شات محادثة شات كتابي كتابية عربية شات كويتي العاب بنات شات اضواء الكويت محادثة شات المارينا مول شات سعودية شات بنات شات شات عربي شات سعوديين شات سعودي العاب محادثة
برامج قصائد شعرية افلام يوتيوب

صمـــ الجروح ـت · 04-07-2009, 11:32 PM

تأخرت عليكم بس عذروني ما صار عندي نت في الماضيه
وما بطول عليكم الحين بنزل البــــ10ــارت

صمـــ الجروح ـت · 05-07-2009, 12:09 AM

البــــــــــــــــــــ10 ـارت
<طبعا أكيد الكل يبي يعرف الصوت شنو..؟و أحلام والباقي شصار معاهم>
&
&
&
&
&
الصوت كان صوت وحده من الألعاب الناريه <المفرقعات >اللي صوتها قوي خاصه بحي هادي مثل حيهم....
OOOoo المهــم ooOOO

من الخرعه والخوف أحلام مشت لأقرب وحده قدامها ومسكت أيدها أقصد أيده لأن ما كان قدامها إلا آخر شخص تتمنى توقف جنبه و الــــــ هـــــو (طلال) و هو من انبهاره ظل يناظرهـا وما نطق بكلمه بس أول ما انتبهت وشافت كم ثوب أبيض بلعت ريقها وبحركة سريعة سحبت يدها و طاح الشماغ والعقال على الأرض لأن خاتمها علق بالخيوط اللي بالشماغ أحلام صار وجهها أحمر وحست أن دقات قلبها سريعه و الدنيا تدور وكانت بتستسلم لنوبة إغماء بس وداد اللي كاتمه ضحكتها ما عطتها فرصه وعلى طول سحبت يدها اليمنى وقالت لها ((مبروك حلومه و يالله بلا دلع مدي يدك وسلمي عليه خلاص هو الحين زووووجك))
ولما مسك طلال يدها وهمس
{ألف مبروك يا أحلى أحلام}
لحظتها حست هي بشحنة كهرباء لسعتها وسحبت يدها و على الضوء اللي برق فجأه انتبهوا لوداد اللي تصورهم بالكاميرا وهو ابتسم انحنى يأخذ شماغه وقال [وداد انتظري..أضبط شماغي ]
وصورتهم وهم يلبسون الخواتم وهي تضحك عليهم خاصه و أن أحلام مسكت الخاتم أكثر من مره وطاح من ربكتها وتوترها ولما قدم حسام [أخو أحلام من أبوها عمره 11سنه]العصير بدون ما ينتبه انسكب على أحلام ووقفت على طول أم حسام عطتها مناديل وقالت لها تروح تبدل فقترحت عليها وداد أنها تبدل و تجيب عباتها وهي بتطلع معاهم يتعشون بمطعم و طبعا أحلام بعد اللي سواه فيها خافت وأول ما صارت بغرفتها قفلت الباب عليها و ماردت على أحد...
&&& &&&& &&&

