهتم فيها؟! ::مو راضي يروح من بالي ضحكته صوته كل شي هنا يذكرني فيه انا وياه بسرير واحد كيف انساه والله صعبه,, رهف ::كلنا نحب نايف بس خلاص لازم تمشي الحياه وغلاة نايف بقلب كل واحد فينا ماراح ننساه هذي الحياه يانواف تاخذ منا وتعطينا ,, نواف وهو يبتسم بحزن::يارهف اشتقتله كثير احس اني لحالي بهالدنيا احس مالي احد فقدته والله فقدته... رهف بسرعه وهي تمسح دمعه نزلت منها::انت الي حابس نفسك بهالغرفه اطلع علشان خاطري ارجع نواف الي اعرف قبل فقدت ضحكة نايف مابي افقدك الضحكه اختفت بهالبيت رجعها يانواف علشان خاطري... ابتسم نواف بوسط احزانه عشان اخته ::اوعدك ارجع نواف الي تعرفينه....!! بعد قرابة اسبوعين,, في بيت ابو فهد ابو فهد::ياخالد والله طول هالمده وانا احاول فيها,,؟ خالد::عمي حاول معها انا مابي اطلقها,,انا مليت وابيها ترجع.. ابو فهد قام واستاذن منه ,, |
|
|
|
مركز التحميل 
