| |
|
12-06-2009, 11:58 AM
| |||
| |||
 الشاليهات واحتكارهم للبحر ؟!!!!!!!!!!!!!!!!!!!!! اخواني واخواتي كثيرا ما تكلم الناس عن احتكار الشاليهات اغلب الاراضي المطله على البحر دون ان يسمح للمواطنيين الوصول الي واجهة البحر والاستماع بسباحه .... غير ان الواجهه البحريه على شارع الخليج مزدحمه بالوافدين ....لا يستطيع احد ان يأخذ له مكان على الساحل او مخالطة الوافدين على ساحل البحر .. وعند التوجه الي الطريق الساحلي لن تجدون ولا شبر تستطيعون الوصول الي البحر ؟!! باي حق هم يحتكرون البحر والواجهه البحريه جميعها ومنع المواطنيين من الوصول اليها والسباحه بالبحر ؟!!!!  ولا نقول ان يلغوا نظام الشاليهات لا لكن من حق المواطنيين ان تكون هنالك ممرات توصلهم الي البحر ..... لا يحتكر صاحب الشاليه كل املاك الدوله ويمنع غيره من الوصول للبحر ؟!!! هل البحر اصبح ملك له أيضا ؟!! على الاقل بين كم شاليه او كم متر مربع ياخذ من اصحاب الشاليهات مكان خاص مفتوح للمواطنيين للجلوس على البحر والسباحه ولا احد يمنعهم ولا يحيل بينهم وبين البحر ..  غير لما يحاول ان يحجز اي مواطن شاليه في الخيران او المنتجعات على البحر عليه الحجر قبل أشهر حتى يصل له الدور والملبغ ليس بزهيد بل غالي ؟!!!  اليس من حق المواطنيين ان تكون لهم استراحات بين الشاليهات ارض فضاء مواجه للبحر  بين كم شاليه ......اليست الشاليهات أملاك دوله ....كيف يحتكرون اصحاب الشاليهات كل الواجهه البحريه ...الصالحه للسباحه ؟!!!! غير ان الكويت تطل على البحر ...واهلها لا يستطيعون الا النظر اليه وعدم الوصول اليه اما من شدة الزحمه على سواحل شارع الخليج او احتكار الشاليهات البحر كأنه البحر ملك لهم او مستأجرينه ؟!!! غير وجود مساحان كبيره لأصحاب الشاليهات يغلقونها حتى لا يصل احد للبحر ؟!! اهذا يعقل حتى أصحاب الشاليهات خلفهم يمنعونهم من الوصول للبحر ؟!!!! بأي حق ؟!!!! المساله بحاجه الي اعادة النظر...وقوانيين تنظم ...الواجهه البحريه والشاليهات ....ليس من حق اصحاب الشاليهات اغلاق كل البحر ...ومنع المواطنيين او اصحاب الشاليهات الخلفيه من الوصول اليه ؟!! واتمنى ان اشوف آرائكم ......... |
|
12-06-2009, 01:56 PM
| #2 (permalink) |
| <><>المستشار<><>   |
السلام عليكم ورحمة الله وبركاته هذه جريمة في الخليج باي حق هم يحتكرون البحر والواجهه البحريه جميعها ومنع المواطنيين من الوصول اليها والسباحه بالبحر ؟!!!!  م دري زعـــــــــل لـــومـــنّــــه عـــــتـــــاب والا دلــــــــــــــــــع والا خــــــصــــــامــــــا |
|
|
12-06-2009, 02:43 PM
| #3 (permalink) |
| ضوء مبتديء |
عدل كلامك بس الشهاليهات هذي من زمان اصحابها ماخذينهم و الحين لو الشاليه اللي يمنا سبح جبال شاليهنا عصبنا وششنا علشان اكو بنات وشلون لو سوو استراحات بين الشاليهات صعبه هذي الحين الشاليه اهو المنفه حق بعض البنات ياخذون راحتهم انا من رايي انه اهل الكويت نروح حق البحر البلاجات و غيره ما نخليه على الوافدين وصرنا اذا اكو مكان فيه وافدين ما نروحله |
|
|
12-06-2009, 04:03 PM
| #4 (permalink) | |||||||||||||||||||||||
| ضوء نشيط جدا |