وبنفس الليله كانت اخت ياسر(أم أمل) بترجع لبيتها وراحت معها هدى حتى تساعدها في الترتيب وفي الطريق وهم في السيارة أموله كانت رايقه وفرحانه
و دوخت أبوها من الأسئلة وعشان يرتاح منها قال لها تقولهم أنشوده حلوه وهو بيقول معاها
فقالتأعرف أنسوده بس حالي يقول ما أعلمكم..ماما أقولها..؟)
= أي قوليها
والتفتت على هدى وسألتها (حاله أقول الأنسوده..؟)
[ أي يالله قوليها قبل لا نوصل]
(بابا تقول معاي)
- أي علميني بعدين أقولها معاك
(**هدى قلبي..
هدى عمري..
هدى روحي..
هدى حبي..
هدى حياتي**)<وتقولها بلحن حلو وتكررها..طبعا أمها و أبوها فهموا ليش أمل قالت {خالي يقول ما أعلمكم } الثلاثة أنصدموا من الكلمات اللي قالتها أمل وهدى حست بالحراره من الإحراج خاصة وأمل
تحن على أبوها حتى يقول معاها وهو توهق ومو قادر يرد عليها بأي كلمه خاصه وانها بتلح عليه وماراح يخلص الا لما ينفذ اللي تبيه او تلتهي بشي ثاني و أنقذه من هالموقف صياح [أحمد] المولود الصغير..
اللي انزعج وصحا من نومه وأمها عشان تشغلها قالت:
= أموله خلاص أنا بقول للخاله تاخذ حمودي معاها أنت كل مره تصحينه من النوم ويصيح
(لاااا،حمودي ما يسيح )
وكمل أبوها وقال
- طيب هم ما عندهم صغار نعطيهم حمودي
(لا أحنا عندنا واحد بس يبون يسترون لهم)
= هههههه هههههه
- هههههه.. أقول أموله وصلنا البيت يالله بتنزلين معاي
(لا مع حمـــــودي)
ولما دخلوا فاجئهم وجود ياسر والأكل و الكيك والشموع اللي مجهزهم على الطاولة بالاتفاق مع أبو أمل واحتفلوا وصورهم ياسر كلهم و أغلب الصور لقطات مضحكه و حتى هدى صورها وهي ترتب في المطبخ ومن كثر ما ضحك ولعب مع أمل علقت فيه و أصرت تروح معاه

