هااااااااي
يبتلكم قصة ما منها اثنين .. قصة حب .. اذهلت اصحابها نفسهم .. تابعوها

أول شي بعرفكم على نفسي ..
أنا بنوته .. حبوبة وطيبه وهادئة .. وعلى قولتهم (( في حالي ))
أحب الكمبيوتر أو بالاحرى النت.. وما أقوم عنه الا للحالات الضرورية فقط ..
ومرة من المرات تعرفت على واحد .. كان لطيف وذوق في كلامه ..
عجبني أسلوبه وطريقته في الكلام .. مرت الايام ورا الايام .. وحنا علاقتنا تزيد يوم عن يوم ..
لدرجة أني صرت أفكر فيه كثير ..
ومن الصدف أن حنا في نفس البلد .. لا وفي نفس الحي بعد .. بس بعد ماعرف هالشي.. مارضى يقولي شنو أسم عائلته عشان ما أعرفه..
توسلت فيه.. ليما قالي اهو منو بالضبط ..
وبالصدفه..
طلع ولد جيراننا الوسيم
وأنقز بسرعه من مكاني وأطل من النافذه على نافذة ولد جيراننا الي مقابلة نافذتي..
وفعلاً أشوفه شابك النت .. وشاق الضحكه على الأخير وهو يكتب ..
وأرجع مكاني .. وأنا محتاره أقوله منو أنا ولا أسكت ..
فضلت السكوت على عدم البوح .. لاني ما ادري شنو الياي ..
بس فرحت وايد لما عرفت ان كل الي يكلمني هذي المده .. هو ولد جيراننا الي كنت أستلطفه كثير من وانا صغيره ..
تعلقت فيه أكثر وأكثر ..
صرت ما أنام الليل من كثر التفكير .. ودوم هالسؤال على بالي ..
أقوله من أنا ولا لا....!!!
ومرة دخل..وهو مهموم حده .. قلت له سلامات عسى مافيه شر ...!!
قالي أنا عمري خشيت عنج شي .. عشان جذي راح أقولها لج..
وأتمنى ماتاخذين على خاطرج مني ..تراج عزيزه وغاليه ..
قلت له افا عاد .. أنا الي راح أشيل في خاطري منك ..قول آمر شفيك ..؟؟
قال .. بصراحة .. أنا أحب وحده .. وبعد كم يوم بتقدم لها .. وأنشاء الله أنها توافق..
بصراحة انا احب البنت هذي حب أعمى .. وعشان كذا أخذت على نفسي قسم أني ما اخلي في أميلي اي بنت اذا خطبتها .. من شدة حبي لها والله مو لاي شي ثاني ..
أتمنى أنك تفهمين .. وحطي نفسك مكاني ...
رديت عليه وأنا أواري دمعه نزلت مني .. طبعا شدعوه الف مبروك مقدماً ...
كنت أحترق من داخل .. أحس أن براكين تتفجر في قلبي الصغير ..
حسيت أن الدنيا صارت لييييييل .. ومو اي ليل .. احس النور انقرض من الارض
ماصرت أشوف غير الظلام جدامي.. كلمته ((أحبها)) هزتني ..
حسيت بأيد تدخل صدري وتنزع منه قلبي بقوه ..
أهتزت لهذي الكلمه كل خلايا جسمي ..
بس رددتها له مليون ألف مبروك ألف مبروك .. فرح لردت فعلي ..
قال أتمنى ماتزعلين ولا تشيلين في خاطرك ..
قلت مو أنا الي أزعل .......... كنت بكتبها ((( حبيبي )))
تداركت نفسي وكتب على شخص عزيز وغالي ,,,,
شكرني كثير وودعني .. 15 ثانيه وأشوف نفسي محذوفه ...
آآآآآآآآآآآه ياقلبي ....
طفيت الجهاز من زر التشغيل ..
ماكنت اقدر أطالع شي عشان أقدر أطفيه بالطريقة الصح ..
أنسدحت على سريري ..
أدفن دمعتي الي حاولت تطلع وتعبر عن البركان الي كان بداخلي ...
حاولت أكتمها وأنا اردد ألف مبروك .. الف مبروك ..
لكن وين ..... بدل الدمعة ..... أنهار !!!
جلست على هالحالة أيام ..
أكره النت ..
وأكره كل شي ..
ماصرت آكل ..
ولا أنام
كنت أجلس كثير بالحديقة...
أتذكر أيامنا أول ..
ضحكنا مع بعض ...
وتنزل دموعي على خدي .......!!!
كنت دوم إذا رجعت من المدرسة ...
أنسدح في الحديقة ...
وأسرح بعييييييييد ..
مرت الأيام بديت اتأقلم مع الوضع ..
ولو أن الجرح مازال موجود ..
ودوم أتخيله مع اللي يحبها ....
ياترى كيف شكلها ..!!
حلوه ولا !!
حنونة ولا بتبهدله !!
أتخيل دوم شكلهم وهم مع بعض ..
أكيد يكلمها الحين ..
ويمكن بعد عنها بالبيت ...!!!
ياليتني مكانها ..................!!!!