اخوي الفاضل abuhamad وصل الامر ان البحر نشوفه بعيونا بس كل السواحل مغلقه بشاليهات ... غير ان اصحاب الشاليهات هم يدفعون اجار على الارض والمبني والارض ليست ملك لهم بل هي أملاك دوله وفوق هذا يحجزون البحر ولا ممر الي البحر ....حتى الشاليهات خلفهم الغير مطله على البحر منعوهم من الوصول الي البحر وسكروا عليهم بحائط اسمنتي واغلقوا الابواب عنهم باي حق يمتلكون البحر ....ويمنعون المواطنيين .....والاسر الكويتيه من الوصول الي البحر .؟!! غير ان الاسر الكويتيه لا تستطيع مخالطة الوافدين في الاماكن المخصصه للسباحه ...لكثرتهم .والزحمه الموجوده على شارع الخليج العربي . وعدم وجود اي فراغات بين شاليه وشاليه كله مسكر ...؟!!! التعديل الأخير تم بواسطة dandona-1 ; 12-06-2009 الساعة 04:08 PM | |||||||||||||||||||||||
|
|
|
12-06-2009, 04:21 PM
| #5 (permalink) | |||||||||||||||||||||||
| ضوء نشيط جدا |
عفوا اختي العزيزه مو من حق اصحاب الشاليهات احتكار البحر واغلاقه عن بقية المواطنيين سواء كانت هذه الشاليهات قديمه او جديده ...في الماضي كان يوجد مساحات فاضيه وكان الكل يستطيع الوصول الي البحر ....الآن الوضع تغير أصبح تنافس واغلاق طرق وحوائط اسمنتيه حتى جيرانهم الي خلفهم في االشاليهات الخلفيه منعوهم من الوصول الي البحر بس يشمون ريحة البحر ....حتى ما يقدرون يشفونه .. لا يا اختي كلامك مافي اي عداله ...علشان البنات تمنع استراحات بين كم شاليه ...شوفي احساس المواطنيين الي ما يقدرون ان يصلون الي البحر والاستمتاع بالسباحه فيه .... واحنا ما قلنا يلغونهم لا لكن تنظيمهم لان الآن تغير الوضع ...صارت احتكار على املاك دوله .... غير مساحات كبيره فارغه بين الشاليهات .....لو توضع قوانين تنظم الشاليهات كل رب اسره له شاليه واحد مساحه معينه يلتزم الكل فيها وعدم وضع اسوار حوالين الشاليه ... او وضع حوائط وسور ملاصق للشاليه ... يستطعون ان يضعون استراحات للمواطنيين كثيره على طول الساحل ووعلى البحر ... اما عن البنات كثير من اصحاب الشاليهات عملوا حمامات سباحه داخل سور الشاليه والماء ياخذونه من البحر يعني مافي خساره ...ومنها ستر لأسرهم ...غير الجيران في الشاليهات الثانيه حتى لو اسبحوا البنات في البحر يستطيعون رؤيتهم ...الامر ما يختلف بوجود استراحات او عدم وجودها .. ناس متمتعين في البحر واغلب المواطنيين ممنوعين عنه ؟!!!! بأي حق ؟!! اين العداله برأيك ؟!! التعديل الأخير تم بواسطة dandona-1 ; 12-06-2009 الساعة 04:27 PM | |||||||||||||||||||||||
|
|
|
12-06-2009, 04:24 PM
| #6 (permalink) |
| ضوء سوبر ماسي | 
السلام عليكم ورحمة الله وبركاته شـكــ وبارك الله فيك ـــرا لك ... لك مني أجمل تحية . ------------ فعلا كلام صحيح 100% والشاليهات وضع اليد  اكال من الشق الى الشقوالظاهره بس بالكويت كل عايله لها ساحل خاص فيها من دوار البدع الى الحدود السعوديه وقانونا انه بعد الساحل شارع وبعدها المقاهي والشاليهات واماكن الترفيه نفس جزيرة فوكيت التايلنديه |
|
|
|
12-06-2009, 04:51 PM
| #7 (permalink) | |||||||||||||||||||||||
| ضوء نشيط جدا |