&&& &&& &&&
طلع طلال لخاله فيصل واللي كان ينتظره في السياره وقلبه يرقص من الفرح..
- مابقيت تطلع كان نمت عندهم
= ههههه وهو حاصل لي وأنا قلت لا... آآآآآخ يافيصل الحين بس بقولك أن عمري بحياتي ما بندم لأني خطبتها هالبنت تدوخ وتسحر الواحد بجمالها..لا ولا الحيا والخجل ما توقعت بعد اللي شفته بالسفر أني بشوف وحده مثل كذا
-أقول لا تدوخ علي أركب..ودق على
وداد لا تأخرنا
ولما ركب قال:
= ما بتأخرك هي بتنام عندهم..ألا أقول هالكيس لمين..؟؟
فيصل يكلم نفسه<أف شيفكني منه الحين
إذا قلت له أنا اللي شغلت الألعاب الناريه....>
- ااااااا..أي هذا لخويي ناسيه
= و خويك ليش شاري ألعاب ناريه
- ااااا بكره بكره أسئله
= أي وقله فاته نص عمره لأنه لوكان موجود الحين كان أنا عطيته اللي يبيه
على اللي سواه لأن المدام مسكت فيني من الخوف بس الظاهر أن خويك حظه مقصر أو وجه مو وجه خير...
&&& &&&& &&&
أبطالنا بهالليله ما ناموا
هدى وياسر عندهم أمل <أم المصايب>
وما خلتهم ينامون و غصب يتابعون معها تووم وجيري...
أحلام بعد ما فشلت محاولات وداد ومنى
في أنها تفتح لهم ومشوا نامت شوي
وحلمت بكوابيس وصحت على صوت نغمة جوال من الكيس اللي قدمه لها طلال...
طلال من فرحته أصر على فيصل يروح معاه البحر...
منى ومنير يتعرفون على بعض أكثر من خلال المكالمات كل ليله...
&
&
&
<<منير إنسان طيب و اخلاقه وطيبته تفرض على كل اللي يعرفونه أنهم يحترمونه ويحبونه لأنه انسان خدوم ويساعد الآخرين و يهتم فيهم وما يحط حدود بينه وبين الموظفين اللي هو مشرف عليهم و اللي من ضمنهم عمار وياسر >>
منى تغيرت حياتها بوجود منير فيها... وأكثر شي عجبها فيه أنه إنسان متفهم ... وفي أثناء مكالماتهم قالت له منى:
- منير..عندي سؤال بس أخاف تتضايق لما
تعرفه..
= و أنا بعد عندي سؤال و...
- عشان نرتاح أسئل و بعدها أنا بسأل..
= ياسر قالي قبل أنك كنت مخطوبه..وو
- صحيح انا كنت مخطوبه لولد عمي وبعد فتره أبوي أوهم الكل أنه خسر كل شي كان يبي يختبره وفشل في الاختبار...يوم كنت عند عمتي وسمعته يكلمها بصوت عالي وهي تحاول تهديه حتى ما أسمعهم وسمعته يقول:{خليها تسمع أنا ما أخذ وحده عرجه الناس كلها تطالعني لما أمشي معها بالشارع أنا كنت باخذها عشان فلوس أبوها المخرف اللي ضيع كل شي بغبائه لكن الحين ما أبيها يعني ما أبيها }
ولما طلع وشافني عند الباب أنبهر ووقف مكانه وما تحرك إلا لما اختفيت ولما تأكد من عمتي أن اللي شافها أنا غير رأيه وبالليل اتصل على واعتذر على الكلام اللي قاله كان يظن أني بسامحه و أنصدم يوم قلت له (لو أنت آخر رجال ما وافقت عليك)
وبعدها أعلن للكل أنه هو اللي ما يبيني و نشر الخبر ومعاه أشياء تسيء لسمعتي و ما هتم أني بنت عمه و حتى عمتي ما سلمت منه قال إن أنا وهو نتلاقى في بيتها ولما كذبت كلامه قال أنها تتستر على بنت أخوها..
= وهو ليه قال عنك كذا..؟؟
- كان يفكر أن أبوي بيصدق ويقس علي ويجبرني أتزوجه حتى يسكت الكل و يستر علي...بس الحمدلله أن أبوي واثق فيني وما صدق كلامهم و بعد شهور عرف أن أبوي ما خسر وجا يعتذر و أبوي طرده فرسل رسايل يهدد أنه بيوقف بوجه أي واحد
يتقدم لي...
= ونفذ تهديده..؟؟
- هو في كم شخص تقدموا و ما رجعوا بس مو متأكده إذا بسببه أو لا...والحين هو صار له سنه مسافر الله لا يرده
= لا تقولي كذا على الأقل علشان عمك
- طيب أنت وش قصة زواجك من بنت عمك..؟؟
= هي قصة بس بنت عمي مو مثل
ولد عمك..
- تحبها..؟؟
= أكيد ولا ما كنت تزوجتها
- منير
= ههههه ههههه ما يصير تغارين منها.. هي مثل ما قالوا لك زوجتي بس على ورق
- حتى لو على ورق تقول تحبها وما تبيني أغار...وبعدين يمكن بكره تسافر لأهلك و تحلى بعينك و تجيبها معاك بعد...أقولك خلاص ما في سفر إلا و رجلي على رجلك
= صدقيني إذا شفتيها بتحبينها
- ليش هي ساحره..؟؟
= لا هي هيام
- هيام..!!
= أسمها هيام....وكنا متفقين بكل شي وقبل يوم الزواج بأسبوع كانت هيام و أمها رايحين السوق و صار لهم
حااااااااااااااااااااااااااادث
***** **** ***** *****
(+_+)
و
في
البـــــ 11ـارت
ترقبــــــــــــــــــــوا!!
**********************

(هيام) زوجة منير شصار لها بعد الحاااااادث..؟؟؟
أحلام بتتغلب على خوفها وخجلها من طلال..ولاااا؟؟
<<وعلى فكره بالبارت الجاي بنعرف
ليش عمـار رافض يتزوج>>

**سيدة الشرق** · 07-07-2009, 09:28 AM

ياهلا والله والحمد لله على سلامتك

..

البارت حلو بس قصير مرره على كل هالغياب

متحمسه لزوجة منير ايش صار لها

..