,,,,,,,,,,,,,,,,,,,,,,,,,,,,,,,,,,,,,,,,,,,,,,,,


في يوم من الأيام .. جاتني أمي في الغرفه وأنا شارده بأفكاري بعيد ..
ووجها يتهلل من الفرح ..
قالت يابنتي ..
اليوم جاء واحد وكلم أبوك جاي يتقدم لك ...
وطالب قربنا ..
رفعت عيوني لامي بنظرات ومافيه غير معنى واحد ... (( هه مستحيل ))
امي فهمت وش كنت ابي اقول من نظرتي قبل اقوله ........!!
قالت يابنتي الولد زين وماينرد .. وفيه وفيه وفيه .. الخ
وبدأت تعدد لي صفاته وأخلاقه ووظيفته المرموقه وراتبة الي يكفي وزياده ..
وأهله الطيبين .....
بس انا ماسمعت من كلامها ولا شي ..
كنت بعيد ..
كنت مع حبيبي الغايب ...........!!!
~~~~~~~~
أصرت أمي علي أني أدخل وأشوف عريس الغفلة ..
مع رفضي التام لهذا الموضوع ...
قلت لها يا أمي اذا بدخل بدخل له بالبجاما (( وعساها تهون ))
قالت بكيفك المهم تدخلين ..
أنا ادري ان قلبك راح يرتاح له ...
وانا في بالي أي يرتاح يايمه ...
بعد الغالي ..
قلبي مايرتاح لأحد ..
أخذ قلبي وراح يايمه راح ..
ليتك بس تفهمين الي بقلبي ...
ليتك تحسين بالي بداخي يايمه ..
بدت دموعي تنزل من على خدي بدون ما احس ..
شافتني أمي جذي أطالعها بنظرات الي ودي تفهمني ودموعي على خدي ...
أمي فهمت أخيراً أني ماني راضيه بالي يصير من حولي .....
قالت لي امي بعد تنهيده قطعت كل الي بقى فيني ..
خلاص ....
راح أكلم أبوك وأقوله عن رفضت ..
أبتسمت أبتسامة باهته ..
فيها شي من التقدير والحب لهذي الأم الرؤؤم ...
تركت كل شي ..
ورجعت لأحزاني وهمومي ..
أقصد غرفتي ..
فيها أدخل بجو ثاني ..
وخاصه إذا قعدت أطالع كل ركن فيها ...

هني على هذا الكرسي كنت أكلمه ..
هني فكرت فيه ..
هني تخيلت انه يطالعني وانا اسوي شعري ...
ودموعي ماوقفت .........!!!!
,,,,,,,,,,,,,,,,,,,,,,,,,,,,,,,,,,,,,

يتبع الجزء الثاني ....

,,,,,,,,,,,,,,,,,,,,,,,,,,,,,,,,,,,,,
تحياتي

ثااانكس كلكم عالمتابعة و انشالله بكمل الجزء الثاني
Part 2
--------------
صحيت اليوم الثاني...
على نور الشمس الي وصل لعيوني ..
بعد ماشفت أن أمي فتحت ستاير الغرفه ..

ناظرتها وانا أفتح عيني بصعوبه .. وأسمعها تقول ..

خلاص ... صار الي تبينه.. أبوج كلم الريال ..
وقالهم عن رفضك .. خلاص كل شي صار مثل ماتبين ...

كنت ساكته واسمع امي وهي تتكلم..
كنت راميه براسي على المخده ..
واطالع بعيييييييييييد .....!!!
,,,,,,,,,,,,,,,,,,,,,,,,,,,,,,,,,,

مرت الأيام ..

وتبشرني أمي بخطوبة ولد جيراننا على الي يحبها طول عمره ...
كان الخبر علي مثل الخنجر بصدري ...

خلاص يعني فعلاً راح .. رااااح ... لا لا .. ماني قادره أصدق ...
الي أحبه طول عمري راح ... طلع من حياتي ..
تلاشي ....لا لاااااااا ...

طحت في غرفتي ..وبعد ساعتين أنتبهت مره ثانيه ..
محد حس فيني ... يمكن ظنو اني نايمه ....