اخوي الفاضل bo3bood الشاليهات ليست الارض ملك لهم بل أملاك دوله كيف يحجزون البحر عن باقي المواطنيين ؟!! في الماضي اصحاب الشاليهات كانوا يسورون فقط شاليهم بشباك ..ويتركون مساحات فارغه بينهم وبين جيرانهم ....يستطيعون الاسر الكويتيه الجلوس ووضع الشماسي والسباحه على الشاطىء ...لان الاسر الكويتيه ...محافظه لا يردون الاماكن المخصصه لسباحه العامه لان اسرهم لا تقبل الاختلاط مع الوافدين لان العادات والتقاليد مختلفه ...وعدم اخذ راحتهم للزحمه الموجوده .. الآن تغير الوضع في الشاليهات كل واحد يأخذ اي مساحه جمبه ويلتصق بجدار جاره ...ووضعت حوائط اسمنتيه وابواب حديد حتى لا يستطيع احد ان يصل الي البحر على طول الساحل ... حتى جيرانهم من الشاليهات الخلفيه تتصور أخوي الفاضل سكروا عليهم البحر ومنعوهم من الوصول له ...اي أخلاق هذه أمنع جيراني من الوصول الي البحر ؟!! نعم هنالك احتكار واغلاق متعمد من اصحاب الشاليهات الآن .... وحتى لو تبي تستأجر شاليه في اي منتجع ...تنتظر شهور ومواعيد علشان 3 ايام لتشوف البحر عن قرب والسعر حراق لما يكون للأسر تدفع 1000او 1500او اكثر علشان كم يوم ....بحرنا ولا احنا قادرين نوصل له ؟!! هم يستمتعون أصحاب الشاليهات في البحر هم واسرهم واطفالهم وغيرهم من الاسر الكويتيه ممنوعين من الوصول له ؟!! وجود استراحات بين كم شاليه ضروري ....وتنظيمهم ...هذي أملاك دوله ...وليست ملك خاص لهم وهدم هذه الاسوار الاسمنتيه والابواب الحديده ....خلوا العالم تشوف البحر وتوصله ... وتوضع قوانين تمنعهم من حرمان جيرانهم في الشاليهات الخلفيه من الوصول للبحر لازم يكون لهم ممر للبحر ... نعم اصحاب الشاليهات احتكروا كل الساحل الآن ومنعوا غيرهم من الوصول اليه ....شي يقهر وهذا دور مجلس البلدي ..في تنظيمهم . وشكرا لك ولك كل تحيه وتقدير .... التعديل الأخير تم بواسطة dandona-1 ; 12-06-2009 الساعة 04:54 PM | |||||||||||||||||||||||
|
|
|
12-06-2009, 09:30 PM
| #9 (permalink) | |||||||||||||||||||||||
| ضوء نشيط جدا |
اختي الفاضله ضوى الاضواء شكرا لحضورك ومشاركتك لكن يبقى الموضوع له اهميه ......لان هذا ما نعانيه في الواقع من احتكار الشاليهات كل الاراضي واغلاقها عن غيرهم .... ليش ما يكون كل رب اسره له مساحه معينه ...ولا ياخذون من الاراضي ما يردون ويغلقونها ويحتكرونها لأنفسهم ...ناس تنتظر مواعيد المنتجعات بشهور وتدفع مبالغ كبيره ...وناس تدفع أجار سنوي لو بنقارن بينهم وبين الي يدفعون للمنتجعات مافي مقارنه ....؟!!! غير يحرمون غيرهم من التمتع هم واسرهم في البحر ....مافي ممرات توصل للبحر ..ولا استراحات بين الشاليهات ...الكل يسور وياخذ أرض أكبر من احتياجه ....ويغلق الطريق على الشاليهات الي خلف شاليه ويمنعهم من الوصول للبحر ...وحتى رؤيته ؟!! في الماضي الشاليهات ما كانت تمنع احد من الوصول الي البحر لانها غير مسوره .... الكل يستطيع ...يصل للبحر الآن وضع الشاليهات اختلف ...يحرمون جارهم الخلفي حتى من رؤية البحر من بعيد ...ولا يسمحون له ان يصل للبحر ؟!!! شي عجيب الصراحه | |||||||||||||||||||||||
|
|
|
13-06-2009, 01:37 AM
| #12 (permalink) |
| ضوء سوبر ماسي |
اختي الكريمة اذا انتي قلتي انه يخلون جم متر بين كل شاليه عشان الناس تيي تسبح بالبحر راح تصير وايد مشاكل اولها في وايد شباب رايح ايون و يقعدون و يسبحون يم شاليه كله عوايل و هذا ما يصير .. و هم الي بيون بياكلون و يقطون وصخهم بالبحر و محد راح يتأثر الا اهل الشاليهات و هم اذا ياو راح يسون ازعاج ... و اهل الشاليهات ماراح ياخذون راحتهم .. و بالكويت في وايد أماكن مفتوحه على البحر يعني يت على على جم منطقه ... شارع الخليج كله على البحر .. المنقف على البحر .. المسيلة على البحر و كله بحر مفتوح و كل واحد يقدر يسبح و ياخذ راحته .. و فيه منتزه الخيران و الوطنية و هيلتون و كمبنسكي الي بجليعه و منتزه خليفه .. يعني الي ما عنده شاليه يقدر يروح حق اي مكان من هالأماكن و يستانس . |
|
|
|
13-06-2009, 06:26 AM
| #14 (permalink) |
| ضوء |
السلام عليكم ورحمة الله وبركاته موضوع احتكار الشاليهات للبحر سليم وأوافقج عليه اختي العزيزه بس بنفس الوقت الحل الي يرظي اصحاب الشاليهات ويرظي رواد البحر تقريبا مستحيل أصحاب الشاليهات مايبون احد يمهم ولا يتطفل على وناستهم وخصوصيتهم تخيلي لو كان في مسافه معينه بين كل شاليه والثاني في عوايل طبعا بيسبحون ومعاهم بناتهم وتخيلي لو هذا الشاليه الي يسبحون يمه شاليه شباب!!! هل تتوقعين العوايل ياخذون راحتهم!! او حتى لو صار العكس وشباب يسبحون عند شاليه عوايل انا معاج انه نحتاج حل بس الحل مو بهسهوله. يعطيج العافيه وشكرا عالموضوع اختي الكريمه تحياتي.. |
|
|
|
13-06-2009, 08:30 AM
| #15 (permalink) | |||||||||||||||||||||||
| ضوء نشيط جدا |
اختي الكريمه عفوا الحكومه ما سكرت الساحل البحري احنا عندنا شاليه وانعرف شنو سووا اصحاب الشاليهات لين خلونا نعافه من كثره الاسوار والحوائط الاسمنتيه ....العاليه . كل واحد راح خذا مساحات كبيره بعد صدور قانون الاجار وغير الشبك الي حائط اسمنتي ولا هم بحاجه الي هذه الاراضي ولا يستخدمونها باي شي .. اعتقاد منهم انهم في المستقبل تصبح لهم وملك ....يطالبون فيها ... والبعض حب التملك والصك على الجار ..........وعلى غيره في الماضي ما كان في اسوار شاليهات وبس ....البحر مفتوح للكل ...ما كان اهناك مشكله لكن الحين ........اسوار وحوائط اسمنتيه عاليه وابواب حديده .....ومساحات كبيره واغلاق الطرق كل هذا علشان يمنعون الناس ما يصلون البحر ......بأي حق لا يكون اهم استأجروا البحر بعد غير انهم منعوا الشاليهات الخلفيه الي بظهرهم من الوصول للبحر هذا انا شايفته ...هذا الشي ولما اعترضوا واشتكوا البلديه ما سوت شي لهم مساكين ...وعلوا حتى الاسوار ما يشفون حتى البحر من بعيد .......علشان يطفشونهم من المكان ؟!!! اولا هذا ما يجوز ...لا قانونا ولا دينيا ولا اخلاقيا ....ولا اهي الارض ملك لهم .. حتى البلديه تركوا الحبل على القارب كل من يسوي الي يبيه لا في تنظيم ولا شي ... لو يزيدون عليهم المبالغ كبيره تأكدي اختي الفاضله الكل راح يتخلى عن الاراضي ....الكبيره وتنظم العمليه احنا مو ضد الشاليهات واصحابها لا ...لكن المسأله تطورت الآن وصارت احتكار ما تقدر الاسر الكويتيه رؤية البحر والسباحه فيه الا بفلوس ومبالغ كبيره علشان تستأجر شاليه في اي منتجع او منتزه ....غير الدور بأشهر ..؟!! | |||||||||||||||||||||||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الحق ماتلحق((لاتطوفكم الشاليهات)) | رضيت انعزالي | أضواء السياحة والسفر | 10 | 18-06-2009 03:50 AM |
| 9 جوانب صحية.. في النظام الغذائي للبحر الأبيض المتوسط | 25 فبرايـــــر | أضواء الصحة والطب | 5 | 09-03-2009 08:53 PM |
| شكيت جرحي للبحر..!!! | الشـــرقــي | أضواء همس القوافي | 3 | 04-11-2008 10:39 AM |
| ماسنجر بلس |
مطبخ |
دروس كمبيوتر |
فوتوشوب | مسجات |
العاب
بنات فقط | تحميل ملفات
|
ترجمة
|
خواطر | توبيكات
ماسنجر | بث مباشر
|
برامج |
دردشة خليجية |
العاب باربي | |
العرض العادي