متابعه
وفي الانتظار

:36_1_11:

صمـــ الجروح ـت · 10-07-2009, 01:31 AM

[QUOTE=سيدة الشرق;3984590][b][size="5"][font="traditional arabic"][align=center]

ياهلا والله والحمد لله على سلامتك

..

اللـــه يسلمك يالغاليه

البارت حلو بس قصير مرره على كل هالغياب :

مرورك أحلى يا سيدة الشرق
و قليل خير من لا شيء....وحتى تكونوا بالصوره وتعذروني
ما كان عندي نت بالفتره السابقه و لما كنت بكملها
صار عندي أكياس دهنيه بعيوني و أضطريت أزيلها قبل أسبوعين
وبـــــــــس..

متحمسه لزوجة منير ايش صار لها

..

متابعه
وفي الانتظار

صمـــ الجروح ـت · 22-09-2009, 01:09 AM

*** البـــــــــــــــــــ 11ــــارت***

= أسمها هيام....وكنا متفقين بكل شي
وقبل يوم الزواج بأسبوع كانت هيام و أمها رايحين السوق
و صار لهم حااااااااااااااااااااااااااادث
وتوفت أمها وهي تعرضت لارتجاج قوي بالدماغ
أدى إلى غيابها عن الوعي و بعض الكسور و جروح كثيره
وحطوها شهور بغرفة العنايةورجعت أشتغل هنا
و لما بشروني أنها صحت ما صدقت ومن فرحتي
حجزت على أول طياره حتى أشوفها بعيوني
لكن أنصدمت يوم شفتها وتمنيت أني ما رجعت..
لأني عرفت أنها فقدت أغلى شي نملكه

- فقدت البصر..؟؟
= لا..هي فقدت الماضي و المستقبل
- يعني فقدت الذاكرة..؟؟
= ياليتها فقدت الذاكرة وبس ياليت..
تنهد منير وهو يتذكر شكلها بذاك اليوم
واللي برغم مرور الشهور ما قدر ينساه وكمل ...
(-_-)

= نزلت من الطيارة للمستشفى و ما فكرت حتى
أسأل عن حالتها وعلى طول دخلت غرفتها
و شفتها جالسة على السريروطالعتني بنظرات حذره
و أول ما قربت منها خافت ونزلت تتخفى تحت السرير
ولما نزلت لها حتى أتأكد أني ما كنت أتخيل
ركضت وهي تصيح لزاوية الغرفة ومن الخوف بللت ثيابها....

كانت هيام اللي أعرفها بس جسد نحيف وهزيل وشاحب...
أما العقل و الأفعال فهي تصرفات طفله لها 3 أو 4 سنوات...
ما تعرف أسمها ولا أهلها و لا أي شي من اللي حولها...
يعني اللي بقى يا منى جسد هيام بس...
عرفت كيف هي زوجتي بس على ورق..
- طيب ما عرضت حالتها لمختصين..؟؟

= كلهم قالوا إن حالتها نادرة و صعبه وأي علاج
يقدمونه لها بيكون تجربه ويمكن يضرها
أكثر ما يفيدها...
فقلت كافي اللي هي فيه و تعيش طفله أرحم

- يا قلبي عليها و الحين كم مر على الحادث..؟؟
= سنتين...وهي الحين مع أمي و أختي
تعودت عليهم وتحبهم كثير وهم يحبونها
**** **** ****** *** ***
&& بعد أسبوعين &&
*** ***** ***
<<طلال يقول لخاله فيصل:
= كل شي فيها حلو وعاجبني بس للحين ما تعودت علي
زرتها مع وداد مرتين من بعد الملكه و بعد إلحاح
وتهديد من وداد جاوبت على كم سؤال وصعبه أرز وجهي
كل يوم وأنت عارف أن ما في وقت كافي...

- آممم...ولا يهمك عندي لك فكره تخليها تدق عليك
كل يوم و تجي لغرفتك بعد
= أقولك من تشوفني يصير وجهها ألوان تقولي تجي لغرفتي...
علمني أنت شناوي عليه..؟؟
- هههه كل شي بوقته حلو يا حلو بس أنت الحين
كلم الوسيطة و أسمع مقترحاتها بعد هي أخبر بصديقتها..

555 555 555

كلم طلال منى..وقالت له:
{ كلمها أكثر من مره باليوم حتى تتعود عليك
وعاتبها إذا ماردت وافرض عليها ما يوصلها لشغلهاغيرك
و لا تقولها أن الزواج راح يكون قريب حتى ما تخاف أكثر
و بالنسبة لتجهيزها أنا وداد بنسحبها معنا كم مره
والباقي علي ذوقنا...}

*** *** **** *** ***

الساعة 1 بالليل صحاعمار للمرة الثانية
مفزوع من الكابوس اللي يطارده بنومه..
سمى بسم الله وقام وفتح النافذة يشم هوى وتنهد بعمق وقال:
[وبعدين مع هذا الحلم..وبعدين..؟؟
ولي متى..لمتى هالحلم يطاردني..؟؟
ولمتى بظل على هالحال..؟؟ لمتى..
أف...أيام و أسابيع و أنا أقول لنفسي أني مع الأيام بنسى
و بأن اللي سويته صح..لكن الظاهر أنه هروب من الموضوع
وإذا أستمر بسبب لي مشكلة بعاني منها طول عمري...
&&&&&&&&&&&&&&
&&&&&&&&&
&&&&&& ]
يوم الخميس..
بعد الغداء توجه ياسر للحمام وقبل لا يدخل قالت له هدى
أنها بتنزل تحت لأن بعد شوي بتجي أخته أم أمل وبيجونهم ضيوف..
ولما دخل رن التلفون وكانت وحده من زميلاتها فكلمتها
وهي تختار لها فستان من دولابها ولما قفلت سمعت صوت ياسر
يردد الأنشودة اللي قالتها أمل وهو طالع من الحمام
فابتسمت ووقفت خلف الباب حتى ما يشوفها ويسكت
وأول ما دخل الغرفة رن جواله ورد عليه..
- آلو..
= هلا..
- هلا عمور شخبارك يالقاطع..؟؟
= أخباري ما تسر..
- خير عمار شفيك..؟؟
= ياسر لازم أتكلم معاك
- طيب أنت وين..؟؟
= أنا تحت صار لي أكثر من ساعة..أنزل نروح أي مكان
ما بي هدى تشوفني..
- لا أنت تعال هدى تحت عند أمي وما بتصعدإلا بعدالعشا
و لما أنهى الاتصال قررت هدى تبقى بمكانها وتسمع كل شي
بس خافت يدق جوالها أو ينتبه بشنطتها المرمية لكن
لأن فكره مشغول لبس بسرعة وطلع من الغرفة..

*** *** **** *** ***
(^_^) (c_c)
في أول مره طلال يوصل أحلام
خذت أخوها الصغير معاها
ولما رجعها البيت قدم لها وردة حمرا
وهي راجعه فرتبكت وبدون ما تنتبه
سكرت على أصابع أخوهـا...
(=_=)

&&&&&&&&&&&&&
&&& &&&&& &&&

= من قالت لي هدى خبر حملها وأنا مو قادر أنام
- ليش..؟..خايف عليها...عادي هذا أختي
حملت وولدت وهذي...
قاطعه عمار:
= أصه..لا تقاطعني ولا بـ
- لا خلاص كمل كمل..
= ...الموضوع مو مثل ما تظن ...
هالموضوع هو اللي مخليني أتحمل
الوحدة و ما أفكر أتزوج........
تذكر قبل شهر من نقل هدى يوم دقيت عليك وكنت تعبان
وطلبتك تأخذ أجازه كم يوم و لما شفت حالتي قلت لي
- قلت لك أنك مو مريض بس فيك شي
وشي متأذي منه وكاتمه بداخلك وهو اللي متعبك...
= آه........................................
بذاك اليوم لعنت نفسي وكرهتها وكرهت حياتي..............................
بذاك اليوم