طلبت مني أمي أروح معاها أبارك لأم وخوات حبيبي عشان خطبته ..
وشلون أقدر أروح يايمه ...منعت أي رفض وجهته لها ..
لبست عباتي .. وجر يت همومي معاي ..
وأطالع في بيتهم قبل لا أدخله وكأني أول مره اشوفه ....

سلمت وباركت وأنا أحاول وأجبر نفسي على أني أبتسم ..
لحظات الا امي تقول لامه ...وينه خليني أبارك له .. تراه بحسبة ولدي ....

رجف كل مافيني ..شلون بيدخل ..و بشوفه ..

شلون..

لا ... لا ؟؟

وين أروح وين أبنخش ..

وشلون بقدر احط عيني بعينه أو اطالعه ....

دقايق الا والام يايبه ولدها .. ومدخلته علينا..
وهو يسلم ورد على التبريك ...وانا اطالعه .....
ودموعي تحرق قلبي .. مع كل دمعه نتزل على خدي ..

شوي و انتبهت من غفوتي على همسة أمي لي ..
واسمعها تهمس لي ..شفيج ماباركتي له ...

شنوووووووو !!!!!!

أبارك له ..... من صجج يمه .. قلت لها ..
كنت خايفه تحس امي بنغمة الدموع من صوتي ..
قالت .. ايه شفيج ..
الحين تصرخين عليه قبل شهرين تبينه يمشيكم .. والحين ماتقدرين تباركين له ...
آآآآآآه ياذاك اليوم .. قبل أعرف أن الي يكلمني هو ولد جيراننا بيوم ...

وأمي تقمز لي عشان ابارك له ..
قلت بصوت مبحوح .. وعيوني على الأرض ...
مــــــبـــــــروك محمد
أبتسم .. آآآآآآه يازين أبتسامته .. رد علي ..

عقبالج!!!

هني انا خلاص .. انا وين وانت وين ..
اي عقبالي .. رفعت عيوني وبدون شعور طالعته
بنظرة غضب ممزوجة بحزن ... أنتبهت لنفسي ...

والحمدلله ... ولا كان ..!!!!

شوي الا هو طالع .. واتنهد تنهيدة طويله ..
ألتفت عليها كل من في الصاله..
طالعتني أخته الكبيره ..قالت يؤؤ ؟؟

شفيج...كل هذا تبينه يطلع..!!
قلت : ها .. لا ولا شي بس حر عشان الغطاء !!
شوي الا انا بسريري واراجع كل الأحداث الي صارت ... واهم شي أبتسامته ...!!!

,,,,,,,,,,,,,,,,,,,,,,,,,,,,,

مرت الأيام .. وذاك اليوم ...
انزل الحديقه مثل كل مره .. الا اشوف شي تحت الباب ..
توقعته جرايد مثل كل مره ..بس لونه ماكان لون جرايد ولا حجمه !!
قربت من الباب .. واسحبها ...

(( بطاقة دعوة لزفاف ))

فتحت البطاقه .......!!!!

آآآآآه لا لا ....... آآآآه ياراسي ...
آآآآآه ياقلبي .. الخميس الياي..
مره وحده .. بالسرعه هذي ..

لا لاتستعيل تكفه يامحمد لاتستعيل ..
انتظر شوي ... لاتستعيل على العرس !!!!

لا ....... خلاص يعني ... كل شي أنتهى ..
كل الحلم ضااااع .. ضاع يامحمد ضاع .......!!!!

,,,,,,,,,,,,,,,,

تحججت بمليون حجه عشان ما أروح لعرسه ..
وشلون يبوني أروح عرس الغالي ..

وشلون يبوني اشوفه ينزف لغيري ...
وشلون يبوني أشوف حبيب عمري كله ..
وهو مع وحده ثانيه غيري ..لا لا مستحيل ..
أنتحر قبل أشوف هاليوم .......!!!

~~~~~~~~

رجعت أمي من العرس .. وانا أفر فر بالصالة ..
على نار .. على جمر .. أي جمر .. الا على بركااااان ..!!

دخلت أمي الساعة 4 الفير .. عيوني حمر ..
وويهي متنفخ من كثر البجى... وشعري منكش ..
واللي يشوفني ذاك اليوم ..يتعوذ من الشيطان ..

الحمدلله يوم دخلت أمي .. كنت ساكته ...
مو من شي .. من كثر ماتعب قلبي من الدموع الي جففت جسمي كله وانهكته ..

بس كنت أدور وانا أفكر .. شبيصير الحين .. وشنو أقدر أسوي ...

دخلت أمي .. شافتني جذي...تعوذت من الشيطان ......

(( مو قلت لكم )))

قالت :اسم الله عليج يابنتي شفيج؟؟

قلت : ها .. من التعب يايمه من التعب !!

قالت : تبين أوديج الطبيب؟؟

قلت في بالي .. لو يفيد يايمه ياليت ياليت .. بس شالفايده ..

قلت : لا انا بروح لغرفتي أرتاح .... وليتني أرتحت .....!!!!

~~~~~~~~~~~~~

مرت الأيام .. وراء الأيام ...

وأنا أشوفه كل مره .. وقلبي يحترق على الي أشوفه ..
إذا سمعت صوت سيارته ..ركضت للدريشه.. وتركض قبلي دمعتي ...!!

أشوفه كل مرة .. وأتمنى أني ماشفته ..
أشوفه وهو يدخل مع زوجته .. حبيبة قلبه لبيت أهله ..
أشوفه .. وأبتسامته الي انحفرت في خيالي مافارقة وجهه ...!!

رفضت كل الي يتقدمون .. كل يوم أنام على جرحي ..
وأصحى على جرحي .. آكل عليه .. وأشبع عليه ..

حتى إذا ضكحت .. تذكرت جرحي وحزنت ..
كنت أمنع أي شي يدخل حياتي يسليني ..
كنت مرتاحة بحزني ..على الأقل يحسسني أني قريبه منه دوم ..!!

ذاك اليوم ..

كنت قاعده جبال الكمبيوتر ..... أتصفح في المواقع..
أو بالاصح .. أهيم في المواقع ...

كنت أبي أضيع كل ذره وقت عندي ..كنت كأني وحده معقده ...

كنت أهيم على وجهي في كل مكان ......!!! مو بس النت !!

فجأه .. بدت أسمع أصوات غريبه ...حاولت أميزها ماقدرت ..
طولت على صوت السماعات من جهازي .. نفس الشي ماتغير ؟؟؟

أنتبهت أن الصوت ياي من البيت ...بسرعه نزلت أستكشف الأمر ..!!!!

إلا أشوف أمي وهي تولول وتنادي وبحراره .. ركضت لها يمه شفيج ...

قالت آآآآآه يايمه ... آآآآآآآآآآه يايمه .. الله لا يخوفني عليكم قولي آمين ..

قلت يمه شفيج وقفتي قلبي شاللي صاير ....

تكلمت أمي أخيراً بعد جهد فهمت كلمات من كلامها المصحوب بالونات والآهات ...!!!

حااااااااادث !!!!!

منو مسوي حادث... محمد ......؟؟؟؟؟

لا لا ... آآآآآآآآآآآآآآآآآه .. انا الي الحين يحق لي أقول آآآآآه ..

صرختها بقوة ... أسكتت آهات أمي .....!!!

محمد صار له حادث .. وزوجته معاه ....!!

وشلون بعيش وهو ميت .. شلون بعيش وهو يتألم ..
شلون بقعد دقيقه وانا احسه تعبان .؟.؟
شلون شلون شلون .. مليون شلون كانت في بالي ذيج اللحظه ..

مسكت أمي من جتوفها وصرخت بويها....
مات يايمه .. محمد مات .. يمه قولي غير جذي تكفين يايمه ..

يمه لاتحرقين قلبي يايمه .. يمه جاوبيني بسرعه محمد مات ...

أمي فتحت عيونها .. ماتوقعت ردة فعلي راح تكون بالشكل هذا ....
قالت بصوت مبحوح وهي تمسح دموعها ..
للحين لا .. بس هو وزوجته في العنايه المركزه ...

آآآآآآآآآآآآه الحمد لله يارب ....... الحمدلله يارب .. الحمدلله لك يااااااارب ...

قلتها بصوت ... ركضت وشلت عباتي ..
واقول لأمي يالله بسرعه .. امي بسرعه شالت عبايتها ..
دقايق وحنا في المستشفى ....
----------------------------------
يتبع الجزء الثالث