ملاك الاحساس

السلام عليكم ...وبعد
كتبت لكم هذه القصة واتمنى ان تعجبكم
والقصة تنقسم لاجزاء كثيرة وسابدا معكم بالجزء الاول:

في المدرسة وحدة اسمها مرام كانت من الأوائل ومن اكثر البنات جمال بس للاسف حصل شي ما كانت تتوقع انه حيحصل تبون تعرفوا ايش السبب؟؟؟ نقرأ القصة:

مرام:ماما ماشفتي فين مشطي؟ .امها: لا حبيبتي ما شفته يمكن يكون فوق الطاولة؟ ,مرام:خلاص لقيته طب ماما بسرعة سويلي سندويش اخذها معاي ...اتاخرت.امها: من عيني.
بعد ما اخذت السندويش راحت تاكل فيها في السيارة ,بعد ما وصلت المدرسة ودخلت الفصل
مرام:هاي girls كيفكم؟ شكلوا الابلة غايبة...احسن ناخذها فراغ ضقت مذاكرة صراحة.
وحدة:لا لاتخافي الابلة هذي ما تغيب ابد الا اذا حصلت معجزة ومرضت,هههههههههههههههههههه الكل يضحك .
دخلت الابلة وشرحت وخلصت وجات حصص كثيرة وخلصت بسرعة وعند نهاية الدوام
مرام خرجت تستنى السواق بعد ما حا السواق رجعت البيت وسلمت على امها واتغدت و اخذت دش ودرست و زي عادتها الساعة ثمانية تجلس عالانترنت وتدردش مع صحباتها الا في الايميل تلاقي رسالة من احد ما تعرفه فتحت الرسالة ولقت مكتوب فيها :

	كيف الحال...مرام كيف عرفت اسمك صح؟ انا اقلك كيف انا مرة شفتك وانتي خارجة من المدرسة لما جيت اخذ اختي وشفت جمالك قلت في نفسي مين القمر هذا لازم اعرف بس وعرفت من احد اسمك وانك من الاوائل وعمرك18 وتحبي القطط اكثر من اي حيوان في العالم وتحبي السباحة واعرف اشياء كثيرة اذا تبغي تعرفيني اسمي سامي وعندك ايميلي هذا رقمي (************) حبي لك

.
استغربت مرام كيف يعرف كل هذا وكيف عرف الايميل.طيب بعدين ضافته في الماسنجر عندها وهو كان متصل
سامي :هلا هلا مرام كيفك؟
مرام :تمام والمهم مين انت ؟؟؟؟ ليش تبغى تعرفني؟؟؟ ليش؟؟؟
سامي:ليش انت تقولي ليش؟؟!!! عشان جمالك الي تحسدك عليه كل الناس ابغاك تعريفيني مثل ما انا اعرفك الحين اساليني اي شي تبين تعرفين عني.
مرام:قلي كل شي, عمرك ايش تشتغل,هواياتك,كل شي.
سامي :طيب عمري هو24 وادرس محاماة هوايتي التصوير طولي165 ابيكي تحبيني مثل ما انا احبك .
مرام:طيب بس لازم اشوفك اعرفك من قريب مو انترنت وبس.
سامي:اوكي ايش رايك اجي امر اخذك من المدرسة بعد الدوام؟
مرام :ما ينفع ايش حقول لامي؟
سامي :قوليلها انك خارجة مع صحبتك بيتها عشان تذاكري... اكيد حترضى.
مرام :خلاص طيب باي اتاخر الوقت علي بكرة دراسة.
سامي:لا تنسي باي.
وفي اليوم الثاني راحت مرام لامها وقالتلها انها رايحة بيت صحبتها بعد الدوام عشان تدرس للاختبار والام صدقت وقالت طيب,راحت مرام المدرسة وهي متوترة وخايفة ايش الي راح يصير معها ؟
عند نهاية الدوام خرجت من المدرسة تشوف وين سامي الا وسيارة تدقلها بوري وراحت عنده ودخلت السيارة و ...
وبعدين انشاء الله تقرؤوا ايش حصل مع مرام
الى اللقاء

الغيــــوره

تسلم اخوي على هذى القصه
وننتظر التكمله