| |
|
11-01-2009, 10:47 AM
| ||||
| ||||
 أَيَ الحَيَوآتْ إِخْتَرْتْ / فكرة مجموعة شَبآبْ سعودين ,؛ السلام عليكم ورحمة الله وبركاته هذآ فيديو لمشروع قروب من الشباب .. وهذا الفيديو غير حياة كثير من الناس للأحسن يمكن انتو كمان راح يغير حياتكم .. ادخلو ع الرابط واضغطو على Nawaf أو Badar الرآبط ,,  نبذهـ بسيطة .. تاريخ المشروع : ببساطة نحن- شباب سعوديين هدفنا كان بسيط ! في الحقيقة هو لا يختلف عن أهداف شباب كثير بس نحن اللي شوية مختلفين ... نحن مجموعة محترفين في مجال الدعاية و الإعلان، أعمالنا تبدأ من فكرة الإعلان و تنتهي على اللوحة اللي بتشوفها في الشارع ... أو الصفحة اللي تقرأها في الجريدة... أو على التلفزيون ! استراتيجياتنا دائمًا هدفها الأول... إنك تقتنع تشرب الحليب هذا بدل هذاك.. و تقتنع تأكل البيتزا هذه بدل ذيك... و تلبس من المكان الفلاني بدل المكان الفلاني. مهنتنا تحكمها الأمانة لأن تأثيرنا على سلوكك كمستهلك كبير و معدل الإنفاق الإعلاني السنوي علشان نأثر عليك يزيد عن البليون ريال... تخيل..إنت أهم مما كنت تتخيل! و لأنك مهم جاءت الفكرة عام 1999م .. لو حنأثر عليك تأكل و تشرب و تلبس من الأولى نأثر عليك تصلي ! يعني ببساطة..إننا نوظف طاقاتنا الإبداعية و القوة المادية اللي يتمتع بها مجالنا عشان نخلي اللي ما يصلي يصلي! و قوتنا بعد الله- سبحانه و تعالى- استمديناها من حديث الرسول صلى الله عليه وسلم ((لئن يهدي الله بك رجلاً واحداً خيرلك من حُمر النّعم )) و تحولت الفكرة عام 2001م إلى أول مراحل مشروع أقم صلاتك و كانت هذه المرحلة تحت عنوان ((أقم صلاتك .. قبل مماتك)) أما المرحلة الثانية فكانت عام 2002م ((أقم صلاتك .. تنعم بحياتك)) و المرحلة الثالثة جاءت عام 2004 م ((أقم صلاتك .. تصفو حياتك)) و بعد الغياب رجعنا لكم بمرحلة رابعة جديدة و مختلفة اتعمدنا نخليها مثيرة و جريئة.. و نسأل الله التوفيق... فريق "أقم صلاتك" *********** هل سُئلت هذا السؤال من قبل " ايش تبغى تسير لما تكبر ؟ " و لما كبرت ألم تسأل هذا السؤال " ايش ناوي تدخل في الجامعة ؟ " و لما اتخرجت ما سألوك " فين تبغى تشتغل بعد التخرج ؟ " سلسلة لا تنتهي من الأسئلة " ما انت ناوي تتزوج ؟ متى حتجيب أولاد...وهكذا " إجاباتها تحكمها اختياراتك .. أتمنى أكون دكتور لما أكبر .. ناوي أدخل كلية الطب إن شاء الله .. أبغى أشتغل في أحسن مستشفيات المملكة .. أبغى أتزوج بعد الوظيفة .. و أبغى أملىء البيت أولاد .. طيب خليني أنا أسألك هذا السؤال " متى مخطط تموت ؟ " "و مع مين حتكون بعد الموت .. أهل اليمين .. أهل الشمال .. ولا السابقون السابقون ؟" ممكن تجاوب ! طيب بلاش تجاوب و خلينا ندخل في الموضوع .. يخلق الإنسان مخيّر مسيّر و تخلق الدنيا بكل أنواع المتاع .. ببساطة إنسان ضعيف أمام كل أنواع و أشكال المغريات .. و تأخذك الحياة من محطة إلى محطة و لما تشّد عليك شوية تلاقي نفسك بتقول " بكرة يوم جديد " و لما تزيد أخطاءك و تملىء الذنوب حياتك تلاقي لسانك بيقول " أعطي نفسك فرصة " و فرصة وراء فرصة لمّا تنتهي كل الفرص.. و تصير الأسئلة عن عمرك فيما أفنيته؟ و شبابك فيما أبليته؟ و مالك من فين جبته و على إيش ضيعته؟ صدقني لا مفر من هذه الأسئلة أنا و إنت لها ... بس جاوب سؤالي الأخير " ألا تحب أن يظلك الله تحت ظله يوم لا ظل إلا ظله .. ؟ " حتى أنا أحب أكون في ظل الرحمن .. إذاً تعال نختار نكون شباب نشؤوا في عبادة الله و رجال تعلقت قلوبهم بالمساجد ... *********** هذه حيآتي و هذه هي آختيآرآتي .. اتمنى تسآهمو في نشر هذآ الموقع لآنهآ دعوة توعويه تغير مسآر حيآة آي شخص فينآ ودعواتكم لكل من ساهم في هذا العمل وساعد على نشره * * لا إله إلا انت سبحانك اني كنت من الظالمين  ••يآجَبــآرْ إجبر كسر قلوبهم وَ قلُوبِنـا ~•• |
|
01-03-2009, 04:30 AM
| #10 (permalink) | |||||||||||||||||||||||
| ضوء سوبر ماسي  |
 اللهمـــــــ آمينْ وبآرك فيكِ .. تسلمي يآرب .. ••يآجَبــآرْ إجبر كسر قلوبهم وَ قلُوبِنـا ~•• | |||||||||||||||||||||||
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
| |
| ماسنجر بلس |
مطبخ |
دروس كمبيوتر |
فوتوشوب | مسجات |
العاب
بنات فقط | تحميل ملفات
|
ترجمة
|
خواطر | توبيكات
ماسنجر | بث مباشر
|
برامج |
دردشة خليجية |
العاب باربي | |
العرض العادي