[أتصل فيني جارنا بالسكن وسألني وين
أكون قلت له أني بالشقة فطلب مني وهو
يترجاني أني أخذ زوجته واللي بتولد للمستشفى
لأن هو بعيد ويبيله ساعة على ما يوصل..
قلت له أختي طالعه و ما أقدر أوديها لحالي..؟؟
قال لي أمها و أختها معاها و بسرعة أخذت مفتاح السيارة
وركضت لباب شقتهم وسمعت صوتها تصرخ دقيت الجرس
وفتحت الباب وحده بجلابيتها ومن ربكتها ما لبست عباه
ولا تغطت بشي وصاحت [ تكفا يا بو صالح ألحق علينا...
مزنه تولد الحين و أنا خايفه تموت.. ومو عارفه شسوي]
قلت لها {أاانا جاركم... بوصالح قالي أخذكم المستشفى
فإذا جـ..}
وقبل لا أكمل أرتفع الصراخ أكثر و سمعنا صوت أمها تقول:
(الولد بيطلع يا نعمه الـ..

&&& &&& &&&
&&& &&&
<< هذا المقطع حقيقي مو من عندي و لأنه غريب
إن شالله راح أكتبه بقصه قصيرة
و طبعا بدون إضافات وبدور له 
عنوان مناسب >>

عمـــــــــــــــــــــــــــــــار
و نعمه و أختها مزنه وشصار معاهم؟؟
وشدخل اللي صار بعزوف عمار
عن الزواج..؟؟
وياســـر بيقدر يساعد عمـــار ولا لا..؟؟
وهدى بتنكشف ولا لا..؟؟

تحياتي لكم جميعا و أهنيكم
بعيد الفطر المبارك
وعســــاكم من عــــــواده
** صمــ الجروح ـت **

AmOoOra · 25-09-2009, 03:07 AM

صمـــ الجروح ـت · 02-10-2009, 03:18 AM

انتظر ردودكم

شكولا · 04-10-2009, 11:12 PM

القصة روعة
وقرأت البآرتات كلها مرة وحدة والحين انتظر البآرت الجديد وبكون من المتابعين

**سيدة الشرق** · 05-10-2009, 01:45 AM

ننتظرك يالغلا

صمـــ الجروح ـت · 06-10-2009, 11:01 PM

اقتباس:

المشاركة الأصلية كتبت بواسطة شكولا

القصة روعة
وقرأت البآرتات كلها مرة وحدة والحين انتظر البآرت الجديد وبكون من المتابعين

أسعدني وجودك و حماسك وو حـــــــــــــــــياك اللـه

وعندي لك سؤال...س:أي شخصيه من الشخصيات أعجبتك أكثر؟؟
تحياتي لك صمـــت

شكولا · 08-10-2009, 04:51 PM

هلا أختي........بصراحة كلهم عجبوني بس اظن هدى الأكثر
(لا طولين)

صمـــ الجروح ـت · 11-10-2009, 12:13 AM

هـــلا فيك و إن شـــالله تتسهل و ما أطول

صمـــ الجروح ـت · 22-10-2009, 04:15 AM

--------------------------------------------------------------------------------

ملااااااااااحظه:
(( قصة مزنه حقيقيه كما ذكرت في نهاية البارت
وكتبتهابقصة قصيره ونزلتهابعنوان [لوكنت مكاني]
فإذا حابين تعرفونها حيااااااااااااااااااااااااااكم

MiNi_LoVe · 07-11-2009, 01:52 PM

يعطيك الف عافية
وننتظر الباقي

مجنونة السعوديN · 12-11-2009, 04:14 AM

ننتظر الباقي
مرا حلوا يسلمووو